Winali 14:23 - Wunta Mempori

²³ I aro-Do i Ue, Ue Alamiu, a mpo'ianga anu Ira binikio kai po'ia nee-Do i ra'ai, asalakono imengkaano tia hopulu inso a gandu, anggoro, ka lanamiu, ka mbo'u ana amba-ambano sapi ka asa bawaa bembe bimbamiu, kai mpepaguru doitoako Ira mpiha i Ue, Ue Alamiu.

Winali 14:23 ပူးပေါင်းရင်းမြစ်များ

Po'unde-unde 111:10

Pompu'uano ponto'ori anu mentee onaemo doitoako Ira i Ue, luwuno mia anu weweuo mohawe pokonto'ori anu moiko. Po'unde-unde ndi Ondae nahi bali ranta nahina tampulaano.

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Po'unde-unde 2:11

Pekakaako Iramo i Ue saru doito ka mawongkomo saru pondindi-ndidi,

Yesaya 8:13

Sine Ondae Ueno luwuakoano, Ondaemo anu asalakono ime'akuio gagi Anu Mempori; ndi Ondaemo imedoito ka ndi Ondaemo impondende.

Yeremia 32:38

Ondae ira megagi bawaa-Ku ka Ongkue gagi Ue Alado.

Podoaa 15:20

Tarigu jelaimiu anu amba-ambano, asalakono imewawao gagi pesomba pinesusua onaemo roti bonggoli. Kanamo pesomba pinesusua inso a hasilino ponsesaamiu, kanatuumo asalakono impesombaakono.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:14

Sine, a mpo'ianga anu bininiki-Do i Ue i witado asa i olono sukumiu, i ra'aimo asalakono impesombaakono pesomba tinunumiu. I ra'aimo asalakono imeweweuo luwuno anu kuparentaa komiu.

Winali 4:10

Oleo atuu mpentade komiu i aro-Do i Ue, Ue Alamiu i Torukuno Hore, ka Ondae i Ue mepau ndi ongkue, ”Tena iramo tongku atuu mpepumpu ndi Ongkue. Aku moporongeako ira luwuno pau-Ku, ranta ka domedoito ndi Ongkue asa ntinuwudo i wawontolino ka paguruako ira anado kanandio.”