Winali 26:19 - Wunta Mempori

¹⁹ Kanandiomo Ira tumande komiu i wawono luwuno tongku anu pinokogagi-Do, ka igagi inunde-unde, tepalele nee ka pinelangkai. Komiu megagi bawaa anu mempori tia-Do i Ue, Ue Alamiu, kana anu dinandi-Do.

Winali 26:19 ပူးပေါင်းရင်းမြစ်များ

Po'unde-unde 148:14

Dopokomantandeomo tandu rosono bawaa-Do, gagi po'unde-undedo luwuno mia anu pinehohawa-Do, tiado to Isaraeli, bawaa anu umpeda ndi Ondae. Haleluya!

Peluarakoa 19:5

Gagi kanandio-andio, tewala mentee ntu'u komiu mpoperorongeako pau-Ku ka mpe'ini a mpedandia-Ku, komiu megagi tongku pinehohawa-Ku inso i olodo luwuno tongku, nde asa wawontolino andio Ongkue me'ueo.

Peluarakoa 19:6

Komiu tewinso gagi sando mpesomba ka tongku anu mempori ndi Ongkue. Onaemo andio luwuno pau anu kopauako ira to Iaraeli.”

Yesaya 62:12

Mia ta pau ira ”tongku mempori”, ”luwuno mia anu tinolosi-Do i Ue”, ka omue kopinau ”anu pinerorohi”, ”kota anu nahi bininta”.

Yeremia 13:11

Hangano mengkena kana peboo ntonga metako a ntongano asa mia, kanatuumo hieno luwuno suku Isaraeli ka suku Yehuda Kupotako ira ndi Ongkue, kanandiomo pau-Do i Ue, ka domegagi bawaa, gagi tenee, inunde-unde ka gagi pinelangkai ndi Ongkue. Sine nahi domebehe mpomperorongeako.”

Yeremia 2:3

I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Yeremia 33:9

Kota andio ta gagi nee anu mompokomawongko, inunde-unde ka pinelangkai ndi Ongkue i arono luwudo tongku i tolino anu rumongeomo mongkona luwuno moikoa anu Kuweweuo ndi ondae; ira ntededengke ka mpondidi-ndidi hangano luwuno moikoa ka manangaia anu Kuweweuo ndi ondae.

Sepanya 3:19

Menteeano i tempo atuu Aku humuku ira luwu anu mokonsiiko, sine Aku kumaduduio anu pungku, pumpu ira anu ntesiarawo ka weweu ira anu pinokoko'ii gagi inunde-unde ka telele neeno i asa wawontolino.

Sepanya 3:20

Ia tempo atuu Aku wawa komiu mpekule, ia tempo atuu Aku pumpu komiu, hangano Aku weweo neemiu gagi telele ka inunde-unde i olodo luwuno tongku i tolino saru wali mokomoikoo teweweumiu i arono matado,” pau-Do i Ue.

Sakaria 8:13

Tewala i ndi'ipua megagi komiumo totonaa i olodo luwuno tongku, hei suku Yehuda ka suku Isaraeli, kanandio-andio Aku kumadudui komiu, ranta ka imegagi ronso. Siimo doito, pokorosoomo aroamu!”

Winali 27:1

I Musa ka luwuno mia memota'u Isaraeli parenta ira mbo'u tongku atuu, ”Impe'inimo a luwuno parenta anu kupohaweakomiu oleo andio.

Winali 28:1

Tewala mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta-Do anu kupohaweakomiu a oleo andio, manasa Ondae i Ue, Ue Alamiu, Ira tumande komiu i wawono luwuno tongku i tolino.

Winali 28:13

Ondae i Ue Ira tumande komiu gagi ulu ka komba iki, komiukoa mpewuatako mpiha ka komba mpetii, tewala imperorongeakono parenta-Do i Ue, Ue Alamiu, anu kupohaweo ndi omiu a oleo andio, kai mpetenunu meweweuo.

Winali 28:9

Ondae i Ue Ira pakosi komiu gagi bawaa-Do anu mempori, kana anu dinandi-Do saru sumpa ndi omiu, tewala mpe'ini komiu a parenta-Do i Ue, Ue Alamiu, ka mentuwu montonda sala anu tiniso-Do.

Winali 7:6

Hangano omiumo bawaa-Do i Ue, Ue Alamiu anu mempori. Omiumo anu bininiki-Do i Ue, Ue Alamiu inso a luwuno tongku i wawontolino kai megagi bawaa pinehoha-Do.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

1 PETURU 2:9

Sine omiumo tongku anu tebiniki, imama anu moleo, tongku anu mempori, bawaa-Do Ue Ala, ka imempaleleo luwuno wineweu anu langkai inso ndi Ondae, anu moboi komiumo mpeluarako inso a wongi-wongia a mewine-Do anu kinohali-haliako: