Winali 13:17 - Wunta Mempori

¹⁷ Hapamokoa inso a sangka anu pinesusua ta rinopu atuu si tedanggi a ngkaemiu, ka Dopenaa-naa i Ue inso a ntekuda-Do anu tensila atuu, mopokitao pompehohawa-Do ndi omiu, mokoko'unduakomiu ka mokohadio komiu, kana anu dinandi-Do saru sumpa ndi ondae uempu'umiu.

Winali 13:17 ပူးပေါင်းရင်းမြစ်များ

Tegagia 26:24

Ia wongi atuu Ondae i Ue mepopokita ndi onae saru mepau, ”Ongkuemo Ue Alano i Burahima, amamu. Si doito, hangano Ongkue kumongkomiko. Aku rumonsoko ka weweuo inulemu hadio hangano tetenaa-Ku i Burahima.”

Tegagia 26:4

Aku weweuo inulemu hadio kana anano wula i langi. Aku weeako ira inulemu luwuno wita andio, ka hangano inulemu luwuno tongku i tolino ira mpohawe ronso.

Tegagia 28:14

Inulemu ira megagi kana awu wita hadiono, ka omue kotesiarawo te'alaako i sabaano oleo, i sumooano oleo, i utara ka i selata ka hangano omue saru inulemu luwuno suku i wawontolino ira mpohawe ronso.

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Po'unde-unde 85:3

Itandeomo salado bawaa-Miu, nami pototo'iako ira luwuno halado. Sela

Peluarakoa 20:6

Sine Aku mopokitao pompehohawa-Ku a nsowu-sowuno mia, ndi ondae anu mpehohawa Aku ka anu mpe'ini a luwuno songka-Ku.

Peluarakoa 32:12

Tembio to Masiri ka domansa mpotae: Lano tinoo mosa'o, Dowawa ira mpeluarako, mepate ira ia mentorukuno ka domeropu inso i wawontolino? Ipomuleomo aroa tekuda-Miu anu tensila atuu ka Ibaliomo tinoo-Miu mompotiiako ira masolaa a bawaa-Miu.

Ponsabangi 3:32

Maupo Dopompotii masusaa, me'aroa Ira koa mbo'u montonda langkaino pompehohawa-Do.

Yehesikieli 37:26

Aku moweweu pedandia manangai saru ondae, ka atuu ta gagi pedandia anu mo'ia mpiha saru ondae. Aku rumonso ira ka weweu ira mehadio ka meweengakono po'ianga mempori-Ku i tonga-tongado ranta nahina tampulaano.

Hosea 11:9

Nahi Aku motiio tekuda-Ku anu tensila, nahi ta sinolangi mbo'u i Eparai. Hangano Ongkue andio Ue Ala komba mia, anu mempori i tonga-tongamiu, ka nahi Aku hawe a laro ntekuda.

Podoaa 25:4

Ka i'amba mepau Ira i Ue ndi Musa, ”Rako iramo luwuno petewawado tongku atuu ka ndoe ira i aro-Do i Ue a maluaano, ka itepomule tekuda-Do i Ue anu tensila atuu inso i Isaraeli.”

1 KORINTI 16:22

Isema nahi kekewoi Ira i Ue, tetotonaaomo. Maranata!

Winali 13:18

Hangano, imperorongeakono pau-Do i Ue, Ue Alamiu, saru mpe'ini a luwuno parenta-Do, anu kupohaweakomiu a oleo andio, ka mpoweweu hapa anu mentee a pongkita-Do i Ue, Ue Alamiu.

Winali 30:3

onaemo Ondae i Ue, Ue Alamu, Ira mokomoikoo tumuwumu ka mehohawako. Ira wali pumpu komiu inso a luwuno tongku ba isua Dopeweengakomiumo i Ue, Ue Alamiu.

Winali 30:5

Ondae i Ue, Ue Alamu Ira wawakomiu mpewinso i wita anu pine'uedo uempu'umu ka komiu mpe'ueo mbo'u. Ira moweweu moiko ndi omue ka weweu komiu mehadio lumaloi ira uempu'umu.

Winali 7:13

Ira mehohawa komiu, rumonso komiu, ka mokohadio komiu. Ira rumonsoo inulemiu ka hasilino witamiu, gandu ka anggoro saru lanamiu, ana nsapimiu, ka asa bawaa ana bembe bimbamiu, i wita anu dinandi-Do saru sumpa ndi ondae uempu'umiu Ira weeakomiu.

Winali 7:26

Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

Yosua 22:20

Itempono i Akani anano i Sera nami petenunu, mo'ala parewa anu pinakosi, nde nahi luwuno to Isaraeli tokoa anu kona ntekudaako? Komba butu onae anu mate hangano halano.”

Yosua 6:18

Sine omiu, dagaio koroimiu, inso ia sangka anu ta pinokoropu, sii mpo'ala sangka anu pinakosiomo atuu, kasi hangano onae po'iangado to Isaraeli ta pinokoropu.

Yosua 6:24

Sine inia atuu ka luwuno anu i larono sinongkoomo, butu wulaa, salaka, mala, ka labu donaa ira pinumpu ia raha-Do i Ue.

Yosua 6:26

Tempo atuu mesumpaomo i Yosua, ipotae, ”Tetotonaaomo i aro-Do i Ue mia anu wali wanguo kota Yeriko andio; ka i'owahiakono penaano anano anu aka, gagi empehino kota atuu, gagi owahino penaano anano tompasusu, ka ipoweweuakono pewowano anu moroso!”

Yosua 7:1

Sine to Isaraeli baliomo aroado nde mpo'ala ira sangka anu dome'inontoako, hangano i Akani anano i Karimi, anano i Sabadi, anano i Sera, inso ia nto Yehuda mpo'ala ira sangka anu dome'inontoako. Tekuda iramo Ondae i Ue a nto Isaraeli.

Yosua 7:26

Umari atuu domewanguo asahowuno watu langkai da kongkono ranta kanandio. Luntuomo tekuda-Do i Ue. Domeneakono wita atuu lembono Akoro ranta kanandio.

Yosua 8:28

I Yosua tumunuo kota Ai ka iweweuo gagi howuno anu tinunu hawe pokotampulaano, gagi wita anu morungku ranta kanandio.