Winali 28:25 - Wunta Mempori

²⁵ Ondae i Ue Ira weweukomiu ntenangi i arodo iwalimu. Inso a asa nsala impeluarako sumapoi ira, sine opitu nsala komiu mpolai inso i arodo. Komiu megagi mongkokongiriado luwuno poparentaa i tolino.

Winali 28:25 ပူးပေါင်းရင်းမြစ်များ

1 Mokole 8:33

Tewala bawaa-Miu to Isaraeli ntenangi a iwalido hangano ntehala ira ndi Omiu, ka do'amba wali mpepokule ndi Omiu ka pementeeo nee-Miu, mpekakai ka mpo'ema pompehohawa ndi Omiu i raha andio,

2 Tawarika 28:8

To Isaraeli mpotawa rua etu nsowu mia inso i olodo luwuno pepaekompodo, onaemo luwuno beine, nana'ote ntama ka beine. Hadio arataado rinontu ka winawa i Samaria.

2 Tawarika 29:8

ranta tekuda-Do i Ue umaluo Yehuda ka Yerusale. Ondae Doweweuo gagi aasa anu mongkokongiri ka mongkokodoito saru pasinggiri kana anu imengkitaakono matamiu isa'a.

2 Tawarika 6:24

Tewala bawaa-Miu Isaraeli ntenangi a iwalido, hangano ntehala ira ndi Omiu, ka do'amba mpepokule me'akuio nee-Miu, mpekakai ka mpo'ema ndi Omiu a raha andio,

Yesaya 30:17

Asa nsowu mia ta molai a pompokodoitono asa mia, a pompokodoitono olima mia komiu mpolai, ranta ka imebininta kana keu tinandapako petondoni a wawo punsuno torukuno ka kana bandera a wawo pongku.

Yeremia 19:7

Nahi Aku mokogagio tinoono Yehuda ka Yerusale a mpo'ianga andio. Aku weweu ira ntebangkuako ponai i arono luwuno iwalido ka a ngkaedo mia anu mpomporaakono penaado. Aku meweengakono wata ngkoroido gagi kaangado manu-manu i laro meene ka a luwuno ngkondehora i tolino.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 29:18

Aku lumampuiako ira ponai, mokoninggoa ka haki lele. Aku weweu ira gagi mongkokongirido luwuno poparentaa i tolino, gagi totonaa, doitoa, pasinggiri ka mokoko'iia i olodo luwuno tongku ba isua Kusiarawo ira.

Yeremia 34:17

Onaemo pu'uno kanandiomo pau-Do i Ue: Omiu nahi meronge Aku nine sompo mia asalakono mopoto'orio pompotolaa a mpe'asa miano ka a mpepaekompono. Onaemo pu'uno, Ongkue mopoto'oriakomiu pompotolaa, kanandiomo pau-Do i Ue, ka ipineweengako a mponai, haki lele ka mokoninggoa. Aku weweu komiu gagi mongkokongiriado luwuno poparentaa i tolino.

Yehesikieli 23:46

Hangano kanandiomo pau-Do Ue Ala, ”Po'ineeomo ipentade asa tepumpuano mia umewai ira ka po'ineeomo domempineweengako a mongkokongiria ka pomurua.

Hosea 8:3

To Isaraeli nahi tarimao anu moiko; po'ineeomo ka iluluo iwali!

Imama 26:17

Ongkue anu umewai komiu, ranta iwalimiu numangi komiu, ka ondae anu umo'aliaa komiu ira pabawai komiu, ka komiu mpolai, maupo nahina mia anu lumulu komiu.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

Winali 28:7

Ondae i Ue Ira weweuo iwali anu aiwa sumapoi komiu tenangi i aromiu. Asa nsala insoado mpeluarako sumapoi komiu, sine opitu nsala ira mpolai inso i aromiu.

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Yosua 7:4

Melako iramo bara'ura tolu nsowu mia, sine mpolai ira inso i arodo to Ai.

Puu Mpobitara 2:14

Ka tekuda-Do i Ue tensila ia nto Isaraeli. Dopeweengako ira ia ngkaedo puu pompomuru ka dompomuru ira. Do'asa ira a ngkaedo iwali anu lumimbu ira, ka nami domempolio mbo'u umaropi ira iwalido.

1 Samueli 4:10

Mpetea iramo to Pelisiti ka donangi ira to Isaraeli, sompo mia molai a ngkemano. Tenangido atuu tedoa langkai. Inso a nto Isaraeli anu mate, tolu pulu nsowu sorodadu anu mpelempa.