Winali 17:9 - Wunta Mempori

⁹ Asalakono imelako ndi ondae luwuno sando mpesomba, to lewi atuu, ka ndi puu mpobitara anu kongko i tempo atuu. Asalakono impesikeno ka ira mempauakomiu pomputusino songka.

Winali 17:9 ပူးပေါင်းရင်းမြစ်များ

1 Tawarika 26:29

Inso a nto Yisihari, onaemo i Kenanya ka luwuno anano anu mpo'angga a nsusuano a nto Isaraeli, gagi puu mpo'angga ka puu mpobitara.

Peluarakoa 18:16

Tewala hinao kara-kara i olodo, me'aiwa ira ndi ongkue ka ongkue bitarao kara-kara i olodo anu asa mia ka anu susua, ongkue koa mbo'u pauako ira luwuno pompakosi ka songka-Do Ue Ala.”

Peluarakoa 22:8

Tewala mia monako atuu nahi hinawe, umbu raha atuu asalakono lumako me'aro ndi Ondae Ue Ala ka mokomengkaao nine nahi leluo kaeno umalao arataano walino.

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yehesikieli 44:24

I larono asa kara-kara ondae asalakono domegagi puu mpobitara ka mpobitara montonda luwuno atora-Ku. Ondae asalakono mpe'ini a luwuno songka ka pompakosi-Ku a luwuno oleo langkai-Ku ka mpokomemporio oleo Saba-Ku.

Hagai 2:11

A ntanggala rua pulu ka opaa wula ko'osio, ta'u anu ko'orua poparentaano i Dariusu, haweomo pau-Do i Ue ndi nabi Hagai, kanandio,

Sakaria 3:7

”Kanandiomo pau-Do Ueno luwuakoano: Tewala omue tuwu montonda sala-Ku ka weweuo anggaa anu Kuweeakomu, omue komoparenta raha-Ku ka mekario kintala-Ku ka Aku moweeakomu po'ianga i olodo anu mpopekakaako i ndi'ai.

Sakaria 7:3

ka dompesikenoakono a luwuno sando mpesombano raha-Do Ueno luwuakoano ka a luwuno nabi, kanandio, ”Asalakonoke ka kimpengese ka mpomalia a wula ko'olima kana anu kimeweweuomo i larono mapata'u-ta'u?”

Maleaki 2:7

Hangano wiwino asa sando mpesomba mekariao ponto'ori ka mia mo'ungke pompaguru inso a ngangano, hangano onaemo tinena-Do Ueno luwuakoano.

Winali 16:18

Luwuno puu mpobitara ka luwuno anu mpo'angga ndi ondae, asalakono potoro ira i luwuno kota anu Doweeakomiu i Ue, Ue Alamiu, montonda luwuno sukudo. Ondae asalakono mpopau kara-karado tongku atuu saru pomputusi anu mentee.

Winali 17:10

Ka i'amba omiu asalakono meweweuo montonda pinutusi anu pinaudo ndi omiu inso a mpo'ianga anu Ira binikio i Ue. Asalakono impetenunu meweweuo luwuno anu dotisoakomiu.

Winali 21:5

Luwuno sando mpesomba inuleno to Lewi, asalakono aiwa merangkuhio, hangano ondaemo anu bininiki-Do i Ue, Ue Alamiu, anu mekakaako Ira ka mompowee ronso a nee-Do i Ue. Montonda pomputusidomo sompo kara-kara bela-mobelai, kai pinoko'umari.

Winali 25:1

Tewala hinao pe'u'uaa i olono ba opia mia, ka domelako a pompaua kara-kara, ka pinau kara-karado kai pinutusi isema anu mentee ka isema anu sala.

Winali 33:10

Dopaguruako ira atora-Miu ndi Yako, songka-Miu a nto Isaraeli; mponaa ira pesomba anu mana mo'ahii aro-Miu ka pesomba anu tinunu luwu i wawono meda pontunua pesomba ndi Omiu.