Winali 30:3 - Wunta Mempori

³ onaemo Ondae i Ue, Ue Alamu, Ira mokomoikoo tumuwumu ka mehohawako. Ira wali pumpu komiu inso a luwuno tongku ba isua Dopeweengakomiumo i Ue, Ue Alamiu.

Winali 30:3 ပူးပေါင်းရင်းမြစ်များ

Tegagia 28:15

Menteeano, Aku kumongkomiko ka Aku dumagaiko, maupo isua ulako. Aku wawako mekule i wita andio, hangano nahi Aku bintako, tendeano weweuo mpiha hapa anu Kudandiakomu.”

Tegagia 48:21

Ka i'amba i Isaraeli motaeakono i Yusupu, ”Nahi tehine mbo'u akumo mate, sine Ondae Ue Ala Ira kumongkomi komiu ka wawa komiu mpekule i witado uempu'umiu.

1 Tawarika 16:35

Ka potaemo, ”Kadudui kamimo, oo Ue Ala, puu pongkaduduimami, pumpu kamimo ka potola kamimo inso i olono luwuno tongku, ka kimpotarimakasi a nee-Miu anu mempori, ka mpo'unde a laro po'unde-unde ndi Omiu.”

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Ayubi 42:10

Ondae i Ue mokomoikoo teweweuno i Ayubi mansano mekakaiako ira sambe'eno. Ondae i Ue weeakono i Ayubi luwuno pine'ueno i ndi'ipua hawe meluka mpendua.

Po'unde-unde 107:3

anu pinumpu-Do inso a luwuno wita susua, inso i sabaano oleo ka inso i sumooano oleo, inso i utara ka inso a ntahi.

Po'unde-unde 147:2

Ondae i Ue wanguo Yerusale, Dopumpu ira to Isaraeli anu ntesiarawo;

Yesaya 27:12

I tempo atuu Ondae i Ue Ira monsesa mompu'u i Koro Eparata hawe i Koro Masiri, ka omiu komiu mepinumpu nte'o'asa, hei to Isaraeli!

Yesaya 43:5

Siimo doito, hangano Ongkue kumongkomiko, Aku moweeakomu ana'uemu inso i sabaano oleo, ka pumpuko inso i sumooano oleo.

Yesaya 54:7

Komba ta tehine Kubintako, sine hangano pompehohawa anu langkai Kuwali umalako.

Yesaya 56:8

Pau-Do Ue Ala anu pumpu ira to Isaraeli anu ntesiarawo: Aku mopumpu mbo'u mia ndi onae gagi tiangido miano anu tepumpuomo.”

Yeremia 12:14

Kanandiomo pau-Do i Ue, ”Mongkona luwuno pehori raha-Ku anu mosa'o wineweudo, luwuno tongku anu monsosanggoli wita anu Kuweeako iramo bawaa-Ku Isaraeli gagi tia pusakado, menteeano Aku buta ira inso i witado ka Aku buta ira suku Yehuda inso i tonga-tongado.

Yeremia 23:3

Ongkue isa'a pumpu ira anu ntebinta inso a bawaano bembe bimba-Ku inso a luwuno wita ba isua Kusiarawo ira. Aku wawa ira mpekule a mpada pakambiado. Ka do'amba mpo'ule ka ntetiangi hadio.

Yeremia 29:14

Aku koa memoikoo intepohawea-Kune, kanandiomo pau-Do i Ue, ka Aku momuleo teweweumiu ka pumpu komiu inso i olodo luwuno tongku ka inso a luwuno po'ianga ba isua Kusiarawo komiu, kanandiomo pau-Do i Ue, ka Aku mokule komiu a mpo'ianga insoamiu inso isua Kutadi komiu.

Yeremia 31:10

Rongeomo pau-Do i Ue, hei luwuno tongku, pauomo a luwuno wita i wiwi ntahi anu olai, potaemo: Ondae anu sumiarawo iramo to Isaraeli Ondae koa mbo'u wali pumpu ira, ka dumagai ira kana puu mpopakambi a bawaano bimbano!

Ponsabangi 3:22

Menteeano nahi otu-otu pompehohawa-Do i Ue pompowee-Do nahi hori pingko,

Ponsabangi 3:32

Maupo Dopompotii masusaa, me'aroa Ira koa mbo'u montonda langkaino pompehohawa-Do.

Yehesikieli 11:17

onaemo pu'uno pauomo: Kanandiomo pau-Do Ue Ala: Aku pumpu komiu inso a luwuno tongku ka Aku pumpu komiu inso a luwuno wita isua itesiarawo ka Aku weeakomiu wita Isaraeli.

Yehesikieli 36:24

Aku umala komiu inso a luwuno tongku ka pumpu komiu inso i luwuno wita saru wawa komiu mpekule i witamiu.

Yehesikieli 39:28

ira mento'orio nine Ongkuemo Ue, Ue Alado, anu wawa ira a laro pontadia i tongado luwuno tongku ka wali pumpu ira i witado ka nahi Kupo'ineeo maupo te'asa mia inso ndi ondae mo'ia i ra'ai.

Mika 7:19

Po'ineeomo Dowali mehohawa kita, pahihio luwuno salato ka metadiakono luwuno halato a laro luwuno wingke ntahi.

Sakaria 10:9

Maupo Kusiarawo iramo i olodo luwuno tongku, sine a luwuno po'ianga anu olai ira merambe Aku. Ondae ira mentuwu mperonga-ronga saru luwuno anado ka ira mpekule.

ROMA 11:23

Sine ondae mbo'u ira wali mempinotako, tewala komba mekongko ira mpiha a laro nahi pompe'ala-alado, hangano pabawa Ira Ue Ala wali motako ira.

ROMA 11:26

Kanandiomo pesalaano luwuno to Isaraeli ira mengkinadudui, kana hinao teburi, ”Inso i Sioni Ira hawe Pontolosi, Ira umoninio luwuno pinogauno i Yako anu mosa'o.

ROMA 11:31

kanatuu koa mbo'u ondae kanandio-andio nahi dompetenunu, hangano pe'aroa anu hinawemiumo, ondae koa mbo'u mpohawe pe'aroa.

Winali 13:17

Hapamokoa inso a sangka anu pinesusua ta rinopu atuu si tedanggi a ngkaemiu, ka Dopenaa-naa i Ue inso a ntekuda-Do anu tensila atuu, mopokitao pompehohawa-Do ndi omiu, mokoko'unduakomiu ka mokohadio komiu, kana anu dinandi-Do saru sumpa ndi ondae uempu'umiu.

Winali 4:27

Ondae i Ue Ira tumia-tia komiu i olodo luwuno tongku, ka butu tedei komiu impo'ia i olodo luwuno tongku, ba isua Doliahako komiu i Ue.