Winali 27:15 - Wunta Mempori

¹⁵ ’Tetotonaaomo mia anu moweweu tinaha pina'o ke tinaha tinawa, aasa mokoburu-Do i Ue, wineweuno kaeno asa mia puu mpo'angga, ka montadeo mewuni-wuni.’ Luwuno tongku atuu, asalakono mpotae, ’Ami!’

Winali 27:15 ပူးပေါင်းရင်းမြစ်များ

Tegagia 31:19

Ka i Laba se'eluno lumakoomo mogonti wuludo bimbano. I tempomo atuu i Raheli monakoo terapi pelahumoaano amano.

Tegagia 31:34

Sine i'alaomo i Raheli terapi pelahumoaa atuu ka mewinsoakono a laro lampino untano, ka mentoro i wawono. I Laba paresao luwuno kema atuu, sine nahi pohawe hapa-hapa.

Tegagia 9:25

motaeomo, ”Tetotonaaomo i Kana'a, onae ta gagi ata anu tedoa pinokongkodei a luwuno pepaekompono.”

2 Mokole 17:19

To Yehuda mbo'u nahi dompekariao parenta-Do i Ue, Ue Alado. Mentuwu ira montonda luwuno anu wela wineweudo to Isaraeli.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

1 Tawarika 16:36

Inunde-unde Iramo i Ue, Ue Alado i Isaraeli, inso i ndi'ipua hawe nahina tampulaano. Ka i'amba luwuno bawaa mpotae, ”Ami! Unde-unde Iramo i Ue!”

2 Tawarika 33:2

Onae moweweu hapa anu mosa'o a pongkita-Do i Ue, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

Peluarakoa 20:23

Si mpoweweu lahumoa pesombaamiu mpongkenao saru Ongkue; inso a nsalaka ke inso a wulaa, si mpoweweu.

Peluarakoa 20:4

Si mpoweweu lahumoa anu mengkena hapamo koa anu i langi i wawono, ke anu i tolino i totono, ke anu mpo'ia a laro uwoi itotono tolino.

Peluarakoa 34:17

Si poweweu anu pinesombai tinawa.

Yesaya 44:13

Puu mpo'angga keu padindio koloro posongka ka mogaresi weweuno songka asa tadeno tinaha. Onae umanggaakono pa'o ka gumaresiakono jangka, ka i'amba weweuo tadeno kana asa tama, kana tekosino tadeno mia, ka ta ninaa a laro raha mpelahumoaa.

Yesaya 44:17

Toreano keu atuu iweweuo gagi pinesombai, gagi lahumoano. Onae menggolontu mesombaio ka mekakai ndi onae. Ipotae, ”Tulungi akumo hangano omuemo pinesombaiku!”

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Yeremia 11:3

Pauako iramo: Kanandiomo pau-Do i Ue, Ue Alado to isaraeli: Tetotonaaomo mia anu nahi perorongeakono luwuno pau pedandia andio

Yeremia 11:5

Ba kanandio Aku umihiio sumpa anu Kupedandiakonomo a uempu'umiu Aku weeako ira wita anu hadio ntu'u susu ka siu hoanino, kana teweweuno a tempo andio.” Ka ku'amba sumangki, ”Ami, oo Ue!”

Yeremia 23:24

Ande-andeno asa mia mewuni a mpo'ianga tewuni, nde nahi Aku kumitaoke? kanandiomo pau-Do i Ue. Kombake Kubuketio langi ka tolino? kanandiomo pau-Do i Ue.

Yeremia 28:6

motae nabi Yeremia, ”Ami! Po'ineeomo Ondae i Ue weweuo kanandio! Po'ineeomo Do'ihiio i Ue luwuno pau anu pinaumu ta gagi atuu ka ipinokule luwuno parewano Raha-Do i Ue ka luwuno mia mentinadi inso i Babeli a mpo'ianga andio.

Yehesikieli 14:4

Onaemo pu'uno, pepaumo ndi ondae ka potae: Kanandiomo pau-Do Ue Ala: Sompo mia inso a nsuku Isaraeli anu monsu'u lahumoa i laro aroano ka monaa i arono watu tetidua, pepu'uano salado, ka i'amba aiwa tepohaweakono nabi, ka Ongkue, Ue, anu sumangkio hangano lahumoano anu hadio,

Yehesikieli 7:20

Peramba-ramba tekosi dompokonao gagi pompelangka-langkai. Inso a mperamba-ramba atuu domeweweuo luwuno tinaha anu mokoburu ka luwuno lahumoado. Onaemo pu'uno, Aku weweuo tesosa'ai ndi ondae.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 9:11

Luwuno to Isaraeli domelimpaiomo songka-Miu ka mepansia hangano nahi domperorongeakono pau-Miu. Onaemo pu'uno ndi omami inuwuomo pontotonaa ka sumpa, anu teburi a wunta Taurano i Musa, tetenaa-Do Ue Ala, hangano mpoweweu kamimo hala ndi Ondae.

Imama 19:4

Si mpewolili a luwuno lahumoa, ka si mpoweweu pesombaamiu susua anu tinawa. Ongkuemo Ue, Ue Alamiu.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Podoaa 5:22

Hangano uwoi anu mowawa totonaa andio ta mewinso a laro ngkoroimu mokokambao pe'anakaamu ka mokongkodeio pu'u mpa'amu. Ka i'amba beine atuu asalakono motae: Ami, ami.

I MATIU 24:15

”Gaagi tewala mpongkita komiu Ponsolangi mokoburu mentade a mpo'ianga mempori, montonda pau anu pinohaweno Nabi Danieli – anu mebasao ka dompekokoongakono –

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

1 KORINTI 14:16

Hangano, tewala omue butu montarimakasiako penaamu, kana'umpeke mia anu mehawe mporonge mpokompotae ”ami” a mpontarimakasimu? Kombake onae nahi to'orio hapa anu pinaumu?

Winali 27:14

Ka i'amba luwuno to Lewi ira mpepau meroku ka mpotaeako ira luwuno to Isaraeli,

Winali 29:17

Imengkitaomo pinesombai anu mokoburu ka lahumoado, inso a ngkeu ka watu, wulaa ka salaka, anu hina ndi ondae.

Winali 4:25

Tewala mpe'ana ue komiu ka gagi mota'u i wita atuu, ka impogau mokoburu mpoweweu tinaha kana hapamo koa ka mpoweweu hapa anu mosa'o a pongkita-Do i Ue, Ue Alamiu, komiu mokontekuda Ira.

Winali 5:8

Si mpoweweu tinaha tiamiu maupo kana hapa anu kongko i langi i wawono, ke anu kongko i tolino i totono, ke anu kongko a laro uwoi i totono tolino.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Puu Mpobitara 17:3

Umari atuu ipokuleomo doi salaka asa nsowu ka asa etu atuu ndi ineno: Sine ipotae ineno, ”Aku mokomemporio doi atuu ndi Ondae i Ue, aku metiakono ndi anaku, ka iwineweu tinaha, ka tinaha hinola te'inso ia doi atuu. Kanandio, doi atuu kupokuleo ndi omue.”

Puu Mpobitara 17:4

Sine mia atuu ipokuleo doi atuu ndi ineno, ka beine atuu umalao rua etu doi salaka ka iweeakono ia puu mpoweweu salaka anu moweweu tinaha ka tinaha hinola te'inso ia doi atuu; onaemo ka tinaha atuu ninaa i rahani Mika.

1 Samueli 26:19

Kanandio-andio ueku mokole, iperorongeakono wainto anu pinauno tetenaamiu andio. Tewala Ondae i Ue anu tumenakomiu umewai aku, po'ineeomo ka Dopemoikoo woono pesomba. Sine tewala inso a mia, tetotonaa iramo i aro-Do i Ue, hangano oleo andio domensaari akumo, ranta nahi kupohawe tia pusaka-Do i Ue. Mpotae iramo, ’Lakomo pesomba a anu pinesombai susua.’