Winali 29:1 - Wunta Mempori

¹ Ndiomo pauno pedandia anu winutuno i Musa saru to Isaraeli i wita Moabi montonda saru parenta-Do i Ue, mokosompoo pedandia anu winutu-Do saru ondae i Torukuno Hore.

Winali 29:1 ပူးပေါင်းရင်းမြစ်များ

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

Po'unde-unde 105:27

orua ira mokohinao luwuno petondoni-Do i olodo, ka luwuno anu kinohali-haliako i wita Hama:

Yeremia 11:2

”Rongeomo pauno pedandia andio ka pohaweomo atuu a nto Yehuda, palilino Yerusale!

Yeremia 11:6

Mepau Iramo i Ue ndi ongkue, ”Pebooliakonomo luwuno pau andio a luwuno kotano Yehuda ka a luwuno sala i Yerusale: Rongeomo ka weweuomo luwuno pau pedandia andio!

Yeremia 31:32

komba kana pedandia anu Kuwutuomo saru uempu'udo i tempono Ku'inio kaedo wawa ira mpeluarako inso i wita Masiri. Pedandia-Ku atuu domehapuomo, maupo Ongkue gagi uedo, kanandiomo pau-Do i Ue.

Yeremia 34:18

Aku meweengako ira mia, anu lumimpaio pedandia-Ku ka nahi tondao ihino pedandia anu winutudo i aro-Ku, saru mempoleo ana nsapi lakino gagi orua ka mpelempa i olono bansi-bansino.

Imama 26:46

Onaemo luwuno pompakosi ka luwuno atora saru luwuno songka anu pinakosi-Do i Ue, anu tinonda ndi Ondae i Ue saru to Isaraeli i torukuno Sinai, molalo i Musa.

Imama 27:34

Onaemo luwuno parenta anu pinohawe-Do i Ue ndi Musa i torukuno Sinai tiado to Isaraeli.

WINEWEUDO TINENA 3:25

Omiumo anu mehaweo luwuno pinau anu ta gagi atuu ka mpohawe tia a mpedandia anu wineweu-Do Ue Ala saru uempu'uto, tempono Dopepau ndi Burahima: Hangano inulemu luwuno tongku i wawontolino ira merinonso.

Winali 1:1

Ndiomo pau anu pinohaweno i Musa a luwudo to Isaraeli i asatowano koro Yarade, i pada one, i Araba-Yarade, tepo'aro saru Supi, olono Parani ka Topeli, Labani, Haseroti ka Di-Sahabi.

Winali 28:68

Ondae i Ue Ira wawa komiu mpekapala mpekule i wita Masiri, telalo a nsala anu Kupauomo ndi omiu, ”Nahi komiu mengkitao mbo'u.” I ra'ai komiu me'asao koroimiu a iwalimiu gagi ata ntama ka beine, sine nahina anu mo'oli.

Winali 29:12

Impentade kai mpewinso i larono pedandia-Do i Ue, Ue Alamiu, sumpa dandi-Do, anu winutu-Do i Ue, Ue Alamiu, saru omiu oleo andio.

Winali 29:2

I Musa moboi ira luwuno to Isaraeli, ka i'amba motae ndi ondae kana itotono andio. Imengkitaomo luwuno anu wineweu-Do i Ue i wita Masiri i arono matamiu ndi Pirao, luwuno pegawaino ka luwuno witano.

Winali 29:21

Ondae i Ue, Ira monsiao mia atuu inso a luwuno suku Isaraeli ka ipohawe masolaa, menunu saruluwuno sumpa pedandia anu teburia laro wunta songka Taura andio.

Winali 29:25

Ira mesangki mia, ”Hangano ondae atuu nahi domentondao pedandia-Do i Ue, Ue Alano uempu'udo, pedandia anu winutu-Do saru ondae tempono Dowawa ira mpeluarako inso i wita Masiri.

Winali 4:10

Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”

Winali 4:13

Dopauakomiu pedandia anu Doparentaa komiu kai wineweu, kana Songka Hopulu, ka Doburio a orua watu buriano songka.

Winali 4:23

Impope'inandaimo, kasi mengkolupeo pedandia-Do iUe, Ue Alamiu anu wineweu-Do saru omiu, ka impoweweu tinaha kana hapamo koa anu inonto-Do i Ue, Ue Alamiu.

IBARANI 8:9

komba kana pedandia anu Kuweweuomo saru uempu'udo, i tempono Ku'inio kaedo wawa ira mpeluarako inso i wita Masiri. Hangano nahi dompetenunu a mpedandia-Ku, ka nahi Kutarima ira,” kanandiomo pau-Do i Ue.

1 Samueli 12:24

Butumo koa, imedoitoako Iramo i Ue ka impetenunu mpesomba ndi Ondae ia tompaano aroamiu. Hangano, kitaomo tedoa langkai wineweu-Do ndi omiu.