Winali 13:16 - Wunta Mempori

¹⁶ Luwuno pinomuru asalakono imepumpuo i tonga-tongano tanalapa. Kota ka luwuno pinomuru atuu asalakono imentunuo kai pingko gagi pesomba tinunu anu soompo ndi Ondae i Ue, Ue Alamiu. Luwuno atuu ta mo'ia mpiha gagi howuno hanga ngkota rinopu ka nahi ta winangu mbo'u.

Winali 13:16 ပူးပေါင်းရင်းမြစ်များ

Peluarakoa 22:19

Maupo isema anu mewowaliako pinotuwu, manasa onae ta hinuku mate.

Yesaya 17:1

Pau-Do anu pabawa a nto Damasi. Menteeano, Damasi nahi ta gagi mpiha kota, sine kogagi howuno anu terawo;

Yesaya 25:2

Hangano Iweweuomo kota atuu gagi howuno watu, ka kota anu mebente pekorahakoa atuu gagi howuno anu terawo; ranta bentedo mia hawe atuu nahi pentade mbo'u gagi kota, ka nahi winangu mbo'u ranta nahina tampulaano.

Yeremia 49:2

Onaemo pu'uno, menteeano, tempono ta hawe, kanandiomo pau-Do i Ue, nine Aku moporongeo pohio peteaa ndi Raba inuleno i Amoni. Kota atuu ta gagi howuno anu terawo anu londa, ka luwuno kota kodeino ta sinongko. Isaraeli ta me'ue ira mia anu i ndi'ipua me'ueo, pau-Do i Ue.

Yehesikieli 26:14

Aku mokogagiko torukuno watu anu londa ka hangano kanandio omue kogagi pompuaia buani ranta nahi kowinangu mbo'u, hangano Ongkue, Ue, anu pauo, kanandiomo pau-Do Ue Ala.

Mika 1:6

Onaemo pu'uno Aku weweuo Samaria gagi howuno anu terawo a ntonga mpada, gagi po'ianga pompahoa keu anggoro. Aku walundi ira watuno a lembono ka sumungkeo luwu empehino.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Winali 7:26

Osi'i mbo'u impowawa te'aasa anu mokoburu mewinso a laro rahamiu, ranta omiu mbo'u rinopu kanatuu. Asalakono mentee ntu'u ime'o'aliaakono ka mokoburuakono mongkona atuu, hangano luwuno atuu pinesusua ta pinokotampula.

Yosua 6:21

Dompepateako ira ponai, tama ka beine, mia mota'u ka mia mongura, ka io pinotuwudo, sapi, bimba, ka kalide.

Yosua 6:24

Sine inia atuu ka luwuno anu i larono sinongkoomo, butu wulaa, salaka, mala, ka labu donaa ira pinumpu ia raha-Do i Ue.

Yosua 6:26

Tempo atuu mesumpaomo i Yosua, ipotae, ”Tetotonaaomo i aro-Do i Ue mia anu wali wanguo kota Yeriko andio; ka i'owahiakono penaano anano anu aka, gagi empehino kota atuu, gagi owahino penaano anano tompasusu, ka ipoweweuakono pewowano anu moroso!”

Yosua 8:28

I Yosua tumunuo kota Ai ka iweweuo gagi howuno anu tinunu hawe pokotampulaano, gagi wita anu morungku ranta kanandio.