Winali 30:16 - Wunta Mempori

¹⁶ Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 30:16 ပူးပေါင်းရင်းမြစ်များ

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

Powadi 3:1

Hei anaku, si kolupeo pompaguruku, ka po'ineeomo aroamu mekariao parentaku,

Yesaya 1:19

Tewala mebehe komiu mpetenunu, komiu mpongkaa hasili moiko inso a wita andio.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

1 KORINTI 7:19

Hangano metindi ke nahi petindi komba kinere. Anu kinere onaemo tumondao luwuno songka-Do Ue Ala.

Winali 30:17

Sine, tewala aroamu mepokule ka nahi mporonge, tendeano komiu mepinokontesaa ka impenggolontu mpelangkaio pinesombai susua, ka mpesomba ndi onae,

Winali 30:19

Aku moboio langi ka tolino gagi sakosii ndi omiu oleo andio: Kupo'aroakomu tuwua ka matea, ronso ka totonaa. Binikiomo tuwua, ka imentuwumoiko omiu maupo inulemu,

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 32:47

Hangano pau andio komba pau mooa ndi omiu, sine onaemo tumuwumiu. Mongkona pau andio komiu tuwu melai i wita anu komiu mpentorokio, umari mensakio koro Yarade.”

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 5:33

Luwuno sala anu Doparentaa komiu i Ue, Ue Alamiu, asalakono imentondao, ka imentuwu ka moiko tumuwumiu saru melai tinuwumiu i wita anu komiu mpetorokio.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

Yosua 23:11

Kongkomo impetenunu mehohawa Ira Ondae i Ue, Ue Alamiu!