Winali 26:15 - Wunta Mempori

¹⁵ Ipensiroiomo inso a mpo'ianga-Miu anu mempori, i laro nsuruga, ka Ironso iramo bawaa-Miu Isaraeli, ka wita anu Iweekamimo, kana anu Idandiomo saru sumpa ndi ondae uempu'u mami, asa wita anu hadio ntu'u susu ka siu hoanino.”

Winali 26:15 ပူးပေါင်းရင်းမြစ်များ

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

2 Tawarika 30:27

Umarino atuu luwuno sando mpesomba to Lewi mpentade rumonso ira palili. Pepaudo Dorongeo i Ue ka pekakaido hawe a mpo'ianga-Do anu mempori i suruga.

Po'unde-unde 28:9

Po'ineeomo ka Ikadudui ira bawaa-Miu ka Ironso iramo mia-Miu, Ipakambi iramo ka Ipokowali iramo ranta nahina tampulaano.

Po'unde-unde 51:18

Hangano Omiu nahi pemoikoo pesomba sinumbele; ba kupesombaakono pesomba tinunu, nahi Ipebeheo.

Po'unde-unde 68:5

Penanimo tia-Do Ue Ala, penanimo umunde-undeo nee-Do, pelangkai Iramo anu me'ula a nseru! Nee-Do onaemo i Ue; mawongkomo i aro-Do!

Po'unde-unde 80:14

Bonti mengkarasikio ka kondehora a mpada mengkaano.

Po'unde-unde 80:15

Oo Ue Alano luwuakoano, Ipepokulemo, Ipensiromo inso i langi, ka Ikitaomo! Ipekokoongakono keu anggoro andio,

Po'unde-unde 90:17

Po'ineeomo pe'aroa-Do i Ue, Ue Alamami, metii ndi omami, ka Ipokorosoomo wineweuno kaemami, oo, pokomorosoomo wineweuno kaemami!

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Yesaya 61:1

Penaa-Do Ue Ala kongko ndi ongkue, hangano Do'urapi akumo i Ue. Dotena akumo mohaweo lele moiko a mia memarasai, ka mekakaako ira mia anu masusa aroano, ka paleleo pompotolaa a mia mentinawa, ka tepotolaado mia anu nte'uko a torungku,

Yesaya 63:15

Ipensiroiomo inso i suruga ka Ikitaomo inso a mpo'ianga-Miu anu mempori ka maramba! Isuake mahakino aroa-Miu ka moroso-Miu, pebundeno aroa-Miu ka pompehohawa-Miu? Kime'emao siimo Ipo'iaakono!

Yeremia 31:23

Kanandiomo pau-Do Ueno luwuakoano, Ue Alado to Isaraeli, ”Mia ira mempauo mbo'u pau andio i wita Yehuda ka a luwuno kotano, tewala Kupomuleomo teweweudo: Po'ineeomo ka Doronsoko i Ue, hei po'iangano menteea, hei torukuno anu mempori!

Sakaria 2:13

Penoro-noromo, hei luwuno anu tuwu i aro-Do i Ue, hangano mentade Iramo inso a mpo'ianga-Do anu mempori.

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

WINEWEUDO TINENA 7:49

Langi onaemo kadera poparentaa-Ku, ka tolino onaemo pelandaano karu-Ku. Raha hapake anu komiu mpowangua-Kune, kanandiomo pau-Do i Ue, po'ianga kana'umpeke ta gagi penaa-naaa-Ku?

Winali 1:8

Kitaomo, Kupopokitaakomiu wita atuu i aromiu. Impewinsokio ka impetorokiomo wita anu dinandi-Do i Ue saru sumpa ndi ondae i Burahima, i Saki ka i Yako, uempu'umiu ta wineeako ndi ondae ka inuledo.”

Winali 26:14

I tempono kupo'inombo nahi kupongkaa maupo hapa inso a mpesomba mempori atuu, ke moluarako te'asa inso ndi onae tempono kumokoburu, nahi kupopesombaako mbo'u inso ndi onae a mia mate. Sine kurongeo pau-Do i Ue, Ue Alaku, ka weweuo menunu saru luwuno anu Iparentaakume.

Winali 26:7

mpebooli kami ndi Ondae i Ue, Ue Alado uempu'u mami. Dororongeo i Ue pebooli mami ka Dokitao tebobarasai ka masukaraa mami ka pobobarasaido ndi omami.

Winali 26:9

Dowawa kami a mpo'ianga andio, ka Doweeakami wita andio, asa wita anu hadio ntu'u susu ka siu hoanino.

Winali 6:3

Onae kai merongeomo, hei to Isaraeli! Impetenunumo meweweuo atuu, kai moiko tumuwumiu, ka kai megagi hadio ntu'u, kana anu Dodandiakomiu i Ue, Ue Alado uempu'umiu, i asa wita anu hadio ntu'u susu ka siu hoanino.