Winali 17:1 - Wunta Mempori

¹ ”Si mpesombaakono ndi Ondae i Ue, Ue Alamiu, sapi ke bimba anu hinao tataano, ke maupo hapa anu nahi moiko. Hangano anu kanatuu onaemo mokoburu-Do i Ue, Ue Alamiu.”

Winali 17:1 ပူးပေါင်းရင်းမြစ်များ

Tegagia 41:19

Ka i'amba tengkitaomo meluarako opitu sapi anu susua, kulimo koa montongo wuku, tedoa mosa'o tadeno ka morungku koroino. Nahi kuhori mongkita anu mosa'o kanatuu i asa wawo wita Masiri.

Peluarakoa 12:5

Moiko impo'ala ana bimba ke bembe, sine asalakono anu nahina tataano, lakino, metinuwu asa nta'u.

Powadi 11:1

Pontimba anu ahi mentee mokoburu-Do i Ue, sine Dopemoikoo watu pontimba anu koona ntu'u.

Powadi 15:8

Pesombano mia mosa'o gauno mokoburu-Do i Ue, sine pekakaino mia moleo inehe-Do.

Powadi 20:10

Orua rupa watu pontimba, orua rupa ponsa'u, oruano Domokoburuakono i Ue.

Powadi 6:16

Onoo rupa wineweu andio anu o'alia-Do i Ue, tendeano opitu rupa wineweu anu mokoburu-Do:

Imama 1:3

Tewala pesombano anu tinunu inso a nsapi, asalakono ipesombaakono anu lakino ka nahina tataano. Asalakono iwawao a mpewowano Kema Tepotowoa, kai moiko i aro-Do i Ue.

Maleaki 1:8

Tewala mpowawa komiu asa kondehora anu morawu ta pinesombaako, kombake atuu mosa'o? Tewala mpowawa komiu kondehora anu tiimpa karu ka mahaki, kombake atuu mosa'o? Po'arahako wawao atuu a anu pabawa i witamiu, nde ta tumarima komiu, ke moiko itotowokomiu? pau-Do Ueno luwuakoano.

Podoaa 29:8

Asalakono impopesombaako pesomba tinunu ndi Ondae i Ue, gagi woo anu mompokomawongko, onaemo asa sapi lakino mongura, asa bimba lakino ka opitu bimba lakino anu tinuwuno asa nta'u; asalakono impo'ala anu nahina tataano;

Winali 15:21

Sine tewala hinao tataano, tewala tiimpa karu ke morawu, tendeano maupo hapa tataano anu nahi moiko, si mensumbeleo tia-Do i Ue, Ue Alamiu.

Winali 23:18

Sipowawa doi tambo pebelesua beine ke po'owahi pebelesua tama ia raha-Do i Ue, Ue Alamu, gagi po'ihii asa pontanga, hangano oruano atuu mokoburu-Do i Ue, Ue Alamu.

Winali 24:4

tamano anu amba-ambano, anu umari tumenao lumako atuu, nahi bisa i'alao mbo'u gagi kombiano, umarino sumosa'aio beine atuu. Hangano anu kanatuu mokoburu i aro-Do i Ue. Sipoweweuakono hala a wita anu Doweeakomu i Ue, Ue Alamu, gagi tia pusakamu.

Winali 25:16

Hangano sompo mia anu moweweu kanatuu, anu moweweu molengku, mokoburu-Do i Ue, Ue Alamu.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

IBARANI 9:14

lalua ntu'u rea-Do i Kerisituu, anu hangano Penaa anu nahina tampulaano Dopesombaakonomo koroi-Do Ondae-Do ndi Ondae Ue Ala gagi pesomba anu nahina tataano, Ira mokomeporio laro aroato inso a luwuno wineweu anu nahina tuduno, ka tompokompesomba ndi Ondae Ue Ala anu tuwu.

1 PETURU 1:19

tendeano saru rea anu masuli olino, onaemo rea-Do i Kerisituu anu mengkena kana reano ana bimba anu nahi mokoburu ka nahina tataano.