Winali 28:36 - Wunta Mempori

³⁶ Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

Winali 28:36 ပူးပေါင်းရင်းမြစ်များ

2 Mokole 25:11

Luwuno toreano palili anu da tebinta i kota atuu, luwuno anu pansia mpe'asambaliako mpe'alaako ndi mokole i Babeli, ka mia hadio anu susuano iwawa ira i Nebusaradani, petewawado sorodadu puu mpodagai atuu a pontadia.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

2 Tawarika 36:1

Palili i wita atuu melako me'alao i Yoahasi anano i Yosia, ka dompotoroo gagi mokole i Yerusale umeuo amano.

2 Tawarika 36:17

Ondae i Ue lumeluo mokoledo to Kasidimi umewai ira. Mokole atuu mepateako ira ponai ana ntama kontuwuado a laro raha memporido, ka nahi pinehohawa mangalitau ke ana beine, mia mota'u ke mia me'uwa. Luwuno Dopeweengakono i Ue a ngkaeno.

2 Tawarika 36:20

Ondae anu da tebinta ka anu tola inso a mponai winawa i Babeli ka ondae megagi atano ka atado luwuno anano ranta Peresia uminio poparentaa.

2 Tawarika 36:6

I Nebukanesa mokoledo to Babeli, lumako sumapoio, ponguakono rante mala ka iwawao i Babeli.

Yesaya 39:7

Asa ntia inso a inulemu anu ta hinawemu ira me'inala gagi pegawai langkanaeno mokole i Babeli.”

Yeremia 15:14

Aku weweuko gagi atado iwalimu i wita anu nahi uto'orio, hangano a laro ntekuda-Ku api melanga, langano tumunuko.”

Yeremia 16:13

Onaemo pu'uno, Aku metadiakomiu inso i wita andio lumako i wita anu nahi imento'orio maupo uempu'umiu. I ra'ai komiu mpesomba a mpinesombai susua meene ka wongi, hangano nahi Aku mehohawa komiu mbo'u.’

Yeremia 39:1

Tempono Yerusale pinongko'ala, a nta'u ko'osio poparentaano i Sedekia, a wula kohopulu, haweomo i Nebukanesa, mokole i Babeli, saru luwuno sorodaduno ta kumaduo Yerusale.

Yeremia 9:15

Onaemo pu'uno kanandiomo pau-Do Ueno luwuakoano, Ue Alado to Isaraeli: Menteeano, Aku weweuo tongku andio mpongkaa rasu mopa'i ka mpo'inu uwoi merasu.

Ponsabangi 2:9

Dotano ira matubo a laro wita; pinudu ka Dorawo-rawoo luwuno lansono pewowano. Mokole ka luwuno petewawano kongko i olodo tongku, nahina pontiso, maupo nabi nahi dompotarima mbo'u pongkita inso ndi Ondae i Ue.

Ponsabangi 4:20

Mia anu inurapi-Do i Ue, penaano tumuwumami, kona rako a laro mpobolodo, onae anu potaemami, ”A laro mpe'engoiano kami mentuwu i olodo tongku.”

Yehesikieli 11:9

Aku rumende komiu mpeluarako inso i kota andio ka meweengakomiu a ngkaedo mia hawe ka modontai pohuku ndi omiu.

Yehesikieli 20:39

Hei omiu, suku Isaraeli, kanandiomo pau-Do Ue Ala, po'ineeomo singge mia lumako mesomba a luwuno lahumoano. Sine lembuino komiu meronge Aku ka nee-Ku anu mempori nahi kinokoburutiako mbo'u luwuno pesomba ka lahumoamiu.

Winali 28:64

Ondae i Ue Ira sumiarawo komiu i olodo luwuno tongku inso i tompano tolino hawe i tompano tolino. I ra'aimo komiu mpesomba a mpesombaa susua anu nahi imento'orio ke maupo ondae uempu'umiu, pesombaa keu ka watu.

Winali 29:17

Imengkitaomo pinesombai anu mokoburu ka lahumoado, inso a ngkeu ka watu, wulaa ka salaka, anu hina ndi ondae.

Winali 4:27

Ondae i Ue Ira tumia-tia komiu i olodo luwuno tongku, ka butu tedei komiu impo'ia i olodo luwuno tongku, ba isua Doliahako komiu i Ue.

Winali 4:28

I ra'ai komiu mpesomba a luwuno ue ala wineweuno kaeno mia, inso a ngkeu ka watu, anu nahi pokompongkita ke moronge, nahi pokompongkaa ke mowoo.

1 Samueli 12:25

Sine, tewala mpoweweukomiu mpiha anu mosa'o, asalakono komiu mempinokotampula saru mokolemiu atuu.”