Winali 21:18 - Wunta Mempori

¹⁸ Bara'ura hinao mia anano tama anu nahi pinoko patudu ka umewa, anu nahi behe merorongeakono paudo amano ka ineno. Maupo dotunduhio, nahi perorongeako ira koa mbo'u.

Winali 21:18 ပူးပေါင်းရင်းမြစ်များ

2 Samueli 7:14

Ongkue ta gagi Amano ka onae ta gagi ana-Ku. Ba moweweu anu sala, Aku humukuakono tuko tiado mia ka ponsepi anado mia.

Peluarakoa 20:12

Pelangkai ira amamu ka inemu, kai melai tinuwumu a wita anu Doweeakomu i Ue, Ue Alamu ndi omue.

Peluarakoa 21:15

Isema anu montunduhi amano ke ineno, manasa onae hinuku mate.

Peluarakoa 21:17

Isema anu montutundali amano ke ineno, manasa onae hinuku mate.

Powadi 1:8

Hei anaku, rongeomo pompaguruno amamu, ka si pebungkuio pompaguruno inemu,

Powadi 13:24

Isema nahi pompake tuko, umo'aliaakono anano; sine isema mompehohawa anano, isepio a tempono.

Powadi 15:5

Mia benge-benge nahi tarimao pompaguruno amano, sine isema merioo pongkuahako onaemo pande mosongka.

Powadi 19:18

Tunduhiomo anamu tempono da hinao pomperorohia, sine si ineheakono mateano.

Powadi 20:20

Isema montotonaa ama ke ineno, huluno ta mate i tempono wongi-wongi.

Powadi 22:15

Benge-bengea metako a aroano mia mongura, sine tuko pompaguru ta moko'olaio atuu inso ndi onae.

Powadi 28:24

Isema morontu amano ka ineno ka tumuduo nine atuu komba hala, onae walino anu monsolangi.

Powadi 29:17

Paguruomo anamu, asalakono onae ta moweeakomu rodoa, ka mokomawongkoko.

Powadi 30:11

Hinao inule anu montotonaa amano ka nahi ronsoo ineno.

Powadi 30:17

Mata anu mompasinggiri ama ka mo'ondaha rumongeo ine ta tumungkuo paa-paa lembono ka ikaano anano rajawali.

Yesaya 1:2

Rongeomo, hei langi, ka ta'oomo biri, hei tolino, hangano Ondae i Ue mepau, ”Ongkue mokolangkai ira nana'ote ka mekakaako ira, sine me'ewa ira ndi Ongkue.

Yesaya 1:5

Tembio ka imebehe mentinunduhi mbo'u, omiu anu tekense mpebungkui Ira? Ulu mahaki luwu ka luwuno aroa molema ka telusa.

Yeremia 31:18

Kurongeomo mentee ntu'u i Eparai mengese, ’Itunduhi akumo, ka kutarimao petunduhi, kana ana nsapi anu nahi pinaguru. Iwawa akumo mekule ka ineheku mepokule, hangano Omiumo Ue, Ue Alaku.

Yeremia 5:23

Sine tongku andio mpe'aroa anu wela umewa ka mo'ewai songka; mepansia iramo ka mpolai.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yehesikieli 22:7

Luwuno ama ka ine i olomu pinokongkodei, ka i tonga-tongamu mia mpo'ala komba tiado a mia mehawe; nana'ote mbo'u anu nahina amano ka tuwu beine i olomu pinokonsii.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Imama 19:3

Sompo mia i olomiu asalakono pelangkaio ineno ka amano saru mekakaakono luwuno oleo saba-Ku. Ongkuemo Ue, Ue Alamiu.

Imama 21:9

Tewala ana beine anano asa sando mpesomba mo'ineeo memporino koroino gagi pebelesua, onae lumaloo memporino amano, ka onae asalakono tinunu a api.

Winali 21:19

Onaemo asalakono amano ka ineno uminio ka dowawao meluarako lumako a luwudo mia memota'u a mpewowa langkai i kota po'iangado.

Winali 27:16

’Tetotonaaomo mia anu me'uru-uruo ineno ka amano.’ Luwuno tongku atuu, asalakono mpotae, ’Ami!’

Winali 8:5

Gagi asalakono kai mento'orio, nine Ondae i Ue, Ue Alamiu paguru komiu kana asa mia mompaguru anano.

1 Samueli 3:13

Umariomo Kupauakono nine Aku humuku ira inuleno ranta nahina tampulaano, hangano pe'ewado ka pompe'uru-urudo anano ndi Ondae Ue Ala anu ito'orio koa sine nahi poko'onto ira.