Winali 22:21 - Wunta Mempori

²¹ asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Winali 22:21 ပူးပေါင်းရင်းမြစ်များ

Tegagia 34:7

Tempono dompekule anano i Yako inso a mpada, domerongeo anu gagi atuu. Mia andiodo memahaki aroa ka tedoa ira ntekuda hangano i Sikemi moweweuomo mokoburu i olodo to Isaraeli mewowaliakono ana beineno i Yako, hangano poweweu anu kanandio nahi moiko iwineweu.

Tegagia 38:24

Bara'ura otulu wula lembuino pinauakoomo i Yehuda, ”I Tamari, ponimu, mebelesuomo tendeano mentiaomo inso a mpebelesuno atuu.” Ka i'amba motae i Yehuda, ”Wawaomo beine atuu meluarako ka itinunu!”

Imama 19:29

Si mensolangio memporino anamu beine ka impokogagio beine belesu, kasi mpoweweu pebelesua i wita atuu kai bukeako wineweu mokoburu.

Imama 20:2

”Omue asalakono mepau a nto Isaraeli: Sompo mia, moiko to Isaraeli maupo mia hawe anu mpo'ia i Isaraeli anu mompeweengako luwuno anano ndi Moloko, onae asalakono hinuku mate; palili i wita atuu asalakono wunoakono watu.

Imama 21:9

Tewala ana beine anano asa sando mpesomba mo'ineeo memporino koroino gagi pebelesua, onae lumaloo memporino amano, ka onae asalakono tinunu a api.

Imama 24:16

Isema anu montutundali nee-Do i Ue, asalakono hinuku mate, luwuno bawaa wunoakono watu. Moiko mia hawe maupo bawaa ntu'u, tewala montutundali nee-Do i Ue, asalakono hinuku mate

Imama 24:23

Kanandiomo ipohaweo i Musa pau atuu a nto Isaraeli. Ka i'amba mia anu montotonaa atuu winawa i bungkuno pekemaa kai winunoako watu. To Isaraeli meweweuo kana peparenta-Do i Ue ndi Musa.

1 KORINTI 5:13

Ondae anu komba bawaa Ondae Ue Ala anu bitara ira. Imensaari ira mia anu mpoweweu mosa'o i olomiu.

Winali 13:10

Asalakono imewunoakono watu, ranta kai mate, hangano montooomo moko'olaikomiu inso ndi Ondae i Ue, Ue Alamiu, anu wawa komiu mpeluarako inso i wita Masiri, a ntepe'ataa.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 17:5

asalakono imewawao tama ke beine anu moweweuomo wineweu mosa'o atuu meluarako a mpewowa langkai kota. Ka i'amba tama ke beine atuu asalakono winunoako watu ranta kai mate.

Winali 17:7

Kaedomo luwuno sakosii atuu anu amba-ambano humuku mateo, domentondao luwuno palili. Kanatuumo asalakono impokotampulao anu mosa'o inso i olomiu.”

Winali 19:19

ka omiu asalakono meweweuo kana'umpe tinoono mokoko'iio pepaekompono. Kanatuumo asalakono impokotampulao anu mosa'o inso i tonga-tongamiu.

Winali 21:21

Ka i'amba luwuno tama pe'asa kotano asalakono mewunoakono watu nana'ote atuu ranta kai mate. Asalakono kanatuumo upahihio anu mosa'o atuu inso i tonga-tongamiu. Luwuno to Isaraeli ira merongeo ka gagi medoito.

Winali 22:22

Tewala asa tama hinawe moturi saru asa beine anu hinao tamano, asalakono orua ira pinepate, tama anu moturi saru beine atuu ka beine mbo'u atuu. Kanatuumo asalakono ime'oninio anu mosa'o inso i olodo to Isaraeli.

Winali 22:24

asalakono orua ira winawa meluarako a mpewowa langkai kota ka imewunoako ira watu, ranta ka domate: hangano ana beine atuu nahi pebooli mepetulungi maupo i kota, hangano tama atuu ipewowaliakonomo kombiano pe'asa miano. Kanatuumo asalakono ime'oninio anu mosa'o inso i tonga-tongamiu.

Puu Mpobitara 19:23

Meluarakoomo ueno raha atuu ka ipepauako ira, ”Naahi pepaekompoku, si mpoweweu anu mosa'o; nde mia andiodo mpewinso iramo ia laro rahaku, si mpoweweu hala.

Puu Mpobitara 20:10

Kita mpobiniki te'inso ia luwuno suku Isaraeli tehopulu mia i olodo anu asa etu, ka asa etu mia i olodo anu asa nsowu, asa nsowu mia i olodo anu hopulu nsowu, mo'ala kaanga tiado sorodadu hadio andio. Ka bamehawe iramo tomeweweuomo ndi Gibea-Benami menunu kana hala wineweudo i olodo to Isaraeli.”

Puu Mpobitara 20:5

Sine mia to Gibea mehawe mebolilio raha peratoaku itempono wongi ira mensapoi aku. Ira mpepate aku, sine kombia pinekariaku domegauo ranta ka i mate.

Puu Mpobitara 20:6

Ku'alao wata ngkoroi mate kombia pinekariaku, kupole-poleo ka ku'oliwio ia wita pusakado to Isaraeli, nde mia atuudo mpoweweu iramo hala ka anu mokoburu i olodo to Isaraeli.