Winali 20:1 - Wunta Mempori

¹ ”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 20:1 ပူးပေါင်းရင်းမြစ်များ

Tegagia 26:3

Po'iamo i wita andio gagi mia mehawe. Aku kumongkomiko ka rumonsoko, hangano ndi omuemo ka a inulemu Aku meweengakono luwuno wita andio ka Aku umihiio sumpa anu Kupauomo ndi Burahima, amamu.

2 Tawarika 14:10

I Asa meluarako umaropio. Dome'atorao baresi mpeteado a lembono Sepata umpeda Maresa.

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

2 Tawarika 20:12

Oo Ue Alamami, nde nahi Komiu humuku ira ke? Hangano nahina rosomami umaropio sorodadu anu asa bawaa langkai andio, anu aiwa sumapoi kami. Nahi kimento'orio hapa anu asalakono kami meweweuo, sine mata-Miu tetutu ndi omami.”

2 Tawarika 20:15

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i Ue ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

Po'unde-unde 118:6

Ondae i Ue kumongkomi aku, nahi kudoito. Hapake anu pinolino mia weweuo ndi ongkue?

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Po'unde-unde 23:4

Maupo kupelempa a lembono wongi-wongia, nahina dinoitoakoku, hangano Omiu kumongkomi aku; tarasulu-Miu ka tuko-Miu, onaemo anu mokoroso aku.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Po'unde-unde 46:8

Ondae Ue Alano luwuakoano kumongkomi kita, kota benteto Ondaemo Ue Alano i Yako. Sela

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Yeremia 16:14

Onaemo pu'uno, menteeano tempono ta hawe, kanandiomo pau-Do i Ue, nine mia nahi ira mpotae mbo'u, ’A nee-Do i Ue anu tuwu anu tumaate ira to Isaraeli mpeluarako inso i wita Masiri’,

Sakaria 10:5

Ondae ira kana puu mpetea anu mpololanda iwali a laro rege a mpeteaa. Ira mpetea, hangano Ondae i Ue kumongkomi ira ka dompokoko'ii ira sorodadu mpengara.

Podoaa 10:9

Tewala melako komiu mpetea i witamiu umewaio iwali anu mokomarasai komiu, asalakono napiri impopo'unio pepopoto'ori, kai merinambe i aro-Do i Ue, Ue Alamiu, ka kinadudui inso a iwalimiu.

Podoaa 23:21

Nahi tengkita masolaa ndi Yako, ka nahi tengkita urasa'o i Isaraeli. Ondae i Ue, Ue Alado kumongkomi ira ka po'undedo ndi Ondae, Mokoledo.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Winali 1:29

Umarino atuu mepau aku ndi omiu, ”Si mpondende kasi medoitoako ira.

Winali 2:7

Mentee ntu'u Ondae i Ue, Ue Alamiu rumonso komiu a laro luwuno inanggano kaemiu. Dokongkomi komiu a mpelempaamiu lumaloo pada one anu malua andio. I larono pato pulu nta'u andio Dokongkomi komiu i Ue, Ue Alamiu, ka nahina maupo hapa makuramiu.

Winali 20:2

Se'eluno ime'aropio peteaa, asalakono sando mpesomba anu lumako i arono ka ipepau a mpalili.

Winali 20:3

Asalakono ka ipotaeako ira, ’Hei to Isaraeli, imerongeomo! Oleo andio komiu mpo'aropi peteaa umewai ira iwalimiu. Si molema aroamiu, si medoito, si medanggara ka si memondende i arodo.

Winali 31:6

Pokorosoo ka perodoo aroamu, si doito, kasi mondende ndi ondae, hangano Ondae i Ue, Ue Alamu anu melempa kumongkomi komiu. Nahi Ira mo'inee komiu ka nahi Ira binta komiu.”

Winali 31:8

Hangano Ondae i Ue anu melempa i aromu ka Ira kumongkomiko. Nahi Ira mo'ineeko ka nahi Ira bintako. Siimo doito ka siimo salalaro.”

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Winali 7:18

Sine si medoitoako ira. Impewowoloo koa mpiha hapa anu wineweu-Do i Ue, Ue Alamiu ndi Pirao ka luwuno wita Masiri.

Winali 7:21

Siimo udoitoako ira, nde Ondae i Ue, Ue Alamu, kongko itonga-tonga miu, Ue Ala anu langkai ka mongkokongiri.

Winali 9:3

Onae kai mento'orio koa a oleo andio, nine Ondae i Ue, Ue Alamiu, Ondaemo anu melempa i aromiu kana api anu mompokomo'ai. Ondae rumopu ira ka Ondae anu mokompetuundu ira i aromiu. Kanatuumo komiu ronga sumaari ira ka mepate ira, kana anu dinandi-Do i Ue ndi omiu.

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

Yosua 1:9

Nde komba Kutenaakomu ke: Pokomorosoo aroamu? Sidoito, ka motewe aroamu, nde Ondae i Ue, Ue Alamu kumongkomiko, isua-suamokoa ulako.”

Yosua 11:9

Iweweu ira i Yosua kana anu Dopauakono i Ue: Ngarado mensinolangi ka karetado mentinunu.

Puu Mpobitara 6:12

Mala'eka-Do i Ue mepopokita ndi onae ka Dopepau kanandio, ”Ondae i Ue kumongkomiko, o tadulako anu mosia.”

Puu Mpobitara 6:16

Mepau Iramo i Ue ndi onae, ”Aku kumongkomiko, ranta kau nangi ira to Midia kana anu asa mia koa.”

1 Samueli 17:32

Motae i Daudi ndi Saulu, ”Kasi mansa domengkodei aroa mia hangano onae, atamiu andio ta lako umewaio to Pelisiti atuu.”