Winali 13:9 - Wunta Mempori

⁹ sine impepateomo! Amba-ambano kaemu omuemu anu melelu komepateo, ka i'amba kaedo luwuno palili.

Winali 13:9 ပူးပေါင်းရင်းမြစ်များ

Imama 24:14

”Wawaomo mia anu montotonaa atuu i bungkuno pekemaa ka luwuno mia anu rumongeo asalakono numaao kaeno a wawo uluno mia atuu. Ka i'amba luwuno bawaa asalakono wunoakono watu.

I MATIU 10:37

Ba isema mehohawao ama ke ineno laluaopo sekono ndi Ongkue, nahi pototono ndi Ongkue; ka ba'isema mehohawao anano tama ke beine laluaopo sekono Ongkue, nahi pototono ndi Ongkue.

I LUKASI 14:26

”Tewala asa mia aiwa ndi Ongkue ka nahi o'aliaakono amano, ineno, beineno, anano, pepaekompono tama ke beine, maupo penaano onaeno, nahi ta polio gagi ana guru-Ku.

I YOHANE 8:7

Ka mansano mpesikeno ira mpiha ndi Ondae, mewanguako Ira mentade ka Do'amba mepauako ira, ”Ba isema i olomiu nahi tehala, onaemo anu amba-ambano wunoakono watu a beine atuu.”

WINEWEUDO TINENA 7:58

Domerendeo i bungkuno kota, ka do'amba mewunoo. Ka luwuno sakosii menaao lemba meloedo a mpuu karuno aasa mangalitau anu meneeako i Saulu.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 25:12

asalakono kau totopio kaeno beine atuu. Si pehohawao.

Winali 7:16

Asalakono imeropu ira luwuno tongku anu Doweeakomiu i Ue, Ue Alamiu. Si mpehohawa ira, kasi mpesomba a anu pinesombaido, hangano anu kanatuu ta gagi ohomiu.

Winali 7:2

Tempono Ondae i Ue, Ue Alamiu, meweengako ira ndi omiu, ranta kai menangi ira, onaemo asalakono imeropu ira luwu. Si poweweu pedandia saru ondae ke mehohawa ira.