Winali 28:30 - Wunta Mempori

³⁰ Komiu mpesamboraako asa mia beine, sine mia susua ta mewowaliakono. Komiu mpowangu raha, sine nahi komiu mpo'iangario. Komiu mpelere anggoro, sine nahi komiu mperapio wuano.

Winali 28:30 ပူးပေါင်းရင်းမြစ်များ

2 Samueli 12:11

Kanandiomo pau-Do i Ue: Aku moweeko masukaraa inso a somborimu omuemu. Aku umala ira beinemu i aromu ka meweengako ira a mia susua. Onae ta me'asa mpoturiako ira kombiamu tempono meene.

Ayubi 20:18

Onae asalakono mokuleo hapa anu hinaweno maupo nahi penamio; onae nahi perapio pompolino hasili pebalu-baluno.

Ayubi 3:18

Luwuno anu mentinawa mperonga-ronga gagi rodo, nahi domporonge mbo'u pau pompokonsii.

Ayubi 31:10

ka po'ineeomo kombiaku mogiliakono mia susua, ka po'ineeomo mia susua mewowaliakono.

Yesaya 62:8

Ondae i Ue mesumpa Iramo a ngkae ngkoana-Do, a ntokia-Do anu moroso, ”Menteeano, nami Aku mbo'u meweengakono gandumu gagi kaangado iwalimu. Menteeano, mia mehawe nahi ira mpo'inu uwoi anggoromu anu hinawemu a mpe'iseimu.

Yeremia 12:13

Ondae mporawo gandu, sine anu sinowi ewo rui; ondae mperokuhi, sine usahado nahina tuduno; mokoko'iido a hasili anu hinawedo, hangano tekuda-Do i Ue anu tensila.”

Yeremia 6:12

Luwuno rahado ta pineweengako a mia susua, leredo mbo'u ka kombiado. Mentee ntu'u, Aku tumandeo kae-Ku a mpalilino wita andio,” kanandiomo pau-Do i Ue.

Yeremia 8:10

Onaemo pu'uno, Aku meweengako ira beinedo a mia susua, luwuno leredo a mia mpope'ata. Hangano, inso anu lalu kodei hawe anu lalu langkai, luwuno mpo'ungke me'uraa, moiko nabi maupo sando mpesomba, luwuno mpoweweu pompopo'oo.

Ponsabangi 5:11

Ondae mpedada mewowaliako ira beine i Sioni ka ana beine a luwuno kota i Yehuda.

Ponsabangi 5:2

Tia pusakamami telimba a mia susua, luwuno rahamami a mia mehawe.

Hosea 4:2

butu montotonaa, megaupi, mompepate, monako, monsosabo, mobobarasai ka po'uwua rea tinondaako mbo'u po'uwua rea.

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Mika 6:15

Omue komorawo inii, sine nahi kosumowi, omue komonsesa wua saitu, sine nahi ko'umurapiakono lana koroimu; ke monsesa wua anggoro, sine nahi komo'inu anggorono.

Habaku 3:17

Maupo keu ara nahi pensisi, keu anggoro nahi pewua, ka hasilino keu saitu mompokomasusa aroa, maupo luwuno lere nahi pehasiliako kaanga, bawaa bembe bimba tesaari inso a mpo'ukoa, ka nahina sapi a laro wala,

Sepanya 1:13

Arataa pompolido ta rinontu ka luwuno rahado ta gagi boni-boni. Ondae mpowangu raha sine nahi ira mpo'iangario; mpelere anggoro ira sine nahi ira mpo'inu anggorono.”

Winali 28:31

Sapimiu ira mensumbeleo mia i aromiu, sine nahi komiu mpongkaa bauno. Kalidemiu ta rinontu i aromiu, ka nahi ta pinokule ndi omiu. Asa bawaa bembe bimbamiu ta wineeako iwalimiu ka nahina mia anu aiwa tumulungi komiu.