Winali 15:19 - Wunta Mempori

¹⁹ Luwuno ana amba-ambano lakino anu pine'anaakodo sapimiu ka asa bawaa bembe bimbamiu, kai pinesusuakoa tia-Do i Ue, Ue Alamiu. Si mpo'anggaako ana amba-ambano sapimiu, kasi megontio wuluno ana amba-ambano bimbamiu.

Winali 15:19 ပူးပေါင်းရင်းမြစ်များ

Peluarakoa 13:12

gagi asalakono ka impesombaakono ndi Ondae i Ue luwuno anu pine'anaako amba-ambano, kanatuu koa mbo'u luwuno lakino pinotuwumiu anu pine'anaako amba-ambano, onaemo tia-Do i Ue.

Peluarakoa 13:2

”Impokomemporio tia-Ku luwuno ana amba-ambano, moiko a mia maupo a mpinotuwu i olono luwudo to Isaraeli, Ongkuemo anu me'ueo.”

Peluarakoa 22:29

Si tekolupe mompesombaako wua gandumu ka uwoi anggoromu. Anamu tama anu amba-ambano asalakono pesombaakono ndi Ongkue.

Peluarakoa 22:30

Kanatuu koa mbo'u weweuo a mpinotuwu: sapi ka asa bawaa bembe bimbamu. Opitu oleo tehineno anano amba-ambano moiko ipo'ia a ineno, sine a oleo ko'oalu asalakono pesombaakonomo ndi Ongkue.

Peluarakoa 34:19

Luwuno anu pine'anaako amba-ambano inso a laro kompo, onaemo anu-Ku, kanatuu koa mbo'u inso a luwuno pinotuwumiu anu lakino, anu pine'anaako amba-ambano, inso a nsapi ke bimba.

Imama 27:26

Sine ana amba-ambano inso i olono pinotuwu, anu gagi ana amba-ambano gagi tia-Do i Ue, nahi moiko ipokomemporio maupo isemamo koa; moiko atuu asa sapi maupo asa bembe ke bimba, tia-Do i Ue atuu.

Podoaa 18:15

Luwuno anu pine'anaako amba-ambano inso a kompono luwuno anu tuwu, anu pinesombaakodo ndi Ondae i Ue, moiko inso a mia maupo inso a ngkondehora, onaemo tiamu. Butu, ana amba-ambano mia asalakono imentolosio, kanatuu koa mbo'u ana amba-ambano kondehora anu mokoburu.

Podoaa 18:17

Sine ana amba-ambano sapi, bimba ke bembe siimo tolosio; luwuno atuu mempori. Reano asalakono siwuiakono meda pontunua pesomba ka tabano tunuo gagi pesomba tinunu, gagi woono anu mokomawongko Ira i Ue.

Podoaa 3:13

Hangano Ongkuemo anu me'ueo luwuno ana amba-ambano. I tempono Kupepate ira luwu ana amba-ambano i wita Masiri, Kupokomemporio tia-Ku luwuno ana amba-ambano i Isaraeli, moiko inso a mia maupo inso a mpinotuwu. Luwuno atuu tia-Ku. Ongkuemo Ue.”

ROMA 8:29

Hangano luwuno mia anu bininiki-Do se'eluno, ondae koa mbo'u pinakosi-Do se'eluno ka domegagi kana rupano Ana-Do, ka igagi anu amba-ambano i olodo hadio pepaekompo, Ondae, Ana-Do atuu.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:17

I kotamiu nahi mpongkaa moiko pesomba tia hopulu inso a gandu, anggoro, ka lanamiu, ke ana amba-ambano sapi ka asa bawaa bembe bimbamiu, ke asa inso a mpesomba anu komiu mpotangaako, ke mpesomba a moleono aroa, ke pesomba pinesusuamiu.

Winali 14:23

I aro-Do i Ue, Ue Alamiu, a mpo'ianga anu Ira binikio kai po'ia nee-Do i ra'ai, asalakono imengkaano tia hopulu inso a gandu, anggoro, ka lanamiu, ka mbo'u ana amba-ambano sapi ka asa bawaa bembe bimbamiu, kai mpepaguru doitoako Ira mpiha i Ue, Ue Alamiu.

Winali 15:18

Si mpompemobea aroa, ba upotolao gagi mia maradeka, hangano i larono onoo nta'u mo'anggaomo ndi omue, anu po'anggano meluka orua tambono mia megadi oleo. Manasa Ondae i Ue, Ue Alamiu, Ira rumonsoko a laro luwuakoano anu inanggamu.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 16:14

Imemawongkomo a oleo langkaimiu atuu, omiu saru anamiu tama ka beine, atamiu tama ka beine, to lewi, saru mbo'u mia hawe, nana'ote anu nahina amano, ka tuwu beine anu i kotamiu.

IBARANI 12:23

ka a bawaado ana aka, anu needo teburi i suruga, ka ndi Ondae Ue Ala, anu bitara ira luwuno mia, ka a mpenaado mia mentee anu gagi sompoomo,