Winali 23:18 - Wunta Mempori

¹⁸ Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Winali 23:18 ပူးပေါင်းရင်းမြစ်များ

1 Mokole 14:24

Tendeano hinao po'iangga pebelesua i wita atuu. Domeweweuo luwuno anu mokoburu, kana luwudo tongku anu Dosaari iramo i Ue inso a nto Isaraeli.

Po'unde-unde 22:16

rosoku mokari kana siba ntami, eloku metako a langiraku; ka a laro pampawu Inaa aku.

Powadi 26:11

Kana dahu mekule a ngkolua-luano, kanatuumo mia monge-monge anu walio benge-bengeno.

Yesaya 61:8

Hangano Ongkue, Ue, kumekewoio songka, umo'aliaakono porontua ka molengkua. Aku moweeko tambomiu anu mentee, ka mowutu pedandia anu nahina tampulaano saru omiu.

Yehesikieli 16:33

Mia mpoweeako ira tambo a luwuno beine belesu, sine omue posuleno. Omue moweeako ira pompowee gagi pompopandei a luwuno anu kumekewoiko ka moweeako ira pompowee nahi pototono ka inso a mpehori-horimu me'aiwa ndi omue ka impebelesu.

Imama 18:22

Si poturi saru tama kana mewowaliako beine. Onae atuu asa anu mokoburu.

Imama 19:29

Si mensolangio memporino anamu beine ka impokogagio beine belesu, kasi mpoweweu pebelesua i wita atuu kai bukeako wineweu mokoburu.

Imama 20:13

Tewala asa tama moturi saru tama susua kana mewowaliako beine orua ira moweweu anu mokoburu. Ondae asalakono hinuku mate ka reado dotembio ondaedo.

Imama 7:16

Tewala pesomba sinumbele anu pinesombaako atuu gagi pesomba pontanga ke pesomba po'eheno aroa, asalakono bauno ikinaa a oleo ipinesombaako, sine toreano moiko ikinaa tisomono.

Mika 1:7

Luwuno tinahano ta pinuro, luwuno tambo pebelesuno ta tinunu, ka luwuno lahumoano Aku rumawo-rawoo; hangano inso a ntambo pebelesua atuu pinumpu luwu, ka ta wali gagi tambo pebelesu.

Habaku 1:13

Mata-Miu tedoa mempori mongkita mosa'oa ka nahi behe mongkita pobobarasaia. Tembio ka Ibutu kumita ira mia anu mompokoko'ii atuu ka menoro-noro tempono mia melambaha tumeleo mia anu mentee sekono onae?

Maleaki 1:14

Tetotonaaomo anu mompopo'oo, anu hinao asa kondehora lakino i olodo bawaano pinotuwuno, ka ipontangaakonomo, sine ipesombaakono kondehora anu hinao tataano ndi Ondae i Ue. Hangano Ongkue andio Mokole anu langkai, pau-Do Ueno luwuakoano, ka nee-Ku dinoitoako i olodo luwuno tongku.

I MATIU 7:6

Sangka anu mempori si meweeakono dahu ka mutiara si mentendeakono boe, ka si lolandaakono karuno, ka i'amba mewolili rumago-rago komiu.

Winali 12:6

Asalakono imewawao i ra'ai pesomba tinunu ka pesomba sinumbelemiu, pesomba tia hopulu ka pesomba pinesusua, pesomba pontanga ka pesomba moleono aroamiu, luwuno ana amba-ambano sapimiu ka asa bawaa bembe bimbamiu.

Winali 22:21

asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Winali 23:21

”Tewala montangako ndi Ondae i Ue, Ue Alamu, sipotuluo weweuo, hangano manasa Ondae i Ue, Ue Alamu, Ira tumuntuo inso ndi omue, onaemo kai gagi halamu.

PILIPI 3:2

Imetangkoro ira dahu, imetangkoro ira mia mpo'angga anu mosa'o gaudo, imetangkoro ira mia mpotindi anu nahi mentee,

2 PETURU 2:22

Ndi ondae kona ntu'u hapa anu pinauno potundaano pau anu mentee andio, ”Dahu ipekuletio mbo'u teluano, ka boe anu medolo mekule mbo'u a umbeleno.”

MENGKAAA 22:15

Sine luwuno dahu ka puu mposihiri, mia mebelesu, mia anu pompepate, anu mpesomba a lahumoa ka sompo mia anu kumekewoio pegaupi ka anu meleluakono, mpo'ia i bungkuno.