Winali 26:13 - Wunta Mempori

¹³ Asalakono kau pepau i aro-Do i Ue, Ue Alamu, ”Kuluarakonomo pesomba mempori atuu inso i rahaku, kuweeako iramo to Lewi ka a mia hawe, nana'ote nahina amano ka tuwu beine, menunu ntu'u kana parenta anu Iwee'akumo. Nahi kulaloo ke kukolupeo luwuno parenta-Miu atuu.

Winali 26:13 ပူးပေါင်းရင်းမြစ်များ

Po'unde-unde 119:139

Tekuda anu mongkokongiri mokopingko aku, hangano luwuno anu umewai aku mengkolupeo luwuno pau-Miu.

Po'unde-unde 119:141

Ongkue andio kodei ka mongkoko'undu, sine luwuno parenta-Miu nahi kukolupeo.

Po'unde-unde 119:153

Ikitaomo marasaiku ka Ipotola akumo, hangano Songka-Miu nahi kukolupeo.

Po'unde-unde 119:176

Tesaa aku kana bimba anu tetadi, I'ungkeomo tetenaa-Miu andio, hangano luwuno parenta-Miu nahi kukolupeo.

Po'unde-unde 119:93

Ranta nahina tampulaano nahi aku kumolupeo luwuno parenta-Miu, hangano saru atuu Iweweu aku tuwu.

Po'unde-unde 26:6

Kuwo'ohio kaeku tondonino nahina salaku, ka ku'amba melempa lumimbuo meda-Miu pontunua pesomba, oo Ue,

Powadi 3:1

Hei anaku, si kolupeo pompaguruku, ka po'ineeomo aroamu mekariao parentaku,

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 11:31

Ondae Ue Ala, Ama-Do i Yesu, Ueto, anu inunde-unde ranta nahina tampulaano, tumo'orio, nine nahi kupegaupi.

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

Winali 26:12

Tewala a nta'u ko'otolu, ta'u pesombaa tia hopulu, umari komo me'alao luwuno pesomba tia hopulu inso a hasilino witamu, asalakono imeweeako ira to Lewi, mia hawe, nana'ote nahina amano, ka tuwu beine, ka dompohawe mpongkaa a laro po'iangamu ranta mowohi.

Winali 26:14

I tempono kupo'inombo nahi kupongkaa maupo hapa inso a mpesomba mempori atuu, ke moluarako te'asa inso ndi onae tempono kumokoburu, nahi kupopesombaako mbo'u inso ndi onae a mia mate. Sine kurongeo pau-Do i Ue, Ue Alaku, ka weweuo menunu saru luwuno anu Iparentaakume.

1 TESALONIKA 2:10

Omiumo sakosii, kanatuukoa mbo'u Ondae Ue Ala, ba kana'umpe memporino, moleono ka nahina tataano kimpelelu i olomiu, anu mpompe'ala-ala.