Winali 31:16 - Wunta Mempori

¹⁶ Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

Winali 31:16 ပူးပေါင်းရင်းမြစ်များ

Tegagia 15:15

Omue kolumako manangai ndi ondae uempu'umu ka kokinaburu tempono moputeomo wuumu.

Tegagia 25:8

ka i'amba tampula penaano. Onae mate i tempono moputeomo wuuno, mota'u ka tende ntinuwu. Onae pinumpu a uempu'uno.

Tegagia 47:29

Mansano umpedaomo mateano i Isaraeli, ipoboio i Yusupu, anano, ka ipotaeakono, ”Tewala mohawe aku pompehohawamu, po'ineeomo ka unaao kaemu i totono puu mpa'aku, ka pesumpamo nine omue komopokitao pompehohawa ka petenunumu ndi ongkue: Si kaburu aku i Masiri.

Tegagia 47:30

Ineheku mohawe penaa-naaaku saru uempu'uku. Onaemo pu'uno wawa akumo meluarako inso i Masiri ka kaburu akumo a mpekaburuado.” Isangkio, ”Aku koa weweuo kana pinaumiu atuu.”

2 Samueli 7:12

Tewala haweomo tempomu ka komohawe pena-naa me'asaako ira uempu'umu, ka Aku wanguo inulemu lembuino, ana ngkoroimu, ka Aku mokomorosoo poparentaano.

1 Mokole 1:21

Tumangkoroo lembuino tewala mebinta komiumo, ongkue saru i Salomo anaku ba mansa pinokonsala.”

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

2 Mokole 18:12

Kai gagi kanatuu hangano nahi domperorongeakono pau-Do i Ue, Ue Alado ka melimpaio pedandia-Do, luwuno anu iparentaako ira i Musa, tetenaa-Do i Ue. Nahi domebehe mperorongeakono ka nahi domeweweuo.

2 Mokole 20:1

A luwuno oleo atuu i Hisikia mahaki ka ilawupo imate. Ka i'amba i nabi Yesaya anano i Amosi aiwa ka ipotaeakono, ”Kanandiomo pau-Do i Ue: Pobintamo pe'oliwimu a nsomborimu, hangano omue komate, nami kotompa mbo'u.”

2 Tawarika 21:11

Ka iweweuo mbo'u luwuno pompesombaia a luwuno torukuno i Yehuda. Onae weweu ira palili i Yerusale mponsosabo ka onae mokopansia ira to Yehuda.

Ayubi 20:11

Luwuno wukuno moiko ibuke rosono mia mongura, sine roso mbo'u atuu ta mepombole saru onae a laro pampawu.

Po'unde-unde 106:39

Koroido domengkokoburutiakono hapa anu wineweudo, ka mpososaboako luwuno wineweudo.

Po'unde-unde 73:27

Hangano menteeano, isema anu olai inso ndi Omiu ta mate; Ipepate ira luwu mia, anu nahi petenunu mbo'u ndi Omiu.

Peluarakoa 32:6

Tisomono mo'o-mo'oru mpopesombaako iramo pesomba tinunu ka pesomba tekaduduia. Ka do'amba tongku atuu mpentoro mpongkaa ka mpo'inu, umarino atuu mpentade pada mpewoo-woo.

Peluarakoa 34:15

Si mansa mpoweweu pedandia saru palili i wita atuu, hangano tewala mpososabo ira mpetonda a anu pinesombaido ka mpompesombaako pesomba a anu pinesombaido atuu, ba domansa me'olu komiu ka impetonda mpongkaa pesombado anu sinumbele.

Yesaya 48:8

Omue nahi urongeo ke ba uto'orio, ka birimu mbo'u nahi te'ungkahi mompu'u i ndi'ipua. Sine, Kuto'oriomo nine poweweumu tedoa mosa'o, ka domempauo mia nine omue Puu Mpe'ewa mompu'u inso a mpe'anakaa.

Yeremia 31:32

komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i Ue.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yehesikieli 16:15

”Sine omue merorohio tekosimu ka telelemu ka upebelesu. Omue moweeo ntu'u pebelesumu a sompo mia anu telalo.

Hosea 1:2

Tempono Ondae i Ue mompu'u mepau molalo i Hosea, mepau Iramo ndi Hosea, ”Lakomo, kombiaomo asa beine belesu ka pe'ue iramo ana belesu, hangano wita andio inehedo mpebelesu saru mpebungkui Ira i Ue.”

Hosea 10:4

Kopau-pau ira, mpesumpa nahi mentee mpoweweu pedandia; songka montonda po'ehedo kana pinopaho merasu a banga-bangano lere.

Imama 26:15

tewala nahi mentondao pompakosi-Ku ka aroamiu nte'osa rumongeo atora-Ku, ka nahi meweweuo luwuno parenta-Ku ka melimpaio pedandia-Ku,

Podoaa 27:13

Umarimu kumitao, komopinumpu saru uempu'umu, mengkena kana i Haruni, akamu.

WINEWEUDO TINENA 13:36

Hangano i Daudi weweuo po'ehe-Do Ue Ala a tempono, ka i'amba mate ka pinombole i horino uempu'uno, ka onae lano pineweengako a matea.

Winali 31:18

Sine Aku wunio ntu'u rupa-Ku i tempo atuu, hanganoluwuno mosa'o anu domeweweuomo ka dompewolili a mpinesombai susua.

Winali 32:15

Ka i'amba i Yesuruni gagi mewalo ka ipetundo i bungkuno, ta mewalo, langkai kompo, ka me'ihi. Ibinta Ira Ue Ala anu mokogagio, ipe'uru-uruo Torukuno Watu tekaduduiano.

Winali 32:50

Ka u'amba mate i wawo ntorukuno anu pinewuatakoimu atuu kau pinumpu saru uempu'umu, mengkena saru i Haruni, akamu mate i torukuno Hore ka pinumpu a uempu'uno.

Winali 34:5

Ka i'amba i Musa tetenaa-Do i Ue atuu mate I ra'ai, i wita Moabi, menunu saru pau-Do i Ue.

Winali 4:25

Tewala mpe'ana ue komiu ka gagi mota'u i wita atuu, ka impogau mokoburu mpoweweu tinaha kana hapamo koa ka mpoweweu hapa anu mosa'o a pongkita-Do i Ue, Ue Alamiu, komiu mokontekuda Ira.

MENGKAAA 19:2

hangano mentee ka moleo luwuno pobitaraa-Do, hangano Ondaemo anu bitarao mia belesu ntu'u atuu, anu sumolangio tolino hangano poweweuno mokoburu; ka Ondaemo anu mombaloakono reado tetenaa-Do a mia belesu atuu.”

Puu Mpobitara 10:13

Sine imebinta Akumo ka impesomba a anu pinesombai susua. Onaemo, ka nahi Aku tumolosikomiu mbo'u.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 2:12

Dompebungkui ira i Ue, Ue Ala ue mpu'udo anu lumuarako ira te'inso i wita Masiri. Domentondao anu pinesombai susua, inso i olono anu pinesombaido tongku anu lumimbu ira. Ka dompesombaio anu pinesombaido atuu anu mokotensilao tekuda-Do i Ue.