Winali 26:17 - Wunta Mempori

¹⁷ Oleo andio imentarimaomo nine Ondaemo i Ue, Ue Alamiu, ka nine komiu mentuwu montonda sala anu tiniso-Do, ka mpe'ini a pompakosi, parenta saru atora-Do, ka mperorongeakono pau-Do.

Winali 26:17 ပူးပေါင်းရင်းမြစ်များ

Tegagia 28:21

ranta ka kupekule tekadudui a rahado amaku, ka Ondae i Ue Ira gagi Ue Alaku.

2 Tawarika 34:31

Ka i'amba mokole mentade a mpo'iangano ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga saru weweuo pauno pedandia anu teburi a wunta atuu.

Po'unde-unde 48:14

pekokoongakonomo rere watuno, pelempamo luwuno benteno, ka impokotutuluo a inule anu lembui:

Peluarakoa 15:2

Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.

Peluarakoa 19:8

Luwuno tongku atuu mesangki mperonga-ronga, ”Luwuno anu pinau-Do i Ue kami meweweuo.” Ka i'amba i Musa mohaweo sangkido tongku atuu ndi Ondae i Ue.

Peluarakoa 20:19

Dompotaeakono i Musa, ”Omuemo koa mepau ndi omami kami mperorongeakono. Siimo Ondae i Ue Ala anu mepau ndi omami, kasi kimemate.”

Peluarakoa 24:7

I'alao Wunta Pedandia atuu, ibasaako ira meroku i arodo tongku atuu ka dompotae, ”Luwuakoano pau-Do i Ue kami meweweuo ka mentondao.”

Yesaya 12:2

Mentee ntu'u, Ondae Ue Ala atuu tekaduduiaku; kupe'ala-ala Ira ka nahi kudoito, hangano Ondae Ue Ala atuu rosoku ka penaniku, Ondae gagi Iramo tekaduduiaku.”

Yesaya 44:5

Anu asa ta motae: Ongkue mia-Do i Ue, anu susua pauo koroino meneeako i Yako, ka anu susuano mbo'u burio a ngkaeno: Tia-Do i Ue, ka motoroo koroino meneeako i Isaraeli.”

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

WINEWEUDO TINENA 27:23

Hangano hieno wongi aasa mala'eka inso ndi Ondae Ue Ala anu pinesombaiku gagi mia-Do, mentade i horiku,

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

2 KORINTI 8:5

Ondae mpompowee hadioopo sekono anu pinerorohimami. Dompeweengakono koroido, amba-ambano ndi Ondae Ue Ala, ka i'amba ndi omami mbo'u hangano po'ehe-Do Ue Ala.

Winali 13:18

Hangano, imperorongeakono pau-Do i Ue, Ue Alamiu, saru mpe'ini a luwuno parenta-Do, anu kupohaweakomiu a oleo andio, ka mpoweweu hapa anu mentee a pongkita-Do i Ue, Ue Alamiu.

Winali 15:5

polomo koa kai mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta anu kupohaweakomiu a oleo andio.

Winali 27:10

Onaemo pu'uno, asalakono imperorongeakono pau-Do i Ue, Ue Alamiu, ka meweweuo parenta ka pompakosi-Do, anu kupohaweakomiu a oleo andio.”

Winali 29:12

Impentade kai mpewinso i larono pedandia-Do i Ue, Ue Alamiu, sumpa dandi-Do, anu winutu-Do i Ue, Ue Alamiu, saru omiu oleo andio.

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

Yosua 24:22

Motaeomo i Yosua, ”Omiumo sakosii ndi omiu-miu, motae ibiniki Iramo i Ue mpesomba ndi Ondae.” Mesangki ira: ”Omamimo sakosiino!”