Winali 2:34 - Wunta Mempori

³⁴ I tempo atuu tompoko'alao luwuno kotano ka rumopuo palili sompo kota: tama ka beine saru nana'ote. Nahina maupo te'asa mia anu tompo'ineeo tepotola.

Winali 2:34 ပူးပေါင်းရင်းမြစ်များ

Winali 3:6

Tomeropu ira luwuno palilino, kana anu wineweuto ndi Sihoni, mokole i Hesiboni, saru rumopu ira palili sompo kota: tama, beine ka nana'ote.

Winali 7:2

Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.

Winali 7:26

Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

Yosua 10:28

I oleo koa atuu i Yosua ipoko'alao kota Makeda, ihino inia ipepateako ira ponai, kanatuu koa mbo'u mokoledo, luwuno anu tuwu ipepate ira nahina maupo te'asa mia anu tola ka mokole Makeda wineweu kana mokoledo to Yeriko.

Yosua 10:40

Kanandiomo i Yosua numangio luwuno wita atuu, Mentorukuno, wita Nege, Sipela ka korimbino ka luwuno mokoledo. Nahina maupo te'asa mia anu tepotola, sine luwudo anu hinao penaano dopepate ira, kana anu Dotenaako ira i Ue, Ue Alado to Isaraeli.

Yosua 11:14

Luwuno sangka ka pinotuwu anu laro kota atuu, dompomuru iramo to Isaraeli. Sine luwuno mia dompepateako ira ponai, nahina anu tepo'ia tuwu, inso ia luwuakoano anu hinao penaano.

Yosua 6:21

Dompepateako ira ponai, tama ka beine, mia mota'u ka mia mongura, ka io pinotuwudo, sapi, bimba, ka kalide.

Yosua 7:11

To Isaraeli mpoweweu iramo hala, nahi domentondao pedandia-Ku anu Kupauako ira, mpo'ala ira hapa anu lano pinesusua, domemponakoo, domewunio, ka domenaao mesaloako sangkado.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.

1 Samueli 15:3

Kanandio-andio, lakomo ka nangi ira to Amale. Pokoropuo luwuakoano anu hina ndi ondae ka sipehohawa ira. Pepate ira luwuno tama, maupo beine, nana'ote maupo ana dalo, sapi maupo bimba, unta maupo kalide.”