Winali 31:19 - Wunta Mempori

¹⁹ Kanandio-andio, buriomo penani andio ka paguruako ira to Isaraeli. Naao a laro ngangado kai penani andio gagi sakosii-Ku a nto Isaraeli.

Winali 31:19 ပူးပေါင်းရင်းမြစ်များ

2 Samueli 14:3

Ka i'amba lumako me'aro a mokole ka pauako iramo kanandio.” Onaemo ka ipauakono i Yoabi hapa anu asalakono ta pinauno beine atuu.

Po'unde-unde 102:18

mewolili Iramo merorongeakono pekakaino mia nahina po'iangano, ka komba Dopebungkuio pekakaido.

Peluarakoa 4:15

Asalakono kau pepau ndi onae ka pauakono hapa anu ta pinaumu; Aku koa tumulungio elomu ka elono mepau. Aku koa paguruakomiu hapa anu ta wineweumiu.

Yesaya 51:16

Aku numaao pau-Ku a laro ngangamu ka dumagaiko a laro mpo'engoino kae-Ku, Ongkue anu wileo langi ka numaao empehino tolino, ka mepau ndi Sioni: Omuemo bawaa-Ku!

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

Yeremia 1:9

Ka Do'amba i Ue weroo kae-Do umanggao ngangaku. Ondae i Ue mepau ndi ongkue, ”Menteeano Kunaao luwuno pau-Ku a laro ngangamu.

Yehesikieli 2:5

Moiko domperorongeakono ke naahi, hangano ondae atuu suku anu mpe'ewa, ira mento'orio nine asa nabi kongko i tonga-tongado.

I MATIU 10:18

Ka hangano Ongkue, komiu mewinawa i'arodo anu mempabawa ka a mokole gagi sakosii ndi ondae ka a luwuno mia anu nahi domento'ori Ira Ue Ala.

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

Winali 11:19

Asalakono imempaguruako ira anamiu saru mempopauo ba impentoro i rahamiu ka ba kontongaamiu pelempa, ba mpepombole komiu ka ba impewangu.

Winali 31:18

Sine Aku wunio ntu'u rupa-Ku i tempo atuu, hanganoluwuno mosa'o anu domeweweuomo ka dompewolili a mpinesombai susua.

Winali 31:26

”Ime'alaomo wunta Taura andio ka imenaao i horino Burua Pedandia-Do i Ue, Ue Alamiu, kai gagi sakosii i tu'ai ndi omiu.

Winali 31:30

Ka i'amba i Musa mohaweo luwuno pauno penani andio a birido luwuno bawaa Isaraeli ranta ka i'umari.

Winali 32:1

”Ta'oomo birimu, hei langi, aku mepau, rongeomo, hei tolino, pinauku.

Winali 6:7

Asalakono temararu imempaguruako ira anamiu ka impopauo tempono impentoro i rahamiu ke kontongaano a laro pelempaa, tempono impepombole ke mpewangu.

Yosua 24:27

Motae i Yosua ia luwuno tongku atuu, ”Menteeano ntu'u watu andio ta gagi sakosii ndi ontae, nde watu andio rumongeo luwu pau-Do i Ue anu pinau-Do ndi ontae. Gagi watu andio gagi sakosii ndi omiu, kasi mpehapu ia Ue Alamiu.”