Winali 13:6 - Wunta Mempori

⁶ Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 13:6 ပူးပေါင်းရင်းမြစ်များ

Tegagia 16:5

Motae i Sarai ndi Burama, ”Pompokongkodei anu pinemarasaiku andio onaemo salamu. Lano ongkue weeakomu ataku, sine da iaopo ito'orio, nine onae mentia, ipe'uru-uru aku. Po'ineeomo Ondae i Ue gagi Puu Mpobitara i oloku ka omue.”

2 Samueli 1:26

Aroaku masusa hangano omue Yonata pepaekompoku. Tedoa upokonsanaa aku; pompehohawamu tedoa mo'urense laroku, sekono pompehohawano beine.

1 Mokole 18:40

Motae i Elia ndi ondae, ”Imerako iramo luwu nabi Ba'ala atuu, si mpo'ineeo maupo te'asa mia inso ndi ondae anu tola.” Mansado merinako, iwawa ira i Elia a ngkorono Kisoni ka isumbele ira i ra'ai.

2 Mokole 11:18

Ka i'amba luwuno palili mpewinso a raha Ba'ala ka mpobangkuo. Domerawo-merawo ira meda pontunua pesomba ka luwuno tinaha pesombaado ka mpepateo i Matani, sando Mpesomba Ba'ala atuu i arono luwuno meda pontunua pesomba atuu. Ka i'amba sando mpesomba Yoyada numaa ira puu mpodagai a raha-Do i Ue.

2 Tawarika 15:13

Sompo mia anu nahi ungke Ira i Ue, Ue Alano i Isaraeli, moiko nana'ote maupo mia sompoomo tinuwuno, moiko tama maupo beine, asalakono hinuku mate.

2 Tawarika 23:17

Umarino atuu mpewinso iramo luwuno palili a raha Baala, ka do'amba mpobangkuo; domempehao luwuno meda pontunuano pesomba ka luwuno tinaha pinesombaino ka mepateo i Matani, sando mpesomba Baala i arono luwuno meda pontunua pesomba atuu.

Ayubi 31:27

ranta mo'ia-ia tepopandei aroaku, ka mompohawe pewoo-woo ngkae ndi onae,

Peluarakoa 13:3

Ka i'amba motaeako ira i Musa tongku atuu, ”Impelangkaio oleo andio, nde oleo andio impeluarako inso i wita Masiri, inso a mpo'ianga tepe'ataamiu; hangano kae-Do i Ue anu moroso wawakomiu mpeluarako inso i wita Masiri. Onaemo pu'uno kaanga hapamo koa anu meragi, si kinaa.

Peluarakoa 32:27

Ipotaeako ira: ”Kanandiomo pau-Do i Ue, Ue Alado to Isaraeli: Sompo mia metampio ponaino a ntongano. Impelempamo ngkoraane, ngkoramai telalo a mpekemaa inso a mpewowa langkai, lumako a mpewowa langkai. Sompo mia mepateo pepaekompono, wali-walino, ka pehori kemano.”

Powadi 18:24

Hinao wali-wali anu mowawa masolaa, sine hinao sambe'e anu rangkuopo sekono asa mia pepaekompo.

Powadi 5:20

Hei anaku, tembio ka utesingka a beine sodilo, ka mongkopui radano beine lansara?

Yeremia 28:15

Ka i'amba motae Nabi Yeremia ndi Nabi Hanania, ”Rongeomo, hei Hanania! Ondae i Ue nahi Dotenako, sine uweweu iramo tongku andio mpompe'ala-ala pegaupi.

Yeremia 28:16

Onaemo pu'uno, kanandiomo pau-Do i Ue: Menteeano, Aku sumaariko inso i wawontolino. Ta'u koa mbo'u andio omue komate, hangano upaleleomo pe'ewa ndi Ondae i Ue.”

Yeremia 44:3

hangano mpoweweu iramo anu mosa'o. Ondae mpokotesingkao tekuda-Ku hangano melako mpotunu pesomba ka mpesomba a luwuno pinesombai susua anu nahi domento'orio, omue ke uempu'umu.

Sakaria 13:3

Tewala asa mia da mentade gagi nabi, asalakono ama ka ineno anu me'anaakono, ira motae ndi onae, ’Nahi moiko ukongko tuwu, hangano pegaupi anu pinaumu a nee-Do i Ue!’ Ka i'amba ama ka ineno, anu me'anaakono, ira tumoboo tempono ipompau anu ta gagi.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 2:4

Lano hinao pedada inso a mia mpo'onde-onde pepaekompo anu mansa mpewinso, onaemo ondae anu mpewuni mpewinso i larono ira mempoporooo maluaato anu hinaweto ndi Ondae i Kerisituu Yesu, ka ihina pesalaado mpokompe'ata kita.

EPESU 4:14

ranta komba menana'ote kita mbo'u, anu ngkoraane-ngkoramai hangano mperupa-rupa angi pompaguru, hangano pepalindodo mia anu nahi mentee a mpe'akalado anu mompopo'oo,

Winali 11:32

asalakono impetenunu meweweuo luwuno pompakosi ka atora anu kuweeakomiu a oleo andio.

Winali 13:2

Tewala petondoni ke anu kinohali-haliako anu pinohaweno ndi omiu atuu gagi, ka ipotae, ”Aiwa kato mpetonda a anu pinesombai susua,” anu nahi imento'orio, ”ka aiwa tompesomba ndi onae,”

Winali 13:7

asa i olono anu pinesombaido luwuno tongku petengi-tengimiu, moiko anu umpeda ke olai inso ndi omiu, inso i tompano tolino hawe i tompano tolino.

Winali 17:12

Mia anu kowee-wee ka nahi perorongeakono pauno sando mpesomba anu mentade i ra'ai gagi puu mpopekakaako-Do i Ue, Ue Alamiu, ke maupo pauno puu mpobitara, manasa mia atuu mate. Kanatuumo asalakono impokotampulao anu mosa'o inso i Isaraeli.

Winali 18:20

Sine asa nabi anu kowee-wee mompohawe a nee-Ku, pau anu nahi Kuparentaakono kai pohaweo, ke anu mepau a neeno anu pinesombai susua, nabi atuu asalakono mate.”

Winali 19:19

ka omiu asalakono meweweuo kana'umpe tinoono mokoko'iio pepaekompono. Kanatuumo asalakono impokotampulao anu mosa'o inso i tonga-tongamiu.

Winali 21:21

Ka i'amba luwuno tama pe'asa kotano asalakono mewunoakono watu nana'ote atuu ranta kai mate. Asalakono kanatuumo upahihio anu mosa'o atuu inso i tonga-tongamiu. Luwuno to Isaraeli ira merongeo ka gagi medoito.

Winali 22:21

asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Winali 24:7

Tewala asa mia hinawe mompolaisako asa mia pepaekompono inso i olodo to Isaraeli, ka i'amba weweuo kana ata ke i'asao, asalakono anu mompolaisako atuu mate. Kanatuumo u'oninio anu mosa'o atuu inso i tonga-tongamu.

Winali 28:54

Tama anu molusa-lusa ka pinetondai ntu'u i olomiu ta gagi lambaha a mpepaekompono da a ngkombiano anu pinehohawano ka a luwuno anano anu da kongko.

Winali 29:18

Onaemo pu'uno si hina i olomiu tama ke beine, pe'etu ke suku, anu a oleo andio aroano mewolili binta Ira i Ue, Ue Alato, kai lako mesomba a mpinesombaido luwuno tongku atuu. Si hina i olomiu haka moluarako rasu ke mopa'i.

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

KOLOSE 2:4

Mongkona andio kupauo, ka si hina anu mopo'ooakomiu pau mpo'o'ahiti.

Yosua 7:13

Pewangumo, pokomempori iramo tongku atuudo ka upauako ira: Pokomemporio koroi miu tisomo, nde kanandio pau-Do i Ue, Ue Alado to Isaraeli: Oo, to Isaraeli, hinao sangka anu pinakosi imentadio te'inso ndi omiu.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

MENGKAAA 12:9

Ka naga langkai atuu, i ule mota'u, anu nineeako i Mosa'o ke i Satani, anu mopo'oo asa wawontolino, pinetadiako i totono; onae pinetadiako i tolino, meronga saru luwuno mala'ekano.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 20:3

ka i'amba metadiakono a laro wingke matea, ka tumondoo wingke matea atuu ka tumondonio i wawono, ka si popo'oo ira mbo'u tongku, se'eluno napi tampula tempo asa nsowu ta'u atuu; ka i'amba umarino atuu onae ta motolao sarai.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

Puu Mpobitara 20:13

Kanandio-andio impeweengakonomo luwuno mia atuu, onaemo mia anu memosa'o gauno i Gibea, ka kami mpepate ira, nde ba kanandio kita umoninio hapa anu mosa'o i olodo to Isaraeli.” Sine inuleno i Benami nahi domebehe mperorongeakono hapa anu pinaudo pepaekompodo, to Isaraeli.

Puu Mpobitara 5:8

Itempono mia mpobiniki anu pinesombai wo'ohu, mpetea ia mpewowano inia. Menteeano, maupo te'asa kanta ba kansai nahi tengkita i olono pato pulu nsowu mia i Isaraeli.

1 Samueli 18:1

Umarino i Daudi mepauakono i Saulu, tepo'asaomo aroano i Yonata ka i Daudi. I Yonata mehohawao kana koroino onaeno.

1 Samueli 18:3

I Yonata moweweu pedandia saru i Daudi, hangano ipehohawao kana koroino.

1 Samueli 20:17

I Yonata tumenao i Daudi ka ipesumpa tepohonapo mbo'u a pompehohawano i Daudi ndi onae, hangano i Yonata mehohawao kana koroino onaeno.