Winali 25:8 - Wunta Mempori

⁸ Ka i'amba mia memota'u i kotano, asalakono mpoboio mia atuu ka mpepau saru onae. Tewala kanatuu mpiha sangkino, ka ipotae, ”Nahi kubehe umalao gagi beineku,”

Winali 25:8 ပူးပေါင်းရင်းမြစ်များ

Winali 25:7

Sine, tewala mia atuu nahi behe umalao kombiano pepaekompono, asalakono kombiano pepaekompono atuu lumako a mpewowa langkai kota me'aro ndi ondae mia memota'u, ka ipotae, ”Oleoku nahi behe tumeahakono neeno pepaekompono i olodo to Isaraeli, nahi behe weweuo gau mongkombia oleono saru ongkue.”

Winali 25:9

asalakono kombiano pepaekompono atuu aiwa ndi onae i arodo mia memota'u, lumohuakono sandalano mia atuu inso a ngkaruno, umonuio rupano, kai potae, ”Asalakono kanandiomo iwineweu a mia anu nahi behe mowangu inuleno pepaekompono.

Ruti 4:4

Gaagi kupewowoloo: Moiko kupauakomiu, kanandio: I'oliomo wita atuu i arodo mia anu mpentoro i ndi'ai ka i arodo mia memota'u ia tongkuto. Tewala inehemiu tumolosio, itolosiomo. Sine ba nahi behe tumolosio, ipauakune, ka kuto'oriokoa, nde nahina mia anu mokontolosio, sangkadio omiu, ka umarino omiu, ongkue.” Ka ipotae, ”Aku koa tumolosio.”

Ruti 4:6

Ka ipotae pontolosi atuu, ”Tewala kanandio, nahi aku mokontolosio, nde aku sumosa'orio anu lano tia pusakaku. Pomperorohiku, omue anu tumolosio, hapa anu lano aku tumolosio, nde lano nahi kupokontolosio.”

Ruti 4:7

Kanandio anu lano gaudo nse'elu i Isaraeli, ia gau montolosi ka montobosi. I tempodo mia ira mpopokomoroso kara-kara, asalakono asa mia iluarakono sapatuno asambali ka ipeweengakono a mia anu susua. Kanandiomo gaudo mia mompokomoroso kara-kara i Isaraeli.