Winali 15:11 - Wunta Mempori

¹¹ Hangano mia mongkokolaro nahi'otu, ta hina mpiha i wita atuu. Onaemo pu'uno kupoweeakomiu parenta, kanandio, ”Asalakono imewileo kaemiu temalua a mpepaekompomiu, anu tepokonsii ka mongkokolaro i witamiu.”

Winali 15:11 ပူးပေါင်းရင်းမြစ်များ

Peluarakoa 23:11

sine ko'opitu nta'uno asalakono komo'ineeo ka bintao, mia mongkokolaro i olodo tongkumiu ka dompohawe koa kaanga. Hapa anu binintado po'ineeomo domengkaano kondehora a ntobu. Kanatuu koa mbo'u weweuo a lere anggoromu ka lere saitumu.

Powadi 19:17

Isema me'aroa a mia mongkokolaro, moweeako Ira i Ue owahia-Do anu ta sumuloo wineweu atuu.

Powadi 22:2

Mia kaea ka mia mongkokolaro hinao pengkenano: Ondae koa i Ue anu mokogagi ira luwu.

Powadi 31:20

Kaeno iweeakono anu tepokonsii, tumasiakono kaeno a mia anu mongkokolaro.

Yehesikieli 18:7

nahi pompokonsii mia susua, mokuleo ginadeno mia, nahi porontu maupo hapa, mompaka mia mokoninggo, moweeakono sangka mia kolambe-lambe,

I MATIU 26:11

Hangano mia memongkokolaro kongko ira mpiha ndi omiu, sine Ongkue nahi Aku merongaakomiu mpiha.

I MATIU 5:42

Poweeakono mia anu mo'ema ndi omue ka si pebungkuio mia anu ta monsabo ndi omue.

I MARAKUSU 14:7

Hangano mia memongkokolaro mekongko ira mpiha ndi omiu, ka impokotulungi ira ba inehemiu, sine Ongkue nahi Aku meronga-rongaakomiu mpiha.

I LUKASI 12:33

Ime'asaomo luwuno arataamiu ka imeweeako iramo mia memongkokolaro! Impoweweumo kadu-kadumiu anu nahi ta teberi, asa arataa anu nahi ta pingko, anu nahi pokorangkuhio mia monako ka anu nahi solangio ane.

I YOHANE 12:8

Hangano mia memongkokolaro mekongko ira mpiha ndi omiu, sine Ongkue nahi Aku kongko mpiha ndi omiu.”

WINEWEUDO TINENA 2:45

ka wela hinao i olodo anu mo'asa arataano, ka i'amba tumia-tiaako ira luwuno mia menunu saru kinereno nte'o'asa mia.

Winali 15:7

Tewala hinao i olomiu mia mongkokolaro, asa mia i olono pepaekompomiu i asa kotamiu, i wita anu Doweeakomiu i Ue, Ue Alamiu, asalakono si memotea aroa ke mpokungku kae a mpepaekompomiu anu mongkokolaro atuu.

Winali 15:8

Tendeano, asalakono imewileakono kaemiu temalua ka impoweeakono monsabo tehadio ntu'u, kai sompo kinereno, maupo te'opia anu kinereno.