Winali 24:1 - Wunta Mempori

¹ Tewala asa tama mo'ala asa beine ka igagi tamano, sine lembuino nami pekonoo mbo'u beine atuu, hangano ihaweo anu nahi penunu ndi onae. Ka i'amba moburi wunta teponsuaa ka ipeweengakono a ngkaeno beine atuu, ka itenao lumako inso i rahano.

Winali 24:1 ပူးပေါင်းရင်းမြစ်များ

Peluarakoa 21:10

Tewala anu me'atao mo'ala mbo'u asa beine, gagi samburueno, si kurangio kaanga tiano, sangka ka ipewowaliakono beine amba-ambano.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yeremia 3:1

Pau-Do, ”Tewala asa mia teposuaakono kombiano, ka beine atuu bintao ka i'amba gagi kombiano mia susua, ta mepokuleke onae a beine atuu? Kombake wita atuu mente ntu'u tesosa'ariomo? Monsosabokomo saru hadio kinekewoi, ka komepokule ndi ongkue? Kanandiomo pau-Do i Ue.

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Maleaki 2:16

Hangano Ku'o'aliaakono teponsuaa, pau-Do i Ue, Ue Alado to Isaraeli, ka mbo'u mia anu mesoumbuako pobobarasai, pau-Do Ueno luwuakoano. Dagaiomo koroimu ka petenunumo!

Podoaa 5:12

”Pepaumo a nto Isaraeli ka pauako ira: Tewala kombiano asa mia moweweu molengku, moweweu nahi petenunu a ntamano,

Podoaa 5:28

Sine tewala beine atuu nahi sosa'orio koroino, tendeano onae mempori, onae ta pinokomengkaa nahi sala ka ta me'ana.”

I MATIU 1:19

Hangano i Yusupu tamano, asa mia anu moleo aroano, ka nahi behe mokoko'iio beineno a mia hadio, montoomo ta bintao memaro-maro.

I LUKASI 16:18

Sompo mia anu monteposuaako beineno, ka i'amba mekombiaako beine susua, onae monsosabo; ka ba isema mekombiaako beine anu tineposuaakono tamano, onae monsosabo.”

Winali 21:15

Tewala asa mia hinao orua kombiano, anu asa pinehohawa ka anu asa nahi pehohawao, ka pada ira me'anaakono ana ntama, moiko anu pinehohawa maupo anu nahi pehohawao, ka ana aka onaemo inso a ngkombiano anu nahi pinehohawa,

Winali 22:13

Tewala asa tama mo'ala kombiano ka mansano mewowaliakono beine atuu, ka i'amba umo'aliaakono,

Winali 22:19

ka domedendao asa etu sikala salaka. Salaka atuu wineeako a amano ana beine, hangano tama atuu mokomosa'oomo neeno asa ana beine Isaraeli. Beine atuu asalakono gagi mpiha kombiano; asa ntinuwuno tama atuu siteponsuaakono.

Winali 22:29

asalakono tama anu moturi saru ana beine atuu moweeakono lima pulu sikala salaka ndi amano ana beine atuu, ka ana beine atuu asalakono gagi kombiano. Hangano tama atuu umariomo mewowaliakono; asa ntinuwuno tama atuu siteponsuaakono.

Winali 24:2

Beine atuu meluarako inso i rahano ka ilako inso i ra'ai, ka i'amba gagi kombiano mia susua.

Winali 24:3

Tewala tama anu lembuino andio nami behe mbo'u, ka i'amba moburi wunta teposua ka ipeweengakono a ngkaeno beine atuu kai tenao meluakoro inso i rahano, ke ba tama anu lembuino umalao gagi kombiano atuu mate,