Winali 28:15 - Wunta Mempori

¹⁵ Sine tewala nahi mperorongeakono pau-Do i Ue, Ue Alamiu ka nahi mpetenunu meweweuo luwuno parenta ka pompakosi-Do, anu kupohaweo ndi omiu a oleo andio, manasa luwuno pontotonaa andio ta metii ndi omiu ka ta humawe komiu:

Winali 28:15 ပူးပေါင်းရင်းမြစ်များ

Tegagia 3:14

Ka i'amba Ondae Ue Ala mepau a ule atuu, ”Hangano moweweukomo kanatuu, tetotonaakomo i olodo luwuno pinotuwu ka i olodo luwuno kondehora mo'ila. Omue komelempaako kompomu ka awu wita ta kaangamu asa ntinuwumu.

Tegagia 4:11

Kanandio-andio, tetotonaakomo, tensia inso a wita anu menganga tumarimao reano uaimu atuu inso a ngkaemu.

Tegagia 4:12

Tewala mo'anggako wita atuu, wita atuu nahi ta moweeko mbo'u hasilino. Omue kogagi mia molai ka topelakopi i tolino.”

2 Tawarika 12:5

Nabi Semaya aiwa ndi Rehabea ka luwuno petewawa Yehuda anu mpepumpu i Yerusale hangano ponsapoino i Sisaki. Ipotaeako ira, ”Kanandiomo pau-Do i Ue: Imebinta Akumo, onaemo pu'uno Ongkue mbo'u bintakomiu a laro pabawano i Sisaki.”

2 Tawarika 34:24

Kanandiomo pau-Do i Ue: Menteeano Aku mompotii masolaa a mpo'ianga andio ka palilino, onaemo luwuno totonaa anu teburi a laro wunta anu binasaomo i arono mokole i Yehuda,

2 Tawarika 7:19

Sine, tewala mpe'ewa komiu ka bintao luwuno pompakosi ka parenta-Ku anu umariomo Kuweeakomiu ka lumako mpesomba a mpinesombai susua saru mpenggolontu mesomba ndi onae,

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Yeremia 11:8

Sine, nahi dobehe mperorongeakono ke mpo'aroo birido. Ondae singge mentondao moteano aroado anu mosa'o ranta ka Kupotiiako ira luwuno pau pedandia, anu umariomo Kupeparentaako ka i wineweu, sine nahi domeweweuo.”

Yeremia 26:4

Pauako iramo: Kanandiomo pau-Do i Ue: Tewala nahi mebehe mperorongea-Kune saru mentondao Songka-Ku anu Kupauomo i aromiu,

Yeremia 32:23

Ka do'amba mpewinsokio ka mpetorokio, sine nahi domperorongeakono pau-Miu ka nahi domentuwu montonda Songka-Miu. Luwuno anu Iparentaako ira ka domeweweuo, nahi domeweweuo. Onaemo pu'uno ka Ipotiiako ira luwuno masolaa andio.

Yeremia 36:31

Aku humukuo, inuleno ka luwuno atano hangano salado. Aku mompotii ndi ondae, a mpalilino Yerusale ka a nto Yehuda luwuno masolaa anu Kupokodoitoako ira ka nahi domebehe merongeo.”

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 40:2

Tempono i'inala i Yeremia, petewawa sorodadu podagai mokole atuu motae ndi onae, ”Dopopoto'oriomo Ue Alamu, masolaa a mpo'ianga andio,

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Hosea 7:12

Tewala melako ira, Aku padindio buani-Ku i wawodo; Aku motii ira kana manu-manu i laro meene, Aku sumepi ira tempono Kurongeo dompepumpu.

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

GALATIA 3:10

Hangano luwuno mia, anu mentuwu inso a mpo'anggano songka Taura, mo'ia i totono totonaa. Hangano hinao teburi, ”Tetotonaaomo mia anu nahi petenunu weweuo luwuakoano anu teburi a laro wunta songka Taura.”

Winali 11:28

ke totonaa, tewala nahi mpoperorongeako parenta-Do i Ue, Ue Alamiu, ka mepansia inso a nsala anu kuparentaakomiu a oleo andio, kai mpotonda anu pinesombai susua anu nahi imento'orio.

Winali 28:2

Luwuno ronso andio ta hawe ndi omiu ka ta gagi tiamiu, tewala imperorongeakono pau-Do i Ue, Ue Alamiu.

Winali 28:45

Luwuno pontotonaa atuu ta hawe ndi omiu, lumulu ka umalu komiu, ranta ka imeropu, hangano nahi mpomperorongeako pau-Do i Ue, Ue Alamiu, ka nahi mpe'ini a parenta ka a pompakosi anu Doparentaa komiu.

Winali 29:19

Sine tewala asa mia i tempono rumongeo pau sumpa andio, irekeo koroino kongko rinonso, ka ipotae: ”Aku koa tekadudui, maupo kupe'ulu watu.” Ranta kai tampula, moiko wita anu me'uwoi maupo anu motu'i.

Winali 29:20

Ondae i Ue nahi Ira umampunio mia atuu. Tekuda ka monsiri-Do i Ue ta tensila ndi onae i tempo atuu. Luwuno sumpa anu teburi a wunta songka andio ta umaluo, ka Ira umoninio i Ue neeno inso i totono langi.

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Yosua 23:15

Sine kana anu haweomo ndi omiu luwuno anu moiko, anu Dodandiakomiumo Ondae i Ue, Ue Alamiu, kanandiomo Ondae i Ue Ira moweeakomiu luwuno anu nahi moiko ranta ka Dopokoropu komiu inso ia wita anu moiko andio, anu Doweeako miumo Ondae i Ue, Ue Alamiu.

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

Puu Mpobitara 2:15

Sompo ba dompelelu melako, kae-Do i Ue umewai ira, ka moweeako ira masukara, kana anu Dopopoto'oriako ira Ondae i Ue, ia sumpa, ranta ka dontepakada.

1 Samueli 4:10

Mpetea iramo to Pelisiti ka donangi ira to Isaraeli, sompo mia molai a ngkemano. Tenangido atuu tedoa langkai. Inso a nto Isaraeli anu mate, tolu pulu nsowu sorodadu anu mpelempa.