Winali 25:1 - Wunta Mempori

¹ Tewala hinao pe'u'uaa i olono ba opia mia, ka domelako a pompaua kara-kara, ka pinau kara-karado kai pinutusi isema anu mentee ka isema anu sala.

Winali 25:1 ပူးပေါင်းရင်းမြစ်များ

2 Samueli 23:3

Ondae Ue Alado Isaraeli mepau, torukuno watu Isaraeli mepau ndi ongkue: Tewala asa mia moparenta mia a moleoano, moparenta ka doitoako Ira Ue Ala,

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

Peluarakoa 22:9

Sompo ilarono teposisalaa, moiko mongkona sapi, kalide, bimba, sangka, ke sangka hapamokoa anu tetadi, tewala asa mia motae, ”Ndio anuku!”, kara-karado mia orua ira atuu asalakono winawa i aro-Do Ue Ala. Isema anu pinokonsala-Do Ue Ala, asalakono mo'owahi euno meluka orua a mpe'asa miano.

Powadi 17:15

Mokomenteeo mia mosa'o gauno ka mokonsalao mia mentee, oruano Domokoburuakono i Ue.

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 11:4

Sine onae ta bitara ira mia molema a moleoa, ka ta momputusi temoiko a mia anu tepokonsii a wita andio; tolino ta tumunduhiakono pauno kana montunduhiako tuko, saru pepuuri inso a ngangano ta mompepate mia mosa'o gauno.

Yesaya 5:20

Masola ntu'u anu motae wineweu mosa'o atuu moiko ka moikoa atuu mosa'o, anu balio wongi-wongi gagi mewine ka mewine gagi wongi-wongi, anu balio mopa'i gagi mo'ahi, ka mo'ahi gagi mopa'i.

Yesaya 5:23

anu mokomenteeo mia mosa'o gauno hangano pompowee nahi pototono ka anu humapuo tiano mia mentee.

Yeremia 21:12

”Kanandiomo pau-Do i Ue, hei inuleno i Daudi: Putusiomo songka anu moleo sompo mo'oru, potolaomo anu rinontu inso a ngkaeno anu bobarasaio, ka si tensilano tekuda-Ku montiu kana api ka tensila nahi pinokompepate, hangano luwuno wineweumiu anu mosa'o!

Ponsabangi 3:35

tewala tiano mia pinelengkuako i aro-Do Anu Tedoa Mantande,

Ponsabangi 3:36

ke mia wineweu nahi moleo a laro kara-karano, nahike Ira kumitao i Ue?

Yehesikieli 44:24

I larono asa kara-kara ondae asalakono domegagi puu mpobitara ka mpobitara montonda luwuno atora-Ku. Ondae asalakono mpe'ini a luwuno songka ka pompakosi-Ku a luwuno oleo langkai-Ku ka mpokomemporio oleo Saba-Ku.

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Habaku 1:4

Onaemo pu'uno songka nami tinudu ka moleoa nahi tineahako, hangano mia anu nahi perio Ira i Ue kumadu ira mia mentee. Onaemo pu'uno moleoa pinoposule-sule.

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

I MATIU 3:10

Uase tepatindaomo a hakano keu ka sompo keu anu nahi pewua moiko, manasa tinuehi ka tinadi a api.

Winali 17:11

Montonda pontiso anu doweeakomiu ka montonda pinutusi anu pinaudo ndi omiu, asalakono imeweweuo. Si mepansia i koana ke i manggali inso a pinutusi anu pinaudo ndi omiu.

Winali 24:22

Asalakono kau pewowoloo, nine omue mbo'u i ndi'ipua ata i wita Masiri. Onaemo pu'uno, kuparentako meweweuo luwuno andio.