Winali 26:2 - Wunta Mempori

² asalakono kau alao hasilino wita amba-ambano anu pinumpumu inso a wita anu Doweeakomu i Ue, Ue Alamu. Asalakono kau naao a baki, ka u'amba lumako a mpo'ianga anu tiniso-Do i Ue, Ue Alamu, weweuo kai po'ia nee-Do i ra'ai.

Winali 26:2 ပူးပေါင်းရင်းမြစ်များ

2 Mokole 4:42

Hinao asa mia inso i Ba'ala-Salisa hawe mowawakono tetenaa-Do Ue Ala roti wua amba-ambano, onaemo rua pulu roti jelai saru gandu wo'ohu a laro asa kadu. Ka i'amba motae i Elisa, ”Weeako iramo atuu a luwuno mia andio ka domengkaano.”

2 Tawarika 31:5

Nahi tehine umarino parenta andio tepalele, to Isaraeli mpowawa hadio ntu'u hasili amba-ambano inso a gandu, anggoro, lana, siu hoani ka luwuno hasilino wita. Ondae mpowawa mbo'u hadio pesomba tia hopulu inso a luwuakoano.

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

Nehemia 12:44

I tempo atuu ba'opia mia pinotoro dumagai ira bolongko ponaapa sangka mpesomba pinesusua, wua amba-ambano ka pesomba tia hopulu, ka i larono pinumpu tia anu montonda songka gagi tiado sando mpesomba ka to Lewi menunu saru hasilino lere sompo kota. Hangano i Yehuda ipemoikoo pompekakaakodo sando mpesomba ka to Lewi.

Nehemia 13:31

Kupakosio mbo'u asa pesalaano mompatinda keu ponahu a luwuno tempo anu pinakosi ka a luwuno wua amba-ambano. Oo Ue Alaku Ipewowolo akumo a laro ntumuwuku!

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Peluarakoa 22:29

Si tekolupe mompesombaako wua gandumu ka uwoi anggoromu. Anamu tama anu amba-ambano asalakono pesombaakono ndi Ongkue.

Peluarakoa 23:16

Impelangkaio mbo'u rame-rame umari sumowi, wua amba-ambano inso a mpo'anggamu morawo inii i lere, ka rame-rame pompumpua wua pinopaho, i tempono upopumpu wua pinopaho a mpo'anggamu i lere ia pokotampulaano ta'u.

Peluarakoa 23:19

Anu moiko ntu'u inso a wua amba-ambano witamu asalakono wawao a raha mpesombaa ndi Ondae i Ue, Ue Alamu. Si menahuo bauno ana bembe a uwoi uono ineno.”

Peluarakoa 34:26

Wua amba-ambano anu lalu moiko i witamiu asalakono imewawao a raha-Do i Ue, Ue Alamiu. Anano bembe si menahuo a laro uwoi uono ineno.”

Yeremia 2:3

I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Yehesikieli 20:40

Hangano, a wawo ntorukuno-Ku anu mempori, a wawo ntorukuno Isaraeli anu ondau, kanandiomo pau-Do Ue Ala, i ra'ai, i wita atuu, luwuno suku Isaraeli luwuno ira mpesomba ndi Ongkue. I ra'ai Aku memoiko komiu ka i ra'ai Aku tumuntuo inso ndi omiu luwuno pesomba pinesusua luwuno pesomba kaanga anu tebiniki, saru luwuno anu pinokomemporimiu.

Yehesikieli 44:30

Anu lalu moiko inso a wua amba-ambano hapamo koa ka pesomba pinesusua inso a hapamo koa i olodo luwuno pesomba pinesusuamiu onaemo tiado sando mpesomba; saru mbo'u anu lalu moiko inso a ntarigu jelaimiu asalakono imeweeako ira sando mpesomba ka ipohawe ronso rahamiu.

Yehesikieli 48:14

Si dome'asao wita atuu maupo tedei ke mentobosio, ka si pinopo'ueako a mia susua anu lalu moiko inso a wita atuu, hangano wita atuu mempori tia-Do i Ue.

Imama 2:12

Sine omiu moiko impesombaakono ndi Ondae i Ue gagi pesomba inso a hasili amba-ambano, butumokoa si mewawao i wawono meda pontunua pesomba gagi woono anu mompokomawongko.

Imama 2:14

Tewala omue mompesombaako pesomba kaanga inso a wua amba-ambano ndi Ondae i Ue, asalakono upesombaakono wua gandu anu sinompui a wawo api, gandu wo'ohu anu inisa gagi pesomba kaanga inso a wua amba-ambano.

ROMA 11:16

Tewala mempori roti amba-ambano, asalakono luwuno anu sinalo mempori koa mbo'u, ka tewala mempori haka, asalakono luwuno sampano mempori koa mbo'u.

ROMA 16:5

Tabea mbo'u a bawaa i rahado. Tabea ndi Epenetu, pepaekompo anu pinehohawaku, anu onaemo wua amba-ambano inso i wita Asia tia-Do i Kerisituu.

ROMA 8:23

Ka komba butu ondaemo koa, sine ontae anu mpontarima kitamo Penaa pompowee anu amba-ambano, ontae mbo'u mompemapari i laro aroato kontongaato mensikorio ka tomempinotoro gagi ana, onaemo tetolosiano koroito.

1 KORINTI 15:20

Sine anu mentee onaemo, nine Ondae i Kerisituu winangu Iramo inso i olodo mia mate, gagi anu amba-ambano inso a mia anu memate iramo.

1 KORINTI 15:23

Sine sompo-sompo mia montonda potudano: anu amba-ambano Ondae i Kerisituu; umarino atuu ondae anu gagi mia-Do i tempono hawea-Do.

1 KORINTI 16:2

A oleo amba-ambano sompo-sompo minggu po'ineeomo omiu singge mia – menunu saru hapa anu hinawemiu – impompesusua hinawemiu ka imenaao i raha, ka si amba mpopumpu, ba hawe akumo.

Winali 16:10

Umarino atuu kai merame-rameo oleo langkai Opitu Minggu ndi Ondae i Ue, Ue Alamiu, saru mpesomba a moleono aroa anu komiu mpeweengakono, menunu saru ronso anu Doweeakomiu i Ue, Ue Alamiu.

Winali 18:4

Hasilino amba-ambano inso a gandumiu, anggoro ka lanamiu, saru wulu ginonti amba-ambano inso a bimbamiu, asalakono imeweeakono.

Winali 26:1

Tewala mewinsokomo a wita anu Doweeakomu i Ue, Ue Alamu, gagi tia pusakamu, ka upentorokio ka mo'ia i ra'ai,

Winali 26:3

Asalakono kau tepohaweakono sando mpesomba anu kongko i tempo atuu, kau potaekono, ”Oleo andio kupauo ndi Ondae i Ue, Ue Alamu, nine mewinso akumo i wita anu dinandi-Do i Ue saru sumpa ndi ondae uempu'uto Ira meweengakono ndi ontae.”

YAKOBU 1:18

A mpo'ehe-Do Ondae-Do Dopokogagi kitamo a mpau menteea, ka tomegagi ana aka i olodo luwuno pinokogagi-Do a ntudano tetantui.

Yosua 18:1

Mentepumpu iramo luwudo to Isaraeli i Silo, ka dompoweweu kema tepumpua i ra'ai, nde wita atuu mpetuundu iramo ndi ondae.

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.