Winali 30:6 - Wunta Mempori

⁶ Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 30:6 ပူးပေါင်းရင်းမြစ်များ

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

Yeremia 4:4

Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Yeremia 9:26

to Masiri, to Yehuda, to Edomi, inuleno i Amoni, to Moabi ka luwuno mia anu kumeruo wuuno a wiwi uluno, mia anu mpo'ia i pada one, hangano luwuno tongku atuu menteeano nahi dompetindi ka maupo luwuno suku Isaraeli nahi tinindi aroado.”

Imama 18:5

Mentee ntu'u omiu asalakono mpe'ini a pompakosi-Ku ka atora-Ku. Mia anu weweuo ta tuwu hangano onae. Ongkuemo Ue.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

ROMA 11:26

Kanandiomo pesalaano luwuno to Isaraeli ira mengkinadudui, kana hinao teburi, ”Inso i Sioni Ira hawe Pontolosi, Ira umoninio luwuno pinogauno i Yako anu mosa'o.

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

1 KORINTI 8:3

Sine mia anu mehohawa Ira Ue Ala, Doto'orio Ue Ala.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

KOLOSE 2:11

Ndi Ondae mentinindi komiumo, komba petindi anu wineweuno mia, sine pontindi-Do i Kerisituu, onaemo pololohia koroi anu tehala,

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 YOHANE 4:7

Pepaekompo luwu-luwu anu kinekewoiku, aiwamo tomemambe pehohawa, hangano pompehohawa atuu te'inso ndi Ondae Ue Ala; ka sompo mia anu mompehohawa, pine'anaako inso ndi Ondae Ue Ala ka tumo'ori Ira Ue Ala.