Winali 17:20 - Wunta Mempori

²⁰ Bakanatuu, nahi ta mompelangka-langkai a luwuno pepaekompono ke pansia inso a parenta atuu i koana ke i manggali, kai tehine ipoparenta, onae, ka anano saru ana'ueno i tonga-tongado to Isaraeli.

Winali 17:20 ပူးပေါင်းရင်းမြစ်များ

2 Samueli 22:23

Hangano luwuno songka-Do kutondao, ka inso a pompakosi-Do nahi kupansia.

1 Mokole 11:34

Nahi Aku umalao luwu poparentaa atuu inso a ngkaeno, sine onae pinokogagi mpiha mokole asa ntinuwuno hangano i Daudi tetenaa-Ku anu Kubinikiomo ka anu tumondao luwuno parenta ka pompakosi-Ku.

1 Mokole 11:36

Ndi anano Aku weeakono asa suku, kaihina mpiha inuleno tetenaa-Ku i Daudi i aro-Ku i Yerusale, kota anu Kubinikio kai po'ia nee-Ku i ra'ai.

1 Mokole 15:3

I Abiama tuwu a laro luwuakoano hala anu wineweuno amano se'eluno napi onae. Onae, nahi buke aroano momperorohi ndi Ondae i Ue, Ue Alano, kana i Daudi, ama mpu'uno

1 Mokole 15:5

Hangano i Daudi moweweu anu mentee a pongkita-Do i Ue ka nahi pansia inso a luwuno anu Doparentaakono i Ue asa ntinuwuno, sangkadio mongkona i Uria, to Heti atuu.

1 Mokole 2:3

Petenunumo weweuo songka-Do i Ue, Ue Alamu, ka tuwu tumodao sala-Do, ka pekariao luwuno pinakosi, parenta, ka atora-Do, kana anu teburi a songkano i Musa. Ba kanandio, kome'ura a laro luwuakoano anu wineweumu ba isuamokoa ulako,

2 Mokole 10:30

Mepau Iramo i Ue ndi Yehu, ”Hangano moikoomo uweweuo hapa anu mentee a pongkita-Ku, ka uweweuomo a nsomborino i Ahabi kona ntu'u kana anu ineheno aroa-Ku, ranta luwuno anamu ira mpentoro a ngkadera poparentaa i Isaraeli hawe a inulemu ko'opaa.”

2 Mokole 14:10

Omue lano unangiomo Edomi, onaemo kau pompelangka-langkai. Po'undeakonomo ponangimu ka po'iamo i rahamu. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

2 Tawarika 25:19

Pinewowolomu, omue lano unangiomo Edomi, onaemo kau pompelangka-langkai kau pohawe pompelangkai. Kanandio-andio, po'iamo koa i raha. Tembio kau po'ungke-ungkeako masolaa, ranta kau tedonta ka Yehuda tedonta mbo'u saru omue?”

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

2 Tawarika 33:12

A laro tepakadano, onae merokuhi mokomolusao aroa-Do i Ue, Ue Alano. Onae tedoa me'urumako i aro-Do Ue Alado uempu'uno,

2 Tawarika 33:19

Pekakaino ka sangkino pekakaino, luwuno hala ka nahi petenununo, luwuno po'ianga pesombaa anu umari winanguno saru luwuno karuno lahumoa ka luwuno tinaha anu pinontadeno i ra'ai, se'eluno ipe'urumako, menteeano luwuno atuu teburi a laro nteweweudo puu mpongkita.

2 Tawarika 33:23

Sine onae nahi pe'urumako i aro-Do i Ue kana i Manase, amano me'urumako. Tendeano i Amoni laluaopo mbo'u hadio salano.

2 Tawarika 34:27

hangano omue me'o'ole ka me'urumako i aro-Do Ue Ala i tempono urongeo pau-Do te'aro a mpo'ianga andio ka palilino, ka hangano me'urumakokomo i aro-Ku, berio sangkamu ka mengese i aro-Ku, onaemo ka Kurongeo, kanandiomo pau-Do i Ue,

Po'unde-unde 119:102

Nahi kupansia inso a luwuno songka-Miu, hangano Omiumo anu paguru aku.

Po'unde-unde 132:12

tewala luwuno anamu mpe'ini a mpedandia-Ku, ka a luwuno atora-Ku anu Kupaguruako ira, asalakono luwuno anado ranta nahina tampulaano ira mpentoro a wawo ngkadera poparentaamu.”

Po'unde-unde 19:11

masuliopo olino sekono wulaa, sekono maupo hadio wulaa mpena; ka mo'ahiopo sekono siu hoani, maupo sekono siu hoani iiti inso a inenano hoani.

Powadi 10:27

Doitoako Ira i Ue mompokomelai tinuwu, sine luwuno ta'uno mia mosa'o gauno pinoko'owowa.

Powadi 27:24

Hangano, arataa nahi ta mo'ia mpiha ka ramba-ramba ulu nahi ta mapa'api-api inule.

Puu Pontutulu 8:13

Sine mia mosa'o gauno nahi ta moiko tuwuno ka kana eo-eo nahi ta tehine ituwu, hangano nahi doitoakono maramba-Do Ue Ala.

Yesaya 2:12

Hangano Ondae Ueno luwuakoano pakosio asa oleo umewaio luwuno anu mompelangka-langkai umewaio anu tumandeo koroino; – luwuno ta pine'uru-uru –

Habaku 2:4

Menteeano, mia anu mompelang-langkai nahi moleo aroano, sine mia anu mentee ta tuwu hangano pompe'ala-ala.

2 KORINTI 12:7

Ka si kupompelangka-langkai hangano luwuno pepokomengkaa anu tedoa kinohali-haliako atuu, ka ongkue pinoweeako aasa rui a laro ihiku, onaemo asa mia tinenano i Mosa'o ka itidu aku meroku, ka si kupompelangka-langkai.

Winali 12:25

Si mengkaano, kai moiko tumuwumiu ka inulemiu lembunino, hangano mpoweweu komiu hapa anu mentee a pongkita-Do i Ue.

Winali 12:28

Imperorongeakonomo temoiko luwuno anu kuparentaakomiu, kai moiko tumuwumiu ka inulemiu lembuino ranta nahina tampulaano, ba mpoweweu komiu anu moiko ka mentee a pongkita-Do i Ue, Ue Alamiu.”

Winali 12:32

Luwuakoano anu kuparentaa komiu asalakono impetenunu meweweuo, si mentiangio ke mengkurangio.

Winali 17:11

Montonda pontiso anu doweeakomiu ka montonda pinutusi anu pinaudo ndi omiu, asalakono imeweweuo. Si mepansia i koana ke i manggali inso a pinutusi anu pinaudo ndi omiu.

Winali 4:2

Si mentiangio hapa anu kuparentaa komiu ka si mengkurangio, tendeano impe'inimo a luwuno parenta-Do i Ue, Ue Alamiu, anu kupohaweakomiu.

Winali 5:32

Gagi, Impetenunumo meweweuo luwuno atuu, kana anu Doparentaa komiu i Ue, Ue Alamiu. Si mepansia i koana ke i manggali.

Winali 8:2

Impewowoloo koa luwuno pelempaa anu tinondamiu a mpo'ehe-Do i Ue, Ue Alamiu i pada one i larono pato pulu nta'u andio. Tinoo-Do weweukomiu mpe'urumako ka umara-arahako komiu ka Doto'orio hapa anu kongko i laro aroamiu, ba mpe'ini komiu koa a parenta-Do ke naahi.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

1 Samueli 10:25

I Semueli pauako ira tongku atuu luwuno tiano poparentaa. Ka i'amba burio a wunta ka inaao i aro-Do i Ue. Umarino atuu itena iramo i Semueli tongku atuu ka dompekule sompo-sompo mia i rahado.

1 Samueli 15:23

Mo'ewai songka mengkena halano kana mia puu mpososa'ori. Nahi pomperorongeako mengkena kana mosaono mia mpelahumoa. Hangano omue umewaiomo pau-Do i Ue, omue nami Dotarimako mbo'u gagi mokole.”