Winali 13:4 - Wunta Mempori

⁴ Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 13:4 ပူးပေါင်းရင်းမြစ်များ

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

2 Tawarika 34:31

Ka i'amba mokole mentade a mpo'iangano ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga saru weweuo pauno pedandia anu teburi a wunta atuu.

Yeremia 7:23

Butu koa onae ndio anu Kuparentaako iramo: Perorongeakonomo pau-Ku, asalakono Aku gagi Ue Alamiu ka omiu gagi bawaa-Ku, ka tondaomo luwuno sala anu Kuparentaakomiu, ka imoiko tumuwumiu!

Mika 6:8

”Oo mia, umariomo upinauako hapa anu moiko, ka hapa anu tinuntu-Do i Ue inso ndi omue umarino melelu moleo, kumekewoio petenunu, ka tuwu me'urumako i aro-Do Ue Alamu?”

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

ROMA 6:13

Ka si mpeweengakono luwuno parewa ngkoroimiu a hala ka ipinake gagi parewa poweweu mosa'oa, sine impeweengakonomo koroimiu ndi Ondae Ue Ala kana mia anu i ndi'upua mate, sine anu kanandio-andio tuwu. Ka ipeweengakonomo luwuno parewa ngkoroimiu ndi Ondae Ue Ala ka igagi parewa menteea.

1 KORINTI 6:17

Sine isema anu me'asaako Ira i Ue, gagi me'asa mpenaako Ira.

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

2 YOHANE 1:6

Ka ndiomo pompehohawa atuu, onaemo nine asalakono ka tomentuwu montonda parenta-Do. Ka ndiomo parenta atuu, onaemo nine asalakono ka imentuwu a laro pompehohawa, kana imerongeomo inso a pompu'uano.

1 Samueli 7:3

Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”