Winali 3:2 - Wunta Mempori

² Sine mepau Ira i Ue ndi ongkue, ”Si doitoakono, hangano Aku meweengakono a ngkaemu, saru luwuno sorodaduno ka witano. Weweuomo kana anu wineweumu ndi Sihono, mokoledo to Amori, anu mo'ia i Hesiboni.”

Winali 3:2 ပူးပေါင်းရင်းမြစ်များ

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 43:5

Siimo doito, hangano Ongkue kumongkomiko, Aku moweeakomu ana'uemu inso i sabaano oleo, ka pumpuko inso i sumooano oleo.

Podoaa 14:9

Polomo koa si me'ewai Ira i Ue, ka si medoitoako ira tongku i wita atuu, hangano ta pingko tomentele ira. Anu kumadudui ira ibinta iramo, sekono ontae Dokadudui kita i Ue, siimo doitoako ira.”

Podoaa 21:34

Sine, mepau Ira i Ue ndi Musa, ”Siimo doitoakono, hangano Aku meweengakono saru luwuno palilino ka witano a ngkaemu. Asalakono weweuo ndi onae kana anu wineweumu ndi Sihoni mokoledo to Amori anu mo'ia i kota Hesiboni.”

WINEWEUDO TINENA 18:9

A asa wongi mepau Iramo i Ue ndi Paulu a laro aasa pongkita, ”Si doito! Paleleomo mpiha pau-Do i Ue ka si komino!

WINEWEUDO TINENA 27:24

ka ipotae: Si doito, Paulu! Omue asalakono kohawe i arono Datu. Ka menteeano hangano pompehohawa-Do Ue Ala, luwuno mia anu mekongko saru omue a ngkapala andio ira ntekadudui hangano omue.

Winali 20:3

Asalakono ka ipotaeako ira, ’Hei to Isaraeli, imerongeomo! Oleo andio komiu mpo'aropi peteaa umewai ira iwalimiu. Si molema aroamiu, si medoito, si medanggara ka si memondende i arodo.

Winali 3:1

Ka to'amba mpelengkuako melako te'aro i Basani. I Ogo, mokole i Basani saru luwuno sorodaduno, me'aiwa rumangkuhi kita ira mpetea i Ederei.

Winali 3:11

Butu i Ogo, mokole i Basani anu da tuwu inso i olono toreado to Repaimi. Sekono dasa poturiano, dasa labu. Kombake da kongko i kota Raba inuleno i Amoni? Osio hiku ondauno ka opaa hiku maluano, montonda posongka anu biasa.

Winali 3:3

Ka Do'amba i Ue, Ue Alato meweengakono mbo'u i Ogo, mokole i Basani, saru luwuno sorodaduno a ngkaeto. Tomenangio, ranta nahina maupo te'asa mia tola.

Yosua 10:8

Pau-Do i Ue ndi Yosua, ”Sidoitoako ira, nde Aku meweengako ira a ngkaemu. Nahi tahina mia inso ndi ondae anu ta moko'aropiko.”

MENGKAAA 2:10

Si doitoakono hapa anu asalakono kotebobarasaiako! Menteeano i Mosa'o ta metadiako ira ba opia mia inso i olomiu a laro torungku ka ime'inara-arahako ka komiu mpohawe masusaa hopulu oleo tehineno. Petenunumo ranta mate, ka Aku moweeakomu ramba-ramba ulu tuwua.