Winali 16:19 - Wunta Mempori

¹⁹ Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

Winali 16:19 ပူးပေါင်းရင်းမြစ်များ

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Peluarakoa 23:2

Omue si tonda-tonda ira mia hadio mpoweweu mosa'o, ka tewala gagi sakosii mongkona asa kara-kara, si tonda-tonda ira mia hadio mpopelengkuako songka.

Peluarakoa 23:3

Maupo a mia mongkokolaro, si po'alaako a laro kara-karano.

Powadi 15:27

Isema modokoako me'uraa wongi-wongi, mokomarisuo somborino, sine isema umo'aliaakono pompowee nahi pototono ta tuwu.

Powadi 17:23

Mia mosa'o gauno menoro-noro montarima pompowee nahi pototono ka ipelengkuakono pesalaano songka.

Powadi 18:5

Nahi moiko me'alaako a mia mosa'o gauno ka mia mentee nahi tinarima a mpebitaraa.

Powadi 24:23

Tudano mbo'u andio luwuno powadino mia pande mosongka. Mobini-biniki a laro mpebitaraa nahi moiko.

Powadi 24:28

Si gagi sakosii a mpe'asa miamu nahina pu'uno, ka mompopo'ooako wiwimu.

Powadi 31:5

ka si mansa hangano inua ikolupeo hapa anu pinakosiomo, ka melengkuakono tiado mia anu ntepokonsii.

Puu Pontutulu 7:7

Mentee ntu'u, morontu doi mokobenge-bengeo mia monto'ori, ka doi pompowee nahi pototono monsolangi aroa.

Yesaya 1:17

impepagurumo mpoweweu moiko; teahakonomo moleoa, pabawai iramo mia lambaha; weeako iramo tiado nana'ote nahina amado, teahakonomo kara-karado tuwu beine!

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 33:15

Mia anu tuwu a laro menteea, anu mepau a menteeano, anu nahi pontarima untu hasilino pompokonsiia, anu metapisakono kaeno, ka si pontarima pompowee nahi pototono, anu umonsoo birino, ka si rongeo tinoo po'uwua rea, anu mepusu, ka si kitao wineweu mosa'o,

Yeremia 5:28

gagi mewalo ka tekosi. Susuaano atuu dompo'ineeo poweweu anu mosa'o, nahi domperioo songka, nahi dompokonangio kara-karano nana'ote nahina amano, ka tiano mia mongkokolaro nahi dokorahakono.

Yehesikieli 18:8

nahi pompowee saru mo'ema bungano doi ke mo'ala tiangino, moko'olaio koroino inso a molengkua, weweuo songka anu mentee i olono mia saru mia,

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Imama 19:15

Si memolengku a mpopaua kara-kara: si mpo'alaako mia mongkokolaro ke mentondao po'ehedo mia langkai potorono, sine asalakono impopau mentee kara-karado pe'asa miamiu.

Mika 7:3

Kaedo pande ntu'u mpoweweu mosa'o; petewawa motuntu tambo, puu mpobitara montarima pompowee nahi pototo; Anu langkai potorono mompowee pomputusi po'eheno aroano, ka luwuno domemposuleo!

Habaku 1:4

Onaemo pu'uno songka nami tinudu ka moleoa nahi tineahako, hangano mia anu nahi perio Ira i Ue kumadu ira mia mentee. Onaemo pu'uno moleoa pinoposule-sule.

WINEWEUDO TINENA 10:34

Ka i'amba mompu'uomo i Peturu mepau, ipotae, ”Menteeano kupokonto'oriomo, nine Ondae Ue Ala nahi Dopobibiniki mia.

WINEWEUDO TINENA 16:37

Sine ipotaeako ira i Paulu mia atuudo, ”Omami to Roma nahi domensikeno kami domensepi kamimo, ka do'amba mpetendeakami a laro torungku. Kanandio-andio ira meluarako kami mpenoro-noro? Si kanatuu! Po'ineeomo ka dome'aiwa ondaedo ka dowawa kami meluarako.”

WINEWEUDO TINENA 23:3

Sumuloo atuu i Paulu motaeakono, ”Ondae Ue Ala Ira tumopasiko, hei rere watu anu kinapuru mopute! Omue mentoro i ndi'ai bitara aku montonda songka Taura, sine omue molalo songka Taura hangano parentamu tumopasi aku.”

Winali 10:17

Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.

Winali 16:18

Luwuno puu mpobitara ka luwuno anu mpo'angga ndi ondae, asalakono potoro ira i luwuno kota anu Doweeakomiu i Ue, Ue Alamiu, montonda luwuno sukudo. Ondae asalakono mpopau kara-karado tongku atuu saru pomputusi anu mentee.

Winali 24:17

Sirontuo tiano mia hawe ka nana'ote nahina amano. Si alao mbo'u sangkano asa mia tuwu beine gagi pegade.

Winali 27:19

’Tetotonaaomo mia anu morontu tiano mia hawe, nana'ote nahina amano, ka tuwu beine.’ Luwuno tongku atuu asalakono mpotae, ’Ami!’

Winali 27:25

’Tetotonaaomo mia anu montarima pompowee nahi moleo ta mompepate mia anu nahina salano.’ Luwuno tongku atuu asalakono mpotae, ’Ami!’

1 Samueli 12:3

I ndi'ai mentade aku. Tewala hinao salaku ndi omiu imempauomo i aro-Do i Ue ka i arono mia anu bininiki-Do. Ba hinao sapimiu inalaku, ke kalideno isema inalaku, ke isema pinokonsiiku, ke isema pino'emaiku, ke a ngkaeno isema kupontarima pompowee nahi moleo? Aku mokuleakomiu.”

1 Samueli 8:1

Mansano mota'uomo i Semueli, ipotoro ira anano anu tama gagi puu mpobitara a nto Isaraeli.

1 Samueli 8:3

Sine orua ira anano atuu nahi dotondao peleluno amado. Montarima ira pompowee anu nahi moleo ka dowoliliki ira kara-kara, anu sala pinokomentee ka anu mentee pinokonsala.