Winali 30:4 - Wunta Mempori

⁴ Maupo luwuno mia anu tesaari ndi omiu kongko i tompano langi, inso i ra'ai mbo'u Ira pumpu komiu i Ue, Ue Alamiu ka wali umalakomiu.

Winali 30:4 ပူးပေါင်းရင်းမြစ်များ

1 Mokole 8:34

po'ineeomo Irongeo inso i suruga, I'ampunio halado bawaa-Miu Isaraeli ka Iwawa ira mpepokule a wita anu Iweeako iramo uempu'udo.

2 Tawarika 30:9

Menteeano, tewala mpekule komiu ndi Ondae i Ue, luwuno pepaekompomiu ka luwuno anamiu ira mpohawe pompehohawa inso a luwuno mia anu tumawa ira, ranta ka dompekule i wita andio. Hangano Ondae i Ue, Ue Alamiu, anu puu mpompehohawa. Nahi Ira wolilio rupa-Do inso ndi omiu, tewala mpepokule komiu ndi Ondae!”

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 43:6

Aku mepauakono utara: Peweengakonomo! Ka a nselata: Sii ontoo! Wawa iramo ana-Ku tama inso a olaiano, ka ana-Ku beine inso a luwuno tompano tolino,

Yesaya 48:20

Peluarakomo inso i Babeli, polaimo inso i Kasidimi! Pauomo saru kokora-kora mawongko ka paleleomo mongkona andio! Paleleomo hawe i tompano tolino! Pauomo, ”Ondae i Ue Dotolosiomo i Yako, tetenaa-Do!”

Yesaya 62:11

Hangano, onaemo andio anu Dopoporongeomo i Ue hawe a tompano tolino! Pauomo a ana beine Sioni: Menteeano, tekaduduiamu hawe; menteeano, ondae anu gagi tambono pe'i'isei-Do kongko saru Ondae ka ondae anu pinongko'ala-Do mpelempa i aro-Do.

Yeremia 31:8

Menteeano, Aku wawa ira inso i wita utara ka pumpu ira inso a luwuno tompano tolino; i olodo hinao mia morawu ka mia puungku, hinao beine mentia meronga beine me'ana; asa tepumpua langkai ira mpekule i ndi'ai.

Yeremia 8:3

Sine luwuno mia anu da mentuwu inso a nsuku anu lambaha andio ta inehedopo mate sekono tuwu a luwuno po'ianga isua Kusiarawo ira, kanandiomo pau-Do Ueno luwuakoano.

Yehesikieli 36:24

Aku umala komiu inso a luwuno tongku ka pumpu komiu inso i luwuno wita saru wawa komiu mpekule i witamiu.

I MATIU 24:31

Ka Dotena ira mala'eka-Do mpeluarako saru mpopuuri tawuwua anu mongkokongiri unino ka ira mepumpuo luwuno mia bininiki-Do inso a opaa siuno tolino, inso i tompano langi anu aasa hawe i tompano langi anu susuano.

I MARAKUSU 13:27

Ka i tempo mbo'u atuu Ira metena ka dompeluarako mala'eka-Do ka Ira pumpuo luwuno mia bininiki-Do inso a opaa siuno tolino, inso i tompano tolino hawe i tompano langi.

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.