Winali 13:13 - Wunta Mempori

¹³ nine hinao mia mosa'o gauno me'umbaako inso i tonga-tongamiu, anu mokopansia iramo palili i kotado, ipotae, ”Aiwa tompesomba a anu pinesombai susua” anu nahi imento'orio.

Winali 13:13 ပူးပေါင်းရင်းမြစ်များ

2 Samueli 16:7

Kanandiomo pauno i Simei tempono ipontotonaa, ”Polai, polaimo, omue puu mpo'uwu rea, mia mosa'o!

2 Samueli 20:1

I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

2 Samueli 23:6

Sine mia melambaha, luwuno kana rui pinetadiako. Ka menteeano nahi pinoko'alaako kae.

1 Mokole 21:10

Impontena mbo'u orua mia lambaha mentoro umaropio, ka ondae asalakono gagi sakosii umewaio saru motae: Utotonaa Ira i Ue Ala ka ondae mokole. Umarino atuu imewawao ibungkuno ka imewunoakono watu ranta kai mate.”

1 Mokole 21:13

Ka i'amba orua mia lambaha atuu hawe ka dopentoro tepo'aroakono i Nabo. Mia lambaha atuudo gagi sakosii umewaio i Nabo i arodo palili, dopotae, ”Itotonaa Iramo i Nabo Ondae i Ue Ala ka ondae mokole.” Umarino atuu, domewawao i bungkuno kota ka do'amba mewunoakono watu ranta kai mate.

2 Mokole 17:21

Tempono Doponsia ira to Isaraeli inso a nsomborino i Daudi, dompotoroo i Yerobea anano i Nebati gagi mokole, sine i Yerobea weweu ira to Isaraeli mepansia, olaiako Ira i Ue ka poko'ariano mpoweweu ira hala langkai.

2 Tawarika 13:7

Luwuno mia mpelakopi ka mia lambaha, ntepo'asa saru onae. Moroso irapo sekono i Rehabea anano i Salomo, anu da mongura ka napi moroso aroano, saru nahi polio umaropi ira.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

2 KORINTI 6:15

Hapake anu mengkena hinawe i olo-Do i Kerisituu ka i Beliali? Hapake pe'asaado mia mpompe'ala-ala saru mia anu nahi dompompe'ala-ala?

Winali 13:12

Bara'ura aasa i olono kota anu Doweeakomiu i Ue, Ue Alamiu, gagi mpo'iangamiu, kai merongeo

Winali 13:14

Asalakono imemparesao, impenootio ka impesikeno temoiko. Tewala mentee ntu'u ka manasaomo nine wineweuomo anu mokoburu atuu i tonga-tongamiu,

Winali 13:2

Tewala petondoni ke anu kinohali-haliako anu pinohaweno ndi omiu atuu gagi, ka ipotae, ”Aiwa kato mpetonda a anu pinesombai susua,” anu nahi imento'orio, ”ka aiwa tompesomba ndi onae,”

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 17:4

Tewala mongkona atuu pinauako ndi omiuke imerongeo, asalakono imemparesao temoiko. Tewala mentee ntu'u ka manasaomo nine anu mokoburu atuu wineweu i Isaraeli,

Winali 4:19

Tewala mengkitako mbo'u i langi, kumitao mata'oleo, wula ka anano wula, luwuno sorodadu i langi, si ntepopandei kai mpenggolontu mpelangkaio ka impesomba a luwuno atuu. Tendeano Ondae i Ue, Ue Alamiu meweengakono luwuno tongku i wawontolino gagi tiado.

1 YOHANE 2:19

Lano ondae mente'inso i oloto, sine komba inso ntu'u i aroado ntewinso ndi ontae; hangano tewala inso ntu'u i aroado ntewinso ndi ontae, asalakono ira koa mperonga-ronga mpiha saru ontae. Sine ka igagi mongkona atuu, ka igagi mengkaa, nine komba luwudo inso ntu'u i aroado ntewinso ndi ontae.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

YUDASI 1:19

Ondaemo anu mpoweweu teposisalaa anu pinabawai butu luwuno mosisirino wawontolino andio ka anu tuwu nahina Penaa Mempori.

Puu Mpobitara 19:22

Sine kontongaado memawongko mehawe iramo mia anu a ngkota atuu, mia melambaha, mensapoio raha atuu. Domedodandao pewowano ka dompotae ia mia mota'u ueno raha atuu: Luarakono mia anu hawe ia rahamu atuu, kami mpewowaliakono.

Puu Mpobitara 20:13

Kanandio-andio impeweengakonomo luwuno mia atuu, onaemo mia anu memosa'o gauno i Gibea, ka kami mpepate ira, nde ba kanandio kita umoninio hapa anu mosa'o i olodo to Isaraeli.” Sine inuleno i Benami nahi domebehe mperorongeakono hapa anu pinaudo pepaekompodo, to Isaraeli.

1 Samueli 10:27

Sine dompotae mia melambaha, ”Kana'umpe mia andio ta mokokadudui kita?” Dompepaukiakono ka nahi dompowawa pompowee ndi onae. Sine nahi perio ira.

1 Samueli 2:12

Sine orua ira anano i Eli anu tama, lambaha ira, nahi dopelangkai Ira i Ue,

1 Samueli 25:17

Onaemo ka ipewowoloomo ka ito'oriomo hapa anu komiu weweuo, hangano masolaa asalakono ta hawe ndi ondae ueto ka luwuno pe'asa rahado. Onae asa mia lambaha ranta ka nahi behe inoluako mepau.”

1 Samueli 25:25

Siimo iperioo i Naba, mia lambaha atuu, hangano kana neeno kanatuumo onae, neeno i Naba, mia nahi montaso pinewowolono. Ongkue nahi kukita ira mia tinenamiu,