Winali 18:10 - Wunta Mempori

¹⁰ Si hina maupo te'asa mia hinawe i olomiu anu mompesombaako anano tama ke beine gagi pesomba a laro api, ke asa mia anu gagi sando mpoto'ori, puu pompau anu ta gagi, puu mpopau ura ke rugino mia, mpebali-bali mata,

Winali 18:10 ပူးပေါင်းရင်းမြစ်များ

Tegagia 44:5

Kombake andio piala anu pinakedo ueku mo'inu ka anu wela pinakedo mompau anu ta gagi? Mosa'o ntu'u wineweumiu atuu!”

2 Mokole 16:3

Itondao sala ntumuwudo luwuno mokole i Isaraeli, tendeano ipesombaakono anano a laro api, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 17:15

Nahi domentarimao pompakosi ka pedandia-Do anu Dowutuomo saru uempu'udo, saru luwuno atora-Do anu Dopopoto'oriako iramo. Mpetonda ira a anu pinesombai susua anu nahina pengkonaano; mpelelu ira nahina pengkonaano tumondao luwuno tongku petengi-tengido, maupo Doparenta iramo i Ue kasi dompoweweu kanatuu.

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 21:6

Tendeano, ipesombaakono anano a laro api, mongkita anu nahi manasa ta gagi, mompau anu nahi manasa ta gagi, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

2 Mokole 23:24

I Yosia mokotampula ira puu pompoboi onitu ka luwuno anu mpongkita anu ta gagi, saru mbo'u tinaha terapimi, luwuno lahumoa ka luwuno pinesombai mokoburu anu tengkita i wita Yehuda ka i Yerusale, anu tinoono umihiio pauno songka Taura anu teburi a wunta hinaweno sando mpesomba Hilikia a raha-Do i Ue.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

2 Tawarika 28:3

Onae montunu mbo'u pesomba i Lebaki Beni-Hinomi ka montunu anano gagi pesomba a laro api, mengkena kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Peluarakoa 22:17

Tewala amano beine atuu mentee ntu'u nahi behe meweengakono anano ndi onae, asalakono kongko i'owahiakono doi menunu langkaino kowei da ana beine.”

Peluarakoa 22:18

”Asa mia beine pande sihiri si po'ineeo tuwu.

Yesaya 47:13

Omue molemakomo hangano hadiono patudu! Po'ineeomo dome'aiwa ka mengkaduduiko mia anu memparesao luwuno siuno langi, anu mpekokoongakono anano wula ka a sompo sabaano wula mempauo hapa anu ta gagi ndi omue!

Yeremia 27:10

Hangano ondae mpompau anu ta gagi nahi mentee ndi omiu ka imempinoko'olai inso i witamiu ka Kusiarawo komiu ka i'amba memate.

Yeremia 27:9

Gagi, siimo imperorongeako ira nabimiu, anu hadio tino'orino, puu mpo'ipi, anu mompau nahi manasa ta gagi, puu ponsihirimiu anu mpotae ndi omiu, ’Si mebehe mpetuundu ndi mokole i Babeli!’

Yeremia 32:35

Domewangu ira po'ianga pompesombaiado Baala i Lembono Beni-Hinomi, ka dompesombaakono anado tama ka beine ndi Moloki, maupo nahi Kuhori meparentaako ndi ondae. Ka mbo'u nahi hori hina i laro aroa-Ku ka dompoweweu mokoburua andio, ranta mokontehalao Yehuda.

Yeremia 7:31

Mpowangu iramo luwuno po'ianga pompesombaia meneeako Topeti i Lembono Beni-Hinomi pontunuado anado tama ka beine. Mongkona atuu nahi Kuhori meparentaako ka nahi hori hina a laro aroa-Ku.

Imama 19:26

Si mpongkaa hapa anu da hinao reano. Si mpoweweu pontasere ke mpopau anu ta gagi.

Imama 19:31

Si mpewolili a onituno mia mate ke a luwuno penaa anu mompau hapa anu ta gagi; si me'ungke ira kai megagi mokoburu hangano ondae. Ongkuemo Ue, Ue Alamiu.

Imama 20:6

Mia anu momperorohi a onituno mia mate ke a mia anu mompau anu ta gagi, monsosaboako pesikenono ndi ondae, Ongkue isa'a anu umaropio mia atuu ka mokotampulao inso i tonga-tongano tongkuno.

Mika 5:12

Aku mokotampulao luwuno tinaha pesombaamu ka luwuno tugu pelahumoamu inso ndi omiu. Omue nami komenggolontu mbo'u mesombaio wineweuno kaemu.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

WINEWEUDO TINENA 19:19

Hadio koa mbo'u i olodo, anu mehori ira ponsihiri, mepumpuo wuntado ka do'amba mentunuo i arodo mia hadio. Olino wunta atuudo tinasere lima pulu nsowu doi salaka.

WINEWEUDO TINENA 8:9

Asa mia anu meneeako i Simo anu inso i ndi'upua moweweu sihiri a ngkota atuu ka mokontengiri ira palilino Samaria, ka peleluno kana-kana onae asa mia anu tedoa kinere.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

Winali 12:31

Si mpoweweu kanatuu ndi Ondae i Ue, Ue Alamiu. Hangano, luwuno anu gagi mokoburu-Do i Ueka Do'o'aliaakono, onaemo wineweudo a anu pinesombaido. Tendeano anado tama ka beine domentunuo ia api tiano anu pinesombaido.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”

1 Samueli 28:3

Mateomo i Semueli ka luwudo to Isaraeli mensabangio ka domengkaburuo i Rama, a kotano. I Saulu umariomo sumaari ira luwuno mia mpopoboi onituno mia mate ka puu pongkita anu ta gagi inso i wita atuu.

1 Samueli 28:7

Motae i Saulu a luwuno tetenaano, ”Impo'ungkeakunemo asa beine puu pompoboi onituno mia mate. Aku mo'ema pontiso inso ndi onae.” Dompotaeakono tetenaano, ”Hinao asa beine puu pompoboi onituno mia mate i Eni-Dore.”

1 Samueli 28:8

I Saulu mo'onde-onde kana komba onae, mompokona sangka susua. Mansano wongi lumakoomo saru orua mia walino tepohaweakono beine atuu. Motae i Saulu, ”Pongkitaakunemo hapa anu ta gagi molalo onituno mia mate, poboiakunemo isema anu aku pauakomu.”

1 Samueli 28:9

Sine ipotae beine atuu ndi onae, ”Manasa komiu tumo'orio hapa anu wineweunomo i Saulu; ipokoropu iramo luwu puu pompoboi onituno mia mate ka puu pongkita anu ta gagi inso i wita andio. Tembio ka komiu sumolangi aku ka mepate aku?”