Winali 31:11 - Wunta Mempori

¹¹ tempono luwuno to Isaraeli me'aiwa mpesomba ndi Ondae i Ue, Ue Alamu, a mpo'ianga anu bininiki-Do, asalakono imebasao songka Taura andio i arodo luwuno to Isaraeli.

Winali 31:11 ပူးပေါင်းရင်းမြစ်များ

2 Mokole 17:37

Omiu asalakono mpe'ini a luwuno pompakosi, atora ka songka ka parenta anu Doburiakomiumo ka imeweweuo mpiha ka siimo impesomba a luwuno anu pinesombai susua.

2 Mokole 23:2

Ondae mokole lumako a raha-Do i Ue meronga luwuno to Yehuda ka palili i Yerusale, luwuno sando mpesomba, luwuno nabi, ka luwuno palili, inso anu kodei hawe anu langkai. I arodo ibasaako ira luwuno pauno Wunta Pedandia anu hinawe a raha-Do i Ue atuu.

Nehemia 8:13

Umarino atuu luwuno bawaa melako mpongkaa ka mpo'inu, mpotia-tia kaanga ka mpogawe, hangano dompokonto'orio luwuno pau-Do i Ue anu pinokomengkaa ndi ondae.

Nehemia 8:18

Luwuno bawaa anu mpekule inso a mpontadia mpoweweu ira laika ka mpo'ia i tu'ai. Lano i tempono i Yosua anano i Nuni hawe oleo atuu to Isaraeli nahi dohori meweweuo anu kanandio. Langkai ntu'u mawongkoa anu pinembasaido.

Nehemia 9:3

Kontongaado mpentade a mpo'iangado, binasaomo wunta Taura-Do i Ue, Ue Alado, i larono asa ntia opaa oleo, sekono asa ntia opaa oleo mbo'u, mempauo mangakudo ka mpenggolontu mesombai Ira i Ue, Ue Alado.

Po'unde-unde 84:7

Tewala melaloo Lembono Baka, domeweweuo gagi po'ianga anu memata uwoi; oo, usa pompu'uano tempo tumutuwiakono ronso.

Peluarakoa 34:24

Tewala Kusaari ira luwuno tongku inso i aromiu ka mokomaluao witamiu, nahina maupo te'asa mia ta mosisiriakono witamiu itempono impesomba i aro-Do i Ue, Ue Alamiu, pentolu ilarono asa nta'u.

WINEWEUDO TINENA 13:15

Mansano umari pobasaa songka Taura ka wuntado nabi, mpetena iramo petewawa a raha tepumpua mpesikeno ndi ondae, ”Luwumiu pepaekompo, tewala hinao pe'oliwi anu mowangu ka montarero bawaa andio, imempauako iramo!”

WINEWEUDO TINENA 15:21

Hangano inso a tempo i ndi'upua songkano i Musa pinalele a sompo-sompo kota, ka hawe kanandio-andio songka atuu binasa sompo-sompo oleo Saba a luwuno raha tepumpua.”

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:14

Sine, a mpo'ianga anu bininiki-Do i Ue i witado asa i olono sukumiu, i ra'aimo asalakono impesombaakono pesomba tinunumiu. I ra'aimo asalakono imeweweuo luwuno anu kuparentaa komiu.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.