Winali 17:16 - Wunta Mempori

¹⁶ Polomokoa, mokole atuu si pokohadioo ngarano ka siwawa ira tongku andio mpekule i wita Masiri kai pohawe hadio ngara, hangano mepau Iramo i Ue ndi omiu, ”Osi'i ntu'u impekule lumaloo mbo'u sala andio.”

Winali 17:16 ပူးပေါင်းရင်းမြစ်များ

2 Samueli 8:4

Inso ndi Hadadeseri, i Daudi montawa asa nsowu ka pitu etu sorodadu mpengara ka rua pulu nsowu sorodadu mpelempa ngkaru. Ka i'amba i Daudi tumena ira mentotopio ia wenggo-wenggono luwuno ngara pompae kareta, sine pinetorea asa etu.

1 Mokole 1:5

I Adonia, anano i Hagi mompelangka-langkai ka ipotae, ”Ongkue anu ta gagi mokole.” Ipatindao hadio kareta ka sorodadu anu mpengara saru lima pulu mia anu mpelulu i arono.

1 Mokole 4:26

I Salomo mbo'u hinao pato pulu nsowu walaka ngarano tiano luwuno karetano ka hopulu ka orua nsowu sorodadu mpengara.

1 Mokole 5:6

Onaemo pu'uno, parenta iramo mia mpotuehiakune keu arasi inso i torukuno Libano ka luwuno ataku mpokowali ira atamiu. Tambodo atamiu aku umowahio ndi omiu, maupo te'opia ipo'ema, hangano ito'orio, nine i olomami nahina maupo te'asa mia anu monto'ori montuehi keu kana to Sidoni.”

2 Tawarika 1:16

Ngara tiano i Salomo winawa inso i Misiraimi ka Kewe. Luwuno puu mpebalu-baludo mokole me'olio inso i Kewe montonda pe'olia.

2 Tawarika 9:25

I Salomo hinao pato nsowu wala mpinotuwu po'iangano ngara ka luwuno kareta, saru hopulu ka orua nsowu sorodadu mpengara anu inaa ira a luwuno kota ponaapa kareta ka umpeda mokole i Yerusale.

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Peluarakoa 13:17

Mansano ipo'inee iramo i Pirao to Isaraeli atuu melako, Ondae Ue Ala, tumaate ira nahi dontelalo i witado to Pelisiti, bakanaano sala andio umpedaopo; sine pau-Do i Ue Ala, ”Kasi dompe'o'ole tongku atuu, ka dompepokule i wita Masiri hangano dompo'aropi peteaa.”

Peluarakoa 13:18

Sine Ondae Ue Ala tumaate ira tongku atuu mpetanggolili telalo i pada one tetutu i Tahi Teberau. Te'atora moiko baresido, to Isaraeli mpelungka inso i wita Masiri.

Peluarakoa 14:13

Sine ipotaeako ira i Musa to Isaraeli atuu, ”Si medoito, ikongko memoroso, komiumo mengkitao pongkadudui-Do i Ue anu Ira weeakomiu oleo andio; nde to Masiri anu kinitamiu oleo andio, nami komiu hori kumita ira mbo'u.

Yesaya 2:7

Witano buke wulaa ka salaka, nahi tetidahi arataano; witano buke ngara, nahi tetidahi hadiono karetano.

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Yehesikieli 17:15

Sine, mia atuu umewa ndi onae saru montena mia lumako i Masiri ka ipinoweeako ngara ka sorodadu anu langkai. Nde ta mehasilike onae? Nde ta mokotolake mia moweweu kanatuu? Nde ta mokotolake mia anu mohapu pedandia?

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Mika 5:10

Aku mokotampulao luwuno kota i witamu ka humoao luwuno bentemu.

Winali 28:68

Ondae i Ue Ira wawa komiu mpekapala mpekule i wita Masiri, telalo a nsala anu Kupauomo ndi omiu, ”Nahi komiu mengkitao mbo'u.” I ra'ai komiu me'asao koroimiu a iwalimiu gagi ata ntama ka beine, sine nahina anu mo'oli.

1 Samueli 8:11

ipotae, ”Andio pabawano mokole anu ta moparenta ndi omiu. Onae ta umala ira anamiu anu tama gagi sorodadu a ngkareta mpe'iwali, sorodadu mpengara, ke anu mpelulu i arono karetano.