Winali 17:12 - Wunta Mempori

¹² Mia anu kowee-wee ka nahi perorongeakono pauno sando mpesomba anu mentade i ra'ai gagi puu mpopekakaako-Do i Ue, Ue Alamiu, ke maupo pauno puu mpobitara, manasa mia atuu mate. Kanatuumo asalakono impokotampulao anu mosa'o inso i Isaraeli.

Winali 17:12 ပူးပေါင်းရင်းမြစ်များ

Esera 10:8

Isemamo koa anu nahi hawe i larono otolu oleo, asalakono montonda pomputusido luwuno petewawa ka mia pinemota'u, luwuno arataano ta inala ka ta pinonsia inso a bawaa anu mpekule inso a mpo'ianga domentinadi.

Po'unde-unde 19:13

Isemake anu mokonto'orio sala peleluno onaeno? Ipotola akumo inso a hapa anu nahi kupokonto'orio.

Powadi 21:11

Tewala anu mompasinggiri hinuku, mia anu napi hina pinembasaino gagi pande mosongka, ka tewala mia pande mosongka pinoweeako pompaguru, onae ta mohawe ponto'ori.

Hosea 4:4

Sine, si hina mia motuntu, kasihina mia mekara-kara, hangano tongkumu gagi tumuntuko, hei sando mpesomba!

Sakaria 3:7

”Kanandiomo pau-Do Ueno luwuakoano: Tewala omue tuwu montonda sala-Ku ka weweuo anggaa anu Kuweeakomu, omue komoparenta raha-Ku ka mekario kintala-Ku ka Aku moweeakomu po'ianga i olodo anu mpopekakaako i ndi'ai.

Podoaa 15:30

Sine mia anu me'inungako moweweu, moiko lano mia i tu'ai maupo mia hawe, mia atuu mepaukiako Ira i Ue, onae asalakono pinokotampula inso i tonga-tongano tongkuno,

Podoaa 15:31

hangano imentatao pau-Do i Ue ka umewaio parenta-Do. Mia atuu asalakono pinokotampula, salano asalakono pinopotembiako ndi onae.”

I MATIU 10:14

Ka tewala asa mia nahi tarima komiu ka nahi perorongeakono pinaumiu, impeluarakomo ka bintao raha ke kota atuu ka imetantamio pampawu inso a mpele ngkarumiu.

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

I YOHANE 20:23

Tewala ime'ampunio halano mia, halano inampuni, ka tewala impotaeakono mia halano mo'ia mpiha, halano mo'ia mpiha.”

1 KORINTI 5:13

Ondae anu komba bawaa Ondae Ue Ala anu bitara ira. Imensaari ira mia anu mpoweweu mosa'o i olomiu.

Winali 1:43

Gagi, mepau aku ndi omiu, sine nahi mperorongeakono. Ime'ewaio parenta-Do i Ue. Memosia komiu lahi melako nte'aro i mentorukuno.

Winali 10:8

I tempo atuu Ondae i Ue mesusua ira suku Lewi anu mewawao burua pedandia-Do i Ue, ka dompo'angga mekakaako Ira i Ue ka domporonso a nee-Do, hawe kanandio-andio.

Winali 13:11

Onaemo iramo merongeo luwuno to Isaraeli ka dogagi medoito, ranta nahi ira mpoweweu mbo'u wineweu mosa'o kanatuu i tonga-tongamiu.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 17:13

Ka luwuno tongku atuu ira merongeo ka gagi medoito ka nahi ira mengkowee-wee mbo'u.

Winali 17:7

Kaedomo luwuno sakosii atuu anu amba-ambano humuku mateo, domentondao luwuno palili. Kanatuumo asalakono impokotampulao anu mosa'o inso i olomiu.”

Winali 18:20

Sine asa nabi anu kowee-wee mompohawe a nee-Ku, pau anu nahi Kuparentaakono kai pohaweo, ke anu mepau a neeno anu pinesombai susua, nabi atuu asalakono mate.”

Winali 18:5

Hangano onaemo anu bininiki-Do i Ue, Ue Alamiu inso a luwuno sukumiu, kai pentade mompekakaako a nee-Do i Ue, onae ka anano saru ana'ueno ranta nahina tampulaano.

Winali 18:7

moiko ipompekakaako a nee-Do i Ue, Ue Alano, mengkena kana luwuno pepaekompono, to Lewi, anu mpentade i ra'ai i aro-Do i Ue.

1 TESALONIKA 4:2

Imento'orio koa mbo'u luwuno pontiso isua anu kimewee komiumo a nee-Do Ue Yesu.

1 TESALONIKA 4:8

Onaemo pu'uno isema anu nahi tarimao andio komba mia anu nahi tarimao, tendeano nahi tarima Ira Ue Ala anu moweeakomiumo mbo'u Penaa-Do anu mempori.

1 TIMOTIU 5:20

Ondae anu mpoweweu hala asalakono kuahako ira i arodo luwuno mia ka domedoito koa anu susua.

Yosua 1:18

Isemamokoa anu umewaio petenamiu ka nahi perorongeakono paumiu, hapamokoa itenaakono, ta hinuku mate. Butu, peteao ka pokorosoo aroamu!”

Puu Mpobitara 20:13

Kanandio-andio impeweengakonomo luwuno mia atuu, onaemo mia anu memosa'o gauno i Gibea, ka kami mpepate ira, nde ba kanandio kita umoninio hapa anu mosa'o i olodo to Isaraeli.” Sine inuleno i Benami nahi domebehe mperorongeakono hapa anu pinaudo pepaekompodo, to Isaraeli.

1 Samueli 3:13

Umariomo Kupauakono nine Aku humuku ira inuleno ranta nahina tampulaano, hangano pe'ewado ka pompe'uru-urudo anano ndi Ondae Ue Ala anu ito'orio koa sine nahi poko'onto ira.