Winali 16:16 - Wunta Mempori

¹⁶ Pentolu asa nta'u luwuno tama i olomiu asalakono mesomba i aro-Do i Ue, Ue Alamiu, a mpo'ianga anu Ira binikio, onaemo a oleo langkai Roti Nahi Peragi, oleo langkai Opitu Minggu ka oleo langkai Laika Lewe ngkeu. Si dompesomba i aro-Do i Ue butu moa ngkae,

Winali 16:16 ပူးပေါင်းရင်းမြစ်များ

1 Mokole 9:25

Pentolu asa nta'u i Salomo mompesombaako pesomba tinunu ka pesomba tekaduduia a wawo meda pontunua pesomba anu winanguno tia-Do i Ue, saru mompesombaako pesomba dupa i aro-Do i Ue. Kanandiomo ipoko'umario raha atuu.

2 Tawarika 8:13

menunu saru hapa anu pinakosi gagi pesomba a sompo oleo, montonda parentano i Musa, onaemo ia oleo Saba, ia wula wo'ohu, ka pentolu asa nta'u a luwuno oleo langkai andio: oleo langkai Roti Nahi Peragi, oleo langkai Opitu Minggu, ka oleo langkai Laika Lewe Ngkeu.

Esera 3:1

Mansano hawe wula ko'opitu, to Isaraeli mpo'ia iramo a luwuno kotado, liu ira ntepumpu luwu i Yerusale.

Nehemia 8:15

Ihaweo teburi a songka anu pinowee-Do i Ue molalo i Musa, nine to Isaraeli asalakono ka dompo'ia a laro luwuno laika a oleo langkai wula ko'opitu,

Po'unde-unde 122:4

I ra'ai luwuno suku dompekoho, luwuno suku-Do i Ue, ka dompontarimakasi a nee-Do i Ue menunu saru atorado to Isaraeli.

Po'unde-unde 84:7

Tewala melaloo Lembono Baka, domeweweuo gagi po'ianga anu memata uwoi; oo, usa pompu'uano tempo tumutuwiakono ronso.

Po'unde-unde 84:8

Dompelempa kotehi-tehineno komoro-morosodo, ira mpe'aro ndi Ondae Ue Ala i Sioni.

Po'unde-unde 96:8

Weeako Iramo i Ue marambano nee-Do, wawaomo pesomba ka pewinsomo a kintala-Do!

Peluarakoa 34:20

Sine sompo anano kalide anu pine'anaako amba-ambano, asalakono tolosiakono asa ana bimba. Tewala nahi utolosio, asalakono puduo we'uno. Sompo anamiu tama anu aka, asalakono tinolosi. Si hina mia aiwa me'aro ndi Ongkue moa ngkae.

Peluarakoa 34:24

Tewala Kusaari ira luwuno tongku inso i aromiu ka mokomaluao witamiu, nahina maupo te'asa mia ta mosisiriakono witamiu itempono impesomba i aro-Do i Ue, Ue Alamiu, pentolu ilarono asa nta'u.

Yesaya 23:18

Ura ka tambo pebelesuno ta mempori ndi Ondae i Ue, nahi ta inontoako ke ninaa, sine saru urano atuu ta pinatindaako kaanga anu sompo ka sangka anu tekosi tiado mia anu mpo'ia i aro-Do i Ue.

Yesaya 33:20

Kitaomo Sioni, kota tepumpua langkaito! Matamu ta kumitao Yerusale, po'ianga anu rodo, kema anu nahi pelimba-limba, pandorano kongkono mpiha nahi binuta, ka luwuno kolorono nahi ta tebite.

Yehesikieli 36:38

Kana hadiono bimba tiano pesomba mempori, kana hadiono bimba i Yerusale a luwuno porame-rameado, kanatuumo luwuno kota anu tekale-kaleomo bukeako tahino mia. Ka ira mento'orio nine Ongkuemo Ue.”

Imama 23:34

”Pauako iramo to Isaraeli, kanandio: A oleo kohopulu ka olima wula ko'opitu onaemo oleo langkai-Do i Ue, oleo langkai Laika Lewe Ngkeu, opitu oleo tehineno.

Hagai 1:9

Komiu mpomperorohi hadio, sine kitao hasilino tedei. Tempono imewawao mpekule, Kupuurio ka itampula. Hapa pu'uno? Kanandiomo pau-Do Ueno luwuakoano. Hangano raha-Ku anu da kana howuno anu terawo, sekono omiu singge mia marepaako rahano onaeno.

I MATIU 2:11

Ka mpewinso iramo i laro raha atuu, ka mengkitao nana'ote atuu saru i Maria, ine-Do, ka do'amba mpenggolontu mpesombai Ira. Ondae mbo'u me'ungkahio ponaapa arataado ka dompesombaakono pesomba ndi Ondae, onaemo io wulaa, dupa ka mire.

I MARAKUSU 12:3

Sine domerakoo ata atuu ka mentunduhio, ka do'amba mentenao lumako saru kae mooa.

I YOHANE 7:2

Tempo atuu rangkuomo oleo langkaido to Yahudi, onaemo oleo langkai Laika Lewe.

Winali 16:15

Ilarono opitu oleo asalakono impoweweu rame-rame melangkai Ira i Ue, Ue Alamiu, a mpo'ianga anu Ira binikio i Ue. Hangano Ondae i Ue, Ue Alamiu, Ira rumonso komiu a luwuno sinowimiu, ka luwuno anu inanggano kaemiu, ranta kai polio memawongko ntu'u.

Winali 16:17

sine singge mia saru pesomba a ngkaeno, menunu saru poronso anu Doweeakomiu i Ue, Ue Alamiu.

Winali 31:11

tempono luwuno to Isaraeli me'aiwa mpesomba ndi Ondae i Ue, Ue Alamu, a mpo'ianga anu bininiki-Do, asalakono imebasao songka Taura andio i arodo luwuno to Isaraeli.

1 Samueli 1:3

Sompo ta'u i Elikana inso i Rama lumako mesomba ka mompesombaako pesombano ndi Ondae i Ueno luwuakoano i Silo. Orua ira anano i Eli, onaemo i Hopini ka i Pineha gagi sando mpesomba-Do i Ue i ra'ai.

1 Samueli 6:3

Ka do'amba mpotaeako ira, ”Tewala komiu mewawao Burua Pedandia-Do Ue Alado to Isaraeli, simelako moa ngkae, asalakono ime'owahio pesomba pontolosi sala ndi Ondae, gagi komiu mempinokotompa ka komiu mento'orio tembio kae-Do nahi telimba inso ndi omiu.”