Winali 17:14 - Wunta Mempori

¹⁴ Tewala mpewinso komiu ia wita anu Doweeakomiu i Ue, Ue Alamiu, ka impentorokio, saru mpo'ia i ra'ai, ka i'amba mpotae, ”Aku mompotoro mokoleku, kana luwuno tongku petengi-tengiku,”

Winali 17:14 ပူးပေါင်းရင်းမြစ်များ

Imama 14:34

”Tewala mpewinso komiu i wita Kana'a anu Aku weeakomiu gagi pe'ueamiu ka mompotii Aku petondoni haki mesaki i asa raha i wita tiamiu atuu,

Podoaa 33:53

Asalakono impetorokio wita atuu ka mpo'ia i ra'ai, hangano ndi omiumo Kupeweengakono wita atuu ka impetorokio.

Winali 11:31

Hangano omiu andio nami ta tehine komiu mensakio koro Yarade kai mpewinsokio ka mpetorokio wita anu Doweeakomiu i Ue, Ue Alamiu. Ka tewala komiu mpetorokio ka mpo'iangario,

Winali 18:9

Tewala mpewinso komiumo a wita anu Doweeakomiu i Ue, Ue Alamiu, si mpepaguru mpoweweu anu mokoburu kana anu wineweudo luwuno tongku atuu.

Winali 26:1

Tewala mewinsokomo a wita anu Doweeakomu i Ue, Ue Alamu, gagi tia pusakamu, ka upentorokio ka mo'ia i ra'ai,

Winali 26:9

Dowawa kami a mpo'ianga andio, ka Doweeakami wita andio, asa wita anu hadio ntu'u susu ka siu hoanino.

Winali 7:1

Ondae i Ue, Ue Alamiu, Ira wawa komiu a wita, ba isua impewinso kai mpetorokio, ka Ira sumaario inso i aromiu hadio tongku: to Heti, to Girigasi, to Amori, to Kana'a, to Peresi, to Hewi, ka to Yebusi, opitu tongku anu lalu hadio ka moroso irapo sekono omiu.

Yosua 1:13

”Impewowoloo pe'oliwino i Musa tinena-Do i Ue atuu, ndi omiu kanandio: Ondae i Ue, Ue Alamu Ira weeakomiu rodoa ka inia andio;

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.

1 Samueli 10:19

Sine kanandio-andio nahi impe'ala-ala Ira Ue Alamiu anu kumadudui komiu inso a luwuakoano masolaa ka masusaamiu, ka impotaeako Ira, ’Ipotoroa kami asa mokole.’ Gagi kanandio, impentademo i aro-Do i Ue montonda suku ka pepe'etuamiu.”

1 Samueli 10:25

I Semueli pauako ira tongku atuu luwuno tiano poparentaa. Ka i'amba burio a wunta ka inaao i aro-Do i Ue. Umarino atuu itena iramo i Semueli tongku atuu ka dompekule sompo-sompo mia i rahado.

1 Samueli 12:19

Luwuno tongku atuu mpotaeakono i Semueli, ”Ipekakaia kami luwuno tetenaamiu andio ndi Ondae i Ue, Ue Alamiu, kasi kimemate nde hangano mpo'ema kami mokole mami, kimentiangiakonomo wineweu mosa'o andio hala mami.”

1 Samueli 16:3

Oluo i Isai a mpoweweua gau mpesomba atuu. Aku koa pauakomu hapa anu ta wineweumu. Mia anu kupauakomu, onae anu ko'umurapio.”

1 Samueli 8:11

ipotae, ”Andio pabawano mokole anu ta moparenta ndi omiu. Onae ta umala ira anamiu anu tama gagi sorodadu a ngkareta mpe'iwali, sorodadu mpengara, ke anu mpelulu i arono karetano.