Winali 24:19 - Wunta Mempori

¹⁹ Tewala sumowiko i leremu, kau tekolupe asa nte'u i lere, siimo upekule umalao; onaemo atuu tiado mia hawe, nana'ote nahina amano ka tuwu beine, ka Doronsoko i Ue, Ue Alamu a luwuno inanggamu.

Winali 24:19 ပူးပေါင်းရင်းမြစ်များ

Ayubi 42:12

Ondae i Ue rumonsoo i Ayubi a laro ntumuwuno lembuino laluaopo sekono tuwuno anu i ndi'ipua. Onae mohawe hopulu ka opaa nsowu bembe bimba, nomo nsowu unta, asa nsowu pasa sapi, ka asa nsowu kalide waino.

Po'unde-unde 112:9

Saru pe'aroano onae montia-tia a mia mongkokolaro; poweweuno anu moiko nahi bali ranta nahina tampulaano, tandu rosono pinoko'ondau a laro marambaa.

Powadi 14:21

Isema mompokokurama pe'asa miano moweweu hala, sine me'uraomo mia me'aroa a mia anu mongkokolaro.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Yesaya 32:8

Sine mia me'aroa moiko montoo anu moiko, onae wela sumu'uo luwu anu moiko.

Imama 23:22

I tempono imensowio hasilino witamiu, siimo imensewoo leremiu kai pingko hawe a wiwino ka siimo imebinio hapa anu tebinta inso a mponsowiamiu. Luwuno atuu asalakono imebintaako ira mia mongkokolaro ka mia hawe. Ongkuemo Ue, Ue Alamiu.”

I LUKASI 6:35

Sine omiu, impehohawa iramo iwalimiu ka impoweweumo temoiko ndi ondae ka impoweeako ira mponsabo nahi mpomperorohi sulono, ka tambomiu ta langkai ka komiu megagi ana-Do Ue Ala Anu Lalu i Wawono, hangano moiko Ira a mia anu nahi domponto'ori mpontarimakasi ka a mia memosa'o.

I LUKASI 6:38

Impompoweemo ka komiu mempinowee: aasa ponsa'u anu moiko, anu pinokomodato, anu hineho ka anu te'uwu i bungkuno ta tinawa a laro mpo'awiamiu. Hangano ponsa'u anu imponsa'uako, komiu mensina'uako.”

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

Winali 15:10

Asalakono impoweeakono tehadio ntu'u kasi mobea aroamiu ba impoweeakono. Hangano onaemo pu'uno ka Doronso komiu i Ue, Ue Alamiu i laro luwuno anu inanggano kaemiu.

Winali 24:18

Asalakono kau pewowoloo, nine omue mbo'u i ndi'ipua ata i wita Masiri ka omue Dotolosiko i Ue, Ue Alamu, inso i ra'ai. Onaemo pu'uno kuparentaakomu kau weweuo anu andio.

Winali 26:13

Asalakono kau pepau i aro-Do i Ue, Ue Alamu, ”Kuluarakonomo pesomba mempori atuu inso i rahaku, kuweeako iramo to Lewi ka a mia hawe, nana'ote nahina amano ka tuwu beine, menunu ntu'u kana parenta anu Iwee'akumo. Nahi kulaloo ke kukolupeo luwuno parenta-Miu atuu.

Ruti 2:16

tendeano ka impe'inungako mpompadii ntededei inso ia wutuno gandu atuu gagi tiano ka domebintao, ka ibinio. Kasi domentekudaakono.”

Ruti 2:2

Motaeomo i Ruti, beine to Moabi ndi Naomi, ”Po'ineeomo ka kulako ia lere, mobini jelai anu tebibinta i bungkudo mia mensowi anu mehohawa aku.” Sumangki i Naomi, ”Lakomo anaku.”