Winali 15:10 - Wunta Mempori

¹⁰ Asalakono impoweeakono tehadio ntu'u kasi mobea aroamiu ba impoweeakono. Hangano onaemo pu'uno ka Doronso komiu i Ue, Ue Alamiu i laro luwuno anu inanggano kaemiu.

Winali 15:10 ပူးပေါင်းရင်းမြစ်များ

Powadi 22:9

Mia anu moiko aroano ta rinonso, hangano onae tumiao hinaweno saru mia mongkokolaro.

Puu Pontutulu 11:1

Petadiakonomo rotimu a uwoi, asalakono kowali humaweo tehine umarino atuu.

Yesaya 32:8

Sine mia me'aroa moiko montoo anu moiko, onae wela sumu'uo luwu anu moiko.

Yesaya 58:10

tewala omue mompeweengako a mia mokoninggo kaangamu omuemu ka mokosompoo kineredo mia anu tepokonsii asalakono mewinemu ta mesabaako a laro wongi-wongi ka wongi-wongi ta kana mewineno ntonga oleo.

I MATIU 25:40

Ka Mokole atuu ta sumangki ira: Kupauakomiu, menteeano luwuakoano anu wineweumiu tiano asa mia inso a mpepaekompo-Ku anu tedoa mongkokolaro andio, imeweweuomo ndi Ongkue.

WINEWEUDO TINENA 20:35

A luwuakoano kupoweeakomiumo pandiri, nine ba topo'angga kanandio asalakono ka totulungi ira mia anu memolema ka asalakono topewowoloo pau-Do Ue Yesu, hangano Ondae isa'a motae: Me'uraopo mompowee sekonopo montarima.”

ROMA 12:8

tewala pompowee ka topompatudu, moikoomo topompatudu. Isema anu montia hapa-hapa, asalakono ka iweweuo a moleono aroano; isema anu metewawa, asalakono ka i'anggao temokua; isema anu mopokitao pe'aroano, asalakono ka iweweuo a mawongkono aroa.

Winali 14:19

Luwuno mbo'u kondehora mpehowu anu mepani, onae mbo'u anu mokoburu ndi omiu; si mengkaano.

Winali 14:29

Hangano to Lewi nahi dompohawe tia pusaka meronga saru omiu, ira me'aiwa saru mia hawe, nana'ote nahina amano ka tuwu beine i kotamiu, ka do'amba mpongkaa mowohi. Ba kanandio Ira rumonsokomiu i Ue, Ue Alamiu, a luwuno inanggano kaemiu.

Winali 15:18

Si mpompemobea aroa, ba upotolao gagi mia maradeka, hangano i larono onoo nta'u mo'anggaomo ndi omue, anu po'anggano meluka orua tambono mia megadi oleo. Manasa Ondae i Ue, Ue Alamiu, Ira rumonsoko a laro luwuakoano anu inanggamu.

Winali 15:4

Sine nahi ta hina mia mongkokolaro i olomiu, hangano mentee ntu'u Ondae i Ue Ira rumonso komiu i wita anu Doweeakomiu i Ue, Ue Alamiu, kai gagi tia pusakamiu,

Winali 23:20

Inso a mia hawe moiko impo'ema ana doi, sine inso a pepaekompomu simpo'ema anano doi, ka Doronsoko i Ue, Ue Alamu, a luwuno usahamu i wita anu komewinsokio ka mentorokio.”

Winali 24:19

Tewala sumowiko i leremu, kau tekolupe asa nte'u i lere, siimo upekule umalao; onaemo atuu tiado mia hawe, nana'ote nahina amano ka tuwu beine, ka Doronsoko i Ue, Ue Alamu a luwuno inanggamu.

Winali 28:8

Ondae i Ue Ira parentao poronso-Do i wawomiu ia nsi'emiu ka i luwuno inangano kaemiu. Ira rumonso komiu i wita anu Doweeakomiu i Ue, Ue Alamiu.

IBARANI 13:16

Ka si mengkolupeo mpoweweu moiko ka pompowee pontulungi, hangano luwuno pesomba anu kanandio anu Dopemoikoo Ue Ala.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.