Winali 26:14 - Wunta Mempori

¹⁴ I tempono kupo'inombo nahi kupongkaa maupo hapa inso a mpesomba mempori atuu, ke moluarako te'asa inso ndi onae tempono kumokoburu, nahi kupopesombaako mbo'u inso ndi onae a mia mate. Sine kurongeo pau-Do i Ue, Ue Alaku, ka weweuo menunu saru luwuno anu Iparentaakume.

Winali 26:14 ပူးပေါင်းရင်းမြစ်များ

Po'unde-unde 106:28

Ondae mpe'ini moroso a Ba'ala Peori, ka mengkaano luwuno pesomba sinumbeleako mia mate.

Po'unde-unde 18:22

Hangano ongkue tumondao mpiha pesalaa-Do i Ue ka nahi mosa'o gauku, me'olaiako inso ndi Ondae Ue Alaku.

Yeremia 16:7

Nahina mia anu monsiba-sibaakono roti mia anu mo'inombo ka tumareroo hangano matea atuu. Tendeano nahina mia anu ta moweeakono mo'inu inso a mpiala pontareroa hangano mateano ama ke ineno.

Yehesikieli 24:17

Pompemasusamo penoro-noro, si poweweu ponsabangi matea. Wutuomo ramba-ramba ulumu ka pakeomo empehi karumu, si tutuwio i totono rupamu, ka si pongkaa roti po'inombo.”

Hosea 9:4

Nahi ira mpotawa anggoro gagi pesomba ndi Ondae i Ue ka pesomba sinumbeledo nahi ta mokonsanaao aroado. Rotido kana roti pompemasusa, sompo mia anu kumaano ta gagi mokoburu, hangano rotido butu tiado ondaedo, nahi moiko iwinawa a laro raha-Do i Ue.

Imama 21:1

Ondae i Ue mepau ndi Musa, ”Pepaumo a luwudo sando mpesomba, luwuno anano i Haruni ka potaeako ira: Asa sando mpesomba si weweuo koroino mokoburuako mia mate i olodo mia pe'asa tongkuno,

Imama 21:11

Siimo i'umpedaakono luwuno wata ngkoroi, tendeano onae si pokomokoburuo koroino hangano wata ngkoroino amano ke ineno.

Imama 7:20

Sine asa mia anu mongkaa bau pesomba tekaduduia ndi Ondae i Ue, ka kontongaano mokoburu, mia atuu asalakono pinokotampula inso a tongkuno.

Maleaki 2:13

Ndiomo anu ko'orua imeweweuo: Imentutuwiakono uwoi mata meda pontunua pesomba ndi Ondae i Ue, saru mpengese ka mpe'anaiki, hangano nahi Dopewolili mbo'u a mpesomba ka nami Dobehe tumarimao inso a ngkaemiu.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 15:5

polomo koa kai mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta anu kupohaweakomiu a oleo andio.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 26:13

Asalakono kau pepau i aro-Do i Ue, Ue Alamu, ”Kuluarakonomo pesomba mempori atuu inso i rahaku, kuweeako iramo to Lewi ka a mia hawe, nana'ote nahina amano ka tuwu beine, menunu ntu'u kana parenta anu Iwee'akumo. Nahi kulaloo ke kukolupeo luwuno parenta-Miu atuu.

Winali 26:15

Ipensiroiomo inso a mpo'ianga-Miu anu mempori, i laro nsuruga, ka Ironso iramo bawaa-Miu Isaraeli, ka wita anu Iweekamimo, kana anu Idandiomo saru sumpa ndi ondae uempu'u mami, asa wita anu hadio ntu'u susu ka siu hoanino.”