Winali 3:24 - Wunta Mempori

²⁴ ”Oo, Ue Ala, Mompu'uomo Ipopokitaakono tetenaa-Miu andio langkaino pabawa-Miu ka kae-Miu anu moroso. Hangano, ue ala isemake i langi ka i tolino, anu polio moweweu wineweu mongkokongiri kana Omiu?

Winali 3:24 ပူးပေါင်းရင်းမြစ်များ

2 Samueli 7:22

Nde langkai Komiu, oo Ue Ala. Nahina kana Omiu ka nahina Ue Ala susua sangkadio Omiu montonda luwuno anu kimerongeakono birimami.

1 Mokole 8:42

hangano ira merongeo mia mongkona nee-Miu anu langkai ka kae-Miu anu moroso saru tokia-Miu anu tetande — tewala onae aiwa mekakai i raha andio,

2 Tawarika 6:14

ka ipotae, ”Oo Ue, Ue Alano i Isaraeli! Nahina Ue Ala kana Omiu, moiko i langi maupo i tolino. Omiu anu mekariao pedandia ka petenunu mompehohawa a luwuno tetenaa-Miu anu tuwu tompaano aroano i aro-Miu.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Po'unde-unde 106:2

Isemake anu polio pauo moroso-Do i Ue, moporongeo luwuno po'unde-unde ndi Ondae?

Po'unde-unde 145:3

Langkai pabawa-Miu ka tedoa inunde-unde, ka langkaino pabawa-Do nahi pinokohawe laro.

Po'unde-unde 145:6

Luwuno wineweu-Miu anu mongkokongiri ta pinalele ka langkaino pabawa-Miu aku tumutuluo.

Po'unde-unde 150:2

Unde-unde iramo hangano luwuno roso-Do, unde-unde iramo menunu saru langkaino pabawa-Do!

Po'unde-unde 35:10

luwuno wukuku motae, ”Oo, Ue, isemake kana Omiu, anu motolao mia marasai inso a ngkaeno mia anu lalu moroso, mia memarasai ka mongkokolaro inso a ngkaeno mia anu rumontuo?”

Po'unde-unde 71:19

ka moleo-Miu, anu humaweo langi anu mantande, oo Ue Ala. Iweweu iramo mongkona anu langkai, isemake kana Omiu, oo Ue Ala?

Po'unde-unde 86:8

Nahina kana Omiu i olono luwuno pinesombai, oo Ue, ka nahina kana hapa anu wineweu-Miu.

Po'unde-unde 89:6

Po'ineeomo langi ka ipaleleo luwuno pabawa-Miu, oo Ue, ka petenunu-Miu a laro tepumpuado anu mempori.

Po'unde-unde 89:8

Ondae Ue Ala atuu mongkokongiri i olodo anu mempori, maramba ka mongkokodoito lumaloio luwuno anu kongko a mpehori-hori-Do.

Peluarakoa 15:11

Isema kana Omiu i olodo pinesombai susua, O Ue? Isema kana Omiu, maramba a laro mempori-Miu, ntengiri hangano wineweu-Miu tepalele, anu moweweu kinohali-haliako?

Peluarakoa 8:10

Ipotae i Pirao, ”Tisomo.” Ka i'amba motae i Musa, ”Gagiomo kana pinaumiu atuu, ka ito'orio koa ueku, nine nahina anu kana Ondae i Ue, Ue Ala mami.

Peluarakoa 9:14

Nde pohona andio Aku motolao luwuno pohuku-Ku a ngkoroimu, a mpegawaimu ka palilimu, nde kau to'orio koa, nahina anu kana Ongkue i asa wawontolino.

Yesaya 40:18

Gagi, saru isema komiu mpongkenaako Ira Ue Ala ka hapa anu komiu pokompengkenaako Ira?

Yesaya 40:25

Saru isema komiu mpongkenaa-Kune, kana ntu'u Ongkue mesongka saru onae? pau Anu Tedoa Mempori.

Yeremia 10:6

Nahina kana Omiu, oo Ue! Omiu tedoa langkai ka langkai nee-Miu hangano tedoa moroso.

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”

Podoaa 23:23

hangano nahina binasa-basa umewaio i Yako ke maupo doti umewaio Isaraeli. Ia tempono ta pinau ndi Yako ka a to Isaraeli mbo'u. Hangano Doweweuomo Ue Ala.

Winali 11:2

Pewowoloomo kanandio-andio, kupepau komba ndi ondae anamiu anu nahi domento'orio ka nahi domengkitao pohuku-Do i Ue, Ue Alamiu, pewowoloomo langkaino pabawa-Do, kae-Do anu moroso ka tokia-Do anu tetande,

Winali 3:23

I tempono atuu mo'ema aku pompehohawa-Do i Ue, kanandio,

Winali 32:3

Hangano nee-Do i Ue aku meboolio; paleleomo langkai-Do Ue Alato!