Winali 18:15 - Wunta Mempori

¹⁵ Asa nabi inso i tonga-tongamiu, inso i olodo pepaekompomiu, kana ongkue andio, Ira tumenao i Ue, Ue Alamiu. Onaemo anu asalakono komiu merongeo.

Winali 18:15 ပူးပေါင်းရင်းမြစ်များ

Hosea 12:14

Molalo asa nabi, Ondae i Ue tumaateo i Isaraeli meluarako inso i wita Masiri, molalo asa nabi, onae dinagai.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

Podoaa 12:8

Tepo'aro rupa Kupepau saru onae, nahina mo'oloti, komba mesingguru ka ikitao rupa-Do i Ue. Tembio ke nahi imedoito tumatao tetenaa-Ku i Musa?”

I MATIU 17:5

Ka kontongaano mepau borono metiiomo seru anu mewine umengoi ira ka inso a laro nseru atuu teronge pau motae, ”Ndiomo Ana anu pinehohawa-Ku, Onaemo bininiki-Ku, imperorongeako Iramo.”

I MATIU 21:11

Ka mia hadio atuudo mesangki, ”Ondaemo andio nabi Yesu inso i Nasare, wita Galilea.”

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I LUKASI 2:25

Hinao i Yerusale asa mia meneeako i Simeo. Onae asa mia anu mentee ka moleo aroano anu sumisikorio pontarerodo to Isaraeli. Penaa Mempori mo'ia ndi onae,

I LUKASI 2:32

onaemo mewine anu gagi wantano luwuno tongku susua ka gagi marambado bawaa-Miu, to Isaraeli.”

I LUKASI 24:19

Dopotaeako ira, ”Hapake atuu?” Sumangki ira, ”Hapa anu gagi mongkona Ondae i Yesu to Nasare. Ondaemo asa nabi, anu pabawa a mpo'anggaa ka pepaua i aroDo Ue Ala ka i arodo luwuno tongkumami.

I LUKASI 7:16

Luwuno mia atuu medoito ka dome'unde-unde Ira Ue Ala, saru mpotae, ”Aasa nabi langkai mesabaako i tonga-tongato,” ka ”hawe Iramo Ue Ala kumita-kita ira bawaa-Do.”

I LUKASI 9:35

Ka terongeomo suara inso a laro nseru atuu, anu motae, ”Ndiomo Ana-Ku anu bininiki-Ku, imperorongeako-Nomo.”

I YOHANE 1:21

Ka do'amba mensikenoo, ”Tewala kanatuu, isemake omue? I Elia?” Ka isangki, ”Naahi!” ”Omueke nabi anu ta hawe?” ka isangki, ”Naahi!”

I YOHANE 1:25

Mpesikeno ira ndi onae, dompotae, ”Tembio ka upobaho, tewala omue komba i Mesia, komba i Elia, ka komba nabi anu ta hawe?”

I YOHANE 1:45

I Pilipu tepohaweakono i Natanae ka ipotaeakono, ”Kintepohaweako Iramo, anu pinauno i Musa a wunta Taura ka pinaudo nabi, onaemo Ondae i Yesu, anano i Yusupu inso i Nasare.”

I YOHANE 4:19

Motae beine atuu ndi Ondae, ”Ue, kanandio-andio mengkaa ndi ongkue, nine Omiu aasa nabi.

I YOHANE 6:29

Sumangki Ira i Yesu, ”Ndiomo anggaa anu inehe-Do Ue Ala, onaemo ka impe'ala-ala Ira anu tinena-Do Ue Ala.”

I YOHANE 9:17

Ka do'amba mpotaeakono mbo'u mia morawu atuu, ”Ka omue hapake potaemu mongkona Ondae, hangano Dowileakomumo matamu?” Sumangki mia atuu, ”Ondaemo aasa nabi.”

WINEWEUDO TINENA 7:37

I Musa koa mbo'u andio anu motaeako ira to Isaraeli: Aasa nabi kana ongkue andio Ira mokohinaakomiu Ue Ala inso i olodo pepaekompomiu.

Winali 34:10

Nami hina mbo'u nabi anu mentade i olodo to Isarali kana i Musa anu tino'ori-Do i Ue tepopo'aro rupa;

Winali 5:5

Kanandiomo i tempo atuu mentade aku i olono Ondae i Ue ka omiu ka mompauakomiu pau-Do i Ue, hangano imedoitoakono api ka omiu nahi mpewuatako a ntorukuno. Mepau Ira:

1 TIMOTIU 2:5

Hangano Ondae Ue Ala atuu Asa-asa-Do ka Asa-asa-Do koa mbo'u anu gagi po'oloti olo-Do Ue Ala ka mia, onaemo mia Ondae i Kerisituu Yesu,

1 YOHANE 3:23

Ka ndiomo parenta-Do atuu: ka tompe'ala-alao nee-Do i Yesu Kerisituu, Ana-Do, ka tomemambe pehohawa menunu saru parenta anu Doweeakita i Kerisituu.